ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ

ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ - advert banner 728 90 728x90 - ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ

ໂດຍ: ທິດກ່ຳ 

ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ - lattana 1 - ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ

ໃນສອງສາມມື້ຜ່ານມາ, ທິດກ່ຳ ຍັງກ້ຽວວຽນຢູ່ນຳສະ ພາບບັນຍາກາດບຸນອອກພັນ ສາປະວໍລະນາປະຈຳປີ 2018 ຢູ່ທີ່ທ່າວັດຈັນອັນເປັນທີ່ຕັ້ງ ຂອງ ນະຄອນຫລວງແຫ່ງ ສປປ ລາວ ໃນປັດຈຸບັນ.

 

ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ - 777777 - ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ

ການຈັດເກັບຂີ້ເຫຍື້ອໃນຍາມຝົນຍັງແກ້ບໍ່ຕົກ2018/

ຂີ້ເຫຍື້ອປຣາສະຕິກໃນທະເລໂລກ ເຄິ່ງໜຶ່ງມາຈາກ 5 ປະເທດອາຊີ2018/

ສຳລັບປີນີ້, ບຸນອອກພັນ ສາຕິດພັນກັບບຸນຊ່ວງເຮືອເລີ່ມ ເປີດສາກມາແຕ່ວັນທີ 22 ຈົນ ຮອດວັນທີ 25 ຕຸລາພໍດີກົງກັບ ມື້ ວັນຈັນ ຮອດວັນພະຫັດຖືວ່າ ເປັນມື້ລັດຖະການແກ່ຍາວມາ ຈົນຮອດທ້າຍອາທິດ.

ແນວໃດກໍຕາມ, ເທົ່າທີ່ ທິດກ່ຳ ເຫັນບັນຍາກາດຕົວຈິງ ຂອງການສະຫລອງບຸນອອກ ພັນສາປີນີ້ ມີກິດຈະກຳຫລາຍ ຢ່າງລື່ນປີຜ່ານມາເຊັ່ນວ່າ: ນອກ ຈາກລາຍການປົກກະຕິດັ່ງ ປີຜ່ານມາແລ້ວ, ຢູ່ວັດອົງຕື້ມະ ຫາວິຫານກໍໄດ້ມີກິດຈະກຳໄຕ້ ທຽນ ແລະ ວຽນທຽນຢ່າງອາ ລັງການສວຍງາມ ເຊິ່ງບໍ່ເຄີຍ ມີໃນຫລາຍປີຜ່ານມາ.

ສ່ວນວ່າຈຸດຜາມໄຊ ແລະ ຫລັກໄຊອັນເປັນຈຸດທີ່ຕັ້ງຂອງ ງານຊ່ວງເຮືອນັ້ນແມ່ນໄດ້ຍັບ ລົງໄປທາງເບື້ອງໃຕ້ແຖວໂຮງແຮມແລນມາກອັນເປັນສະ ຖານທີ່ກວ້າງຂວາງທັງສວຍ ງາມບໍ່ຄັບແຄບ, ເສັ້ນທາງກໍ ໂລ່ງລ່ຽນ, ຜູ້ຄົນສາມາດເດີນ ທ່ຽວໄປມາເລາະຊົມບັນຍາ ກາດຂອງງານຊ່ວງເຮືອໄດ້ ຢ່າງເຕັມໃຈ ແລະ ກໍຖືວ່າງານ ຊ່ວງເຮືອບຸນອອກພັນສາທີ່ ທ່າວັດຈັນປີນີ້ເຕັມໄປດ້ວຍ ຄວາມມ່ວນຊື່ນ ແລະ ສຳເລັດ ລົງດ້ວຍຄວາມປອດໄພໄດ້ ຕາມຮີດຕາມຄອງ ແລະ ຄາດ ໝາຍຂອງປີທ່ອງທ່ຽວລາວ.

ແນວໃດກໍດີ, ສິ່ງທີ່ຄາໃຈ ສຳລັບທິດກ່ຳນັ້ນຫລັງຈາກ ເລີກບຸນໄປແລ້ວພາບພົດທີ່ ເຫັນ ຢູ່ ແຖວທ່າວັດຈັນແຄມ ຂອງແຕ່ເໜືອສຸດໃຕ້ແມ່ນເຕັມ ໄປດ້ວຍຂີ້ເຫຍື້ອ ເຊິ່ງໄດ້ປະ ປ່ອຍແກ່ຍາວມາຫລາຍວັນ ເບິ່ງຢ່າງໜຶ່ງຄືບໍ່ມີພາກສ່ວນ ໃດຮັບຜິດຊອບ.
ຊ້ຳບໍ່ໜຳມື້ເລິກບຸນມ້ຽນ ມັດອັດຮີ່ຫ້າງຮ້ານພັດແມ່ນວັນ ສຸກ, ແກ່ຍາວມາຮອດວັນເສົາ ວັນທິດເປັນມື້ພັກລັດຖະການ ຈົນຂີ້ເຫຍື້ອທີ່ປະປ່ອຍໄວ້ເໜົ່າ ເໝັນ, ປິວໄປຊະຊາຍທົ່ວທີບ ກວ່າມັນຈະເຫືອດຫາຍຈາກ ທີ່ນັ້ນມັນກໍເປັນໄປຕາມການ ເວລາມາເປັນທີ່ຕັ້ງ.

ຕາມທິດກ່ຳຄິດຜູ້ຮັບຜິດ ຊອບໂດຍກົງກໍແມ່ນເມືອງຈັນທະບູລີເພາະແນວໃດກໍແມ່ນ ເພິ່ນເປັນເຈົ້າພາບຈັດງານບຸນ ໃນຄັ້ງນີ້ ແລະ ກໍອາດມີແຜນ, ມີການເວົ້າວ່າມອບໝາຍໃຫ້ ໜ່ວຍງານທີ່ກ່ຽວຂ້ອງໃຫ້ລະ ອຽດຖີ່ຖ້ວນບ້ານເມືອງຈິງຈະ ສະອາດຖ້າບໍ່ກໍຈະເປັນໂສ້ບໍ່ ເຄັ່ງ ດັ່ງຜ່ານມາ, ອັນໃດກໍພຽງເປັນ ບົດຮຽນຈົນບໍ່ມີອັນແກ້.

ເມື່ອຕັ້ງໂຈດກັນວ່າ ຖ້າປະ ປ່ອຍແກ່ຍາວສະພາບຂີ້ເຫຍື້ອ ເປັນໄປແບບນີ້ ຜົນກະທົບຈະມີ ຫຍັງເກີດຂຶ້ນ? ຄຳຕອບກໍຄື ສະພາບແວດລ້ອມມີກິ່ນເໝັ່ນ ສາບຄາວ, ທຳລາຍສິ່ງແວດ ລ້ອມ, ກະທົບເຖິງຄວາມສວຍ ງາມຂອງແຫລ່ງທ່ອງທ່ຽວ ແຄມຂອງ ເຊິ່ງແຕ່ລະວັນມີ ແຂກພາຍໃນ ແລະ ຕ່າງປະ ເທດ, ແຂກຕ່າງດ້າວທ້າວຕ່າງ ແດນໄປເລາະທ່ຽວຊົມແຄມ ຂອງຍາມແລງເປັນພັນເປັນ ໝື່ນ, ອີກປະການໜຶ່ງມັນກໍ ພົວພັນເຖິງໜ້າທີ່, ຄວາມຮັບ ຜິດຊອບຂອງໜ່ວຍງານກ່ຽວ ຂ້ອງ, ທັງພົວພັນເຖິງການນຳ ພາຂອງຜູ້ເປັນນາຍ.

ກ່ອນຮອດມື້ບຸນທິດກ່ຳ ຍັງເຫັນຂໍ້ຫ້າມຫລາຍຂໍ້ໃນໂອ ກາດບຸນອອກພັນສາຢູ່ທີ່ທ່າ ວັດຈັນປີນີ້, ແຕ່ບັນຫາການ ໃຊ້ມາດຕະການກັບຜູ້ປະກອບ ການນັ້ນພວກເຮົາຍັງບໍ່ທັນມີ ຕົນມີໂຕ, ບໍ່ທັນມີແບບຢ່າງ ທີ່ໂດດເດັ່ນເປັນຮູບປະທຳກ່ຽວກັບເລື່ອງນີ້ໂດຍສະເພາະບົດ ຮຽນກັບບຸນອອກພັນສາໃນປີ ໜ້າ ແລະ ບຸນທາດຫລວງທີ່ ຈະມາເຖິງໃນໂອກາດມໍ່ໆນີ້.

ຕາມທິດກ່ຳວ່າ, ຖ້າໜ່ວຍ ງານກ່ຽວຂ້ອງມີຄວາມຮັບ ຜິດຊອບສູງເຫັນຄວາມສຳຄັນ ແລະ ຄວາມເປັນອັນຕະລາຍ ຂອງຂີ້ເຫຍື້ອແລ້ວຄວນໄດ້ ຊອກສິ່ງຮອງຮັບໄວ້ກ່ອນລ່ວງ ໜ້າເຊັ່ນ: ເອົາກະຖັງຫລື ຖົງ ຢາງຢາຍໄວ້ແຕ່ລະຈຸດເພື່ອ ສ້າງຈິດສຳນຶກຂອງຄົນຜູ້ໄປ ທ່ອງທ່ຽວເປັນເຈົ້າການ.

ນອກນັ້ນ, ກໍອາດໃຊ້ກຳລັງ ແຮງອາສາສະໝັກອົງການ ຈັດຕັ້ງມະຫາຊົນ, ແມ່ຍິງ, ຊາວ ໜຸ່ມບ້ານ, ກຳລັງນັກຮຽນນັກ ສຶກສາໃຫ້ເປັນກຳລັງເຄື່ອນ ໄຫວປາບຂີ້ເຫຍື້ອໃນງານບຸນ ເຫັນບ່ອນໃດກໍພາກັນເກັບຢູ່ ບ່ອນນັ້ນ.
ນອກຈາກນີ້ອີກສິ່ງທີ່ຂາດ ບໍ່ໄດ້ຕ້ອງມີງົບຈ້າງກຳລັງຮັກ ສາອານາໄມຕົວເມືອງເຮັດໜ້າ ທີ່ ໃຫ້ມັນຫລ້ອນ, ເວົ້າມາຮອດ ງົບກັບເງິນວ່າບໍ່ມີ, ແຕ່ພັດໄດ້ ເກັບຄ່າອານາໄມ, ຄ່າສະຖານ ທີ່ນຳຜູ້ປະກອບການຢູ່.

ເຖິງຢ່າງໃດກໍດີ, ຕາມທິດ ກ່ຳຄິດໂຕທີ່ດີກວ່າໝູ່ກໍແມ່ນ ບັນຫາການສ້າງຈິດສຳນຶກໃຫ້ ຄົນໃນສັງຄົມເປັນເຈົ້າການ ເຊັ່ນ: ນຳເອົາຖັງບັນຈຸຂີ້ເຫຍື້ອ ໄປຢາຍໄວ້ແຕ່ລະຈຸດ, ຈັດຕັ້ງ ໜ່ວຍງາຍກວດກາຕິດຕາມ ແລະ ອີກປະການໜຶ່ງຄວນມີ ມາດຕະການອັນເດັດຂາດກັບ ຜູ້ປະກອບການໄວ້ກ່ອນລ່ວງ ໜ້າທຸກຫ້າງຮ້ານນັບແຕ່ຜູ້ຮັບ ສຳປະທານຈັດງານບຸນໄປຈົນ ຮອດຜູ້ຂາຍເສື້ອຜ້າ, ຂາຍນ້ຳ ຂາຍເບຍ, ຂາຍເຂົ້າຫລາມ, ປິ້ງ ໄກ່ ແລະ ບໍລິການອື່ນໆຕ້ອງ ມີຖັງ ຫລືຖົງເກັບມ້ຽນຂີ້ເຫຍື້ອ ຂອງໃຜມັນນັບທັງຄະນະຮັບ ຜິດຊອບໃນງານບຸນຕ້ອງກວດ ກາ, ເວົ້າວ່າໂຄສະນາເຮົາວ່າ ຫົນທາງກຳຈັດຂີ້ເຫຍື້ອໃນ ງານບຸນອາດຫລຸດຜ່ອນໄປ ຫລາຍເຕີບ.
ຂໍໃຫ້ບຸນທາດຫລວງໃກ້ ຈະມາເຖິງ ແລະ ບຸນອອກພັນສາ ໃນປີໜ້າເຕັມໄປດ້ວຍຄວາມ ສະອາດຈົບງາມຫລັງສິ້ນບຸນ ຢ່າໃຫ້ຄືບຸນອອກພັນສາປີນີ້ ຢ່າງເດັດຂາດ./.

ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ - 2457 - ສິ້ນພັນສາທ່າວັດຈັນ ເຕັມແຕ່ຂີ້ເຫຍື້ອ