ປະຊາຊົນກວ່າ 550.000 ຄົນໃນເຢເມນ ອົບພະຍົບອອກຫລັງການສູ້ຮົບດຸເດືອດຂຶ້ນ

ປະຊາຊົນກວ່າ 550.000 ຄົນໃນເຢເມນ ອົບພະຍົບອອກຫລັງການສູ້ຮົບດຸເດືອດຂຶ້ນ - advert banner 728 90 728x90 - ປະຊາຊົນກວ່າ 550.000 ຄົນໃນເຢເມນ ອົບພະຍົບອອກຫລັງການສູ້ຮົບດຸເດືອດຂຶ້ນ

ປະຊາຊົນ​ກວ່າ 550.000 ຄົນ​ອົບ​ພະຍົບອອກ​ຈາກ​​ເຮືອນ​ຊານ​ໃນ​ເມືອງ​ໂຮ​ເດ​ດາ ​ຂອງ​ເຢ​ເມນ ​ແລະ ພື້ນທີ່​ອ້ອມ​ຮອບ ທ່າມກາງ​ສະຖານະ​ການ​ສູ້​ຮົບ​ທີ່​ຮຸນ​ແຮງ​ຂຶ້ນ.

ປະຊາຊົນກວ່າ 550.000 ຄົນໃນເຢເມນ ອົບພະຍົບອອກຫລັງການສູ້ຮົບດຸເດືອດຂຶ້ນ - lattana 1 - ປະຊາຊົນກວ່າ 550.000 ຄົນໃນເຢເມນ ອົບພະຍົບອອກຫລັງການສູ້ຮົບດຸເດືອດຂຶ້ນ

ກອງ​ກຳລັງ​ພັນທະ​ມິດທີ່​ມີ​ອາຣັບບີ ຊາ​ອຸ​ດິດ ​ເປັນ​ແກນ​ນຳ​ລະດົມ​ໂຈມ​ຕີ​ທາງ​ອາກາດ​ໃນ​ໄລຍະ​ສອງ​ສາມ​ເດືອນ​ຜ່ານ​ມາ ​ເພື່ອ​ຊ່ວຍ​ເຫລືອ​ລັດຖະບານ​ເຢ​ເມນ​ໃນ​ການ​ຂັບ​ໄລ່​ກຸ່ມ​ຊາວ​ຮູ​ທີ​ທີ່ຢຶດຄອງ​ເມືອງ​ໂຮ​ເດ​ດາ ​ເມືອງ​ສຳຄັນ​ທາງ​ຍຸດ​ທະ​ສາດ​ໃນ​​ໄລຍະ​ຜ່ານ​ມາ ​ເຮັດ​ໃຫ້​ປະຊາຊົນ​ຈຳນວນ​ຫລາຍ​ຕ້ອງ​ອົບ​ພະຍົບອອກ​ຈາກ​ເຮືອນ ​ແລະ ຫລົບໜີ​ໄປ​ເມືອງ​ອື່ນໆ​ເຊັ່ນ: ຊາ​ນາ ​ແລະ ​ເອ​ເດນ. ຂະນະ​ດຽວ​ກັນ, ອາຣັບບີ ຊາ​ອຸ​ດິດ ​ແລະ ​ໂອ​ມານ ​ເຊິ່ງ​ເປັນ​ປະ​ເທດ​ໃກ້​ຄຽງ​ບໍ່​ຍອມ​ໃຫ້​ຜູ້​ອົບ​ພະຍົບໜີ​ສົງຄາມ​ໃນ​ເຢ​ເມນ​ເຂົ້າປະ​ເທດ, ຄົນ​ຈຳນວນ​ຫລາຍ​ຕ້ອງອາ​ໄສ​ຢູ່​ໃນ​ຂ້າ​ຍຜູ້​ບໍ່​ມີ​ບ່ອນຢູ່ ​ແລະ ບໍ່​ໄດ້​ຮັບ​ການ​ຊ່ວຍ​ເຫລືອ​ຈາກ​ບັນດາ​ປະ​ເທດ. ​ເຈົ້າໜ້າ​ທີ່​ເບິ່ງ​ແຍງ​ຄ້າຍ​ຜູ້​ບໍ່​ມີ​ບ່ອນຢູ່​ອາ​ໄສ​ໃນ​ປະ​ເທດ​ກ່າວ​ວ່າ: ຄົນ​ເຫລົ່າ​ນີ້​ອົບ​ພະຍົບໜີ​ສົງຄາມ​ໃນ​ເມືອງ​ໂຮ​ເດ​ດາ ​ແລະ ຫລາຍ​ຄົນ​ຍັງ​ລຳບາກ​ຫລາຍ, ບໍ່​ມີ​ອາຫານ ​ແລະ ສິ່ງ​ຂອງ​ທີ່​ຈຳ​ເປັນ. ນອກຈາກ​ນີ້ ຄ້າຍ​ພັກ​ຍັງ​ຢູ່​ຫ່າງ​ຈາກ​ຕົວ​ເມືອງ​ຕ່າງໆ ພວກ​ເຂົາ​ຈຶ່ງ​ບໍ່​ສາມາດ​ໄປ​ຊື້​ເຄື່ອງ​ໄດ້ ​ແລະ ບໍ່​ມີ​ເງິນ​ນຳ​ອີກ. ​ເຈົ້າໜ້າ​ທີ່​ລະດັບ​ສູງ​ດ້ານ​ມະນຸດສະທຳ​ຂອງ​ສະຫະ​ປະຊາ​ຊາດ ຖະ​ແຫລ​ງ​ເຕືອນ​ວ່າ: ສະຖານະ​ການ​ໃນ​ເຢ​ເມນ​ປັດຈຸບັນ​ນີ້​ຢູ່​ໃນ​ລະດັບ​ອັນຕະລາຍ ​ແລະ ​ເຂົ້າສູ່​ສະພາບ​ອຶດຫິວ​ຈາກ​ສົງຄາມ ​ແລະ ຮຽກຮ້ອງ​ໃຫ້​ຢຸດ​ຍິງ ​ເພື່ອ​ຫລີກ​ເວັ້ນວິ​ກິດ​ມະນຸດສະທຳ, ຄາດ​ວ່າ​ມີ​ຊາວ​ເຢ​ເມນ 14 ລ້ານ​ຄົນ​ຢູ່​ໃນ​ຂັ້ນສ່ຽງ​ອຶດຫິວ.