ອາເມລິກາຈະສົ່ງທະຫານກວ່າ 5 ພັນຄົນໄປຊາຍແດນ ເມັກຊິກສະກັດກັ້ນຂະບວນຄົນເຂົ້າເມືອງ

ອາເມລິກາຈະສົ່ງທະຫານກວ່າ 5 ພັນຄົນໄປຊາຍແດນ ເມັກຊິກສະກັດກັ້ນຂະບວນຄົນເຂົ້າເມືອງ - advert banner 728 90 728x90 - ອາເມລິກາຈະສົ່ງທະຫານກວ່າ 5 ພັນຄົນໄປຊາຍແດນ ເມັກຊິກສະກັດກັ້ນຂະບວນຄົນເຂົ້າເມືອງ

​ເວັບ​ໄຊ​ຟ໊ອກນິວຂອງ​ອາ​ເມ​ລິ​ກາ​ອ້າງ​ເຈົ້າໜ້າ​ທີ່​ວ່າ: ທາງ​ການຈະ​ສົ່ງ​ທະຫານ​ປະມານ 5.200 ຄົນ​ໄປ​ປະຈຳ​ບໍລິ​ເວນ​ຊາຍ​ແດນ​ທາງ​ໃຕ້​ຕິດ​ກັບ​ເມັກ​ຊິກ ​ເພື່ອ​ຮັບ​ມື​ກັບ​ຂະ​ບວນຜູ້​ເຂົ້າ​ເມືອງ​ທີ່​ກຳລັງ​ມຸ່ງ​ໜ້າ​ຂຶ້ນມາ​ໂດຍ​ໃຊ້​ເມັກ​ຊິກ​ເປັນ​ທາງ​ຜ່ານ​.

ອາເມລິກາຈະສົ່ງທະຫານກວ່າ 5 ພັນຄົນໄປຊາຍແດນ ເມັກຊິກສະກັດກັ້ນຂະບວນຄົນເຂົ້າເມືອງ - lattana 1 - ອາເມລິກາຈະສົ່ງທະຫານກວ່າ 5 ພັນຄົນໄປຊາຍແດນ ເມັກຊິກສະກັດກັ້ນຂະບວນຄົນເຂົ້າເມືອງ

ຜູ້​ບັງຄັບ​ການ​ກອງ​ກຳລັງ​ພາກ​ເໜືອ​ອາ​ເມ​ລິ​ກາ ຖະ​ແຫລ​ງຂ່າວ​ຢູ່​ນະຄອນຫລວງ​ວໍ​ຊິງ​ຕັນ ​ໃນ​ວັນ​ທີ 29 ຕຸລາ​ວ່າ: ຈະ​ເພີ່ມ​ກຳລັງ​ທະຫານ​ຕາມ​ຈຸດ​ເຂົ້າ​ເມືອງ​ຫລັກ ​ເພື່ອ​ເພີ່ມ​ຄວາມ​ປອດ​ໄພ​ຊາຍ​ແດນ ​ໂດຍ​ຈະ​ປະຈຳການ​ໃຫ້​ສຳ​ເລັດ​ພາຍ​ໃນ​ອາທິດ​ນີ້. ​ເຖິງ​ຢ່າງ​ໃດ​ກໍ​ດີ, ກຳລັງ​ພົນ​ເຫລົ່າ​ນີ້​ຈະ​ເປັນ​ກຳລັງ​ສະໜັບສະໜູນ ບໍ່​ແມ່ນ​ໜ່ວຍ​ສູ້​ຮົບ ​ໂດຍ​ຈະ​ມີ​ອຸປະກອນ​ໜັກ, ບຸກຄະລາ​ກອນ​ການບິນ ​ແລະ ບຸກຄົນ​ການ​ແພດ​ລວມຢູ່​ນຳ. ພື້ນທີ່​ເປົ້າໝາຍ​ໄດ້​ແກ່: ຕອນ​​ໃຕ້​ຂອງ​ລັດ​ເທ​ກຊັສ, ລັດ​ແອຣິ​ໂຊ​ນາ ​ແລະ ລັດ​ກາ​ລິ​ຟໍ​ເນຍ ​ໃຊ້​ຊ່ື​ປະຕິບັດ​ການ​ວ່າ: Faithful Patriot.

ກ່ອນ​ໜ້າ​ນີ້​ມີ​ການ​ຄາດໝາຍ​ກັນ​ວ່າ: ອາ​ເມ​ລິ​ກາ​ຈະ​ສົ່ງ​ກຳລັງ​ເພີ່ມ​ຕາມ​ຊາຍ​ແດນ​ຫລັງ​ຈາກ ພົນ​ເອກ ​ເຈ​ມ ​ແມດ​ທິສ ລັດຖະມົນຕີ​ປ້ອງ​ກັນ​ປະ​ເທດ​ ອະນຸມັດ​ໃຫ້​ຕາມ​ຄຳ​ຂໍ​ໃນ​ອາທິດ​ກ່ອນ, ​ແຕ່​ບໍ່​ຄິດ​ວ່າ​ຕົວ​ເລກ​ຈະ​ສູງ​ເຖິງ 5.200 ຄົນ. ຂະ​ບວນຜູ້​ເຂົ້າ​ເມືອງ​ຊາວ​ອາ​ເມ​ລິ​ກາ​ກາງ​ຍັງ​ຄົງ​ມຸ່ງ​ໜ້າ​ຂຶ້ນ​ເໜືອ​ຫວັງ​ເຂົ້າອາ​ເມ​ລິ​ກາ. ປັດຈຸບັນ​ນີ້​ຄາດ​ວ່າ​ມີ​ປະມານ 4.000 ຄົນ​ແລ້ວ.