ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ ATM ມາດໍາເນີນຄະດີ

ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ atm ມາດໍາເນີນຄະດີ - advert banner 728 90 728x90 - ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ ATM ມາດໍາເນີນຄະດີ

ເຈົ້າໜ້າທີ່ສະເພາະກິດພວມເລັ່ງຂະຫຍາຍຜົນຈັບແກ້ງລັກຂໍ້ມູນຕູ້ເອທີເອັມ ATM ໃນຕົວເມືອງມາດໍາເນີນຄະດີຕາມລະບຽບກົດໝາຍ, ຫລັງຈາກສາມາດຈັບໄດ້ຜູ້ຮ່ວມຂະບວນການຈໍານວນໜຶ່ງແລ້ວ.

ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ atm ມາດໍາເນີນຄະດີ - lattana 1 - ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ ATM ມາດໍາເນີນຄະດີ

ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ atm ມາດໍາເນີນຄະດີ - ATM Theif - ຕໍາຫລວດພວມເລັ່ງຂະຫຍາຍຜົນຈັບໂຈລະກໍາຕູ້ ATM ມາດໍາເນີນຄະດີ

ເຈົ້າໜ້າທີ່ ໃຫ້ຮູ້ວ່າ: ພາຍຫລັງມີພາບວີດີໂອຄົນຮ້າຍຈໍານວນໜຶ່ງໄດ້ລັກຕິດຕັ້ງກ້ອງວົງຈອນປິດໃສ່ຕູ້ເອທີເອັມ ເພື່ອລັກເອົາຂໍ້ມູນຂອງຜູ້ມາໃຊ້ບໍລິການ. ຈຶ່ງໄດ້ຈັດກໍາລັງລົງຕິດຕາມ ແລະ ສາມາດຈັບຕົວຜູ້ຕ້ອງສົງໄສໄດ້ຈໍານວນໜຶ່ງ, ເຊິ່ງເປັນຊາວຕ່າງຊາດ, ປັດຈຸບັນ ເຈົ້າໜ້າທີ່ພວມເລັ່ງສືບສວນ-ສອບສວນ ເພື່ອຕິດຕາມຈັບຕົວຜູ້ຮ່ວມຂະບວນການມາດໍາເນີນຄະດີຕາມລະບຽບກົດໝາຍໃຫ້ໄດ້ໂດຍໄວ. ພ້ອມທັງເຕືອນໃຫ້ພະນັກງານ, ທະຫານຕໍາຫລວດ ຕະຫລອດຮອດປະຊາຊົນໃນທົ່ວປະເທດ ໄດ້ມີສະຕິລະວັງຕົວຫລາຍຂຶ້ນໃນການໃຊ້ບໍລິການຕູ້ເອທີເອັມ, ໂດຍສະເພາະໃຫ້ສັງເກດເບິ່ງອ້ອມຮອບບໍລິເວນໃກ້ຄຽງວ່າບໍ່ມີຫຍັງຜິດປົກກະຕິແລ້ວ ຈຶ່ງດໍາເນີນການກົດເງິນ ຫລື ເຮັດທຸລະກໍາທາງການເງິນຕ່າງໆ ເພື່ອບໍ່ໃຫ້ຕົກເປັນເຫຍື່ອຂອງກຸ່ມຄົນບໍ່ດີດັ່ງກ່າວ ແລະ ຖ້າຫາກພົບຕູ້ເອທີເອັມມີລັກສະນະຜິດປົກກະຕິີໃຫ້ຮີບຮ້ອນແຈ້ງເຈົ້າໜ້າທີ່ເພື່ອລົງແກ້ໄຂໄດ້ທັນເວລາ.

ເຈົ້າໜ້າທີ່ ໃຫ້ຮູ້ວ່າ: ປັດຈຸບັນ, ແກ້ງໂຈລະກໍາຂໍ້ມູນທາງການເງິນແມ່ນເກີດຫລາຍ ແລະ ມີຫລາຍຮູບແບບ, ເຊິ່ງພວກເຂົາໄດ້ນໍາໃຊ້ອຸປະກອນ ແລະ ເຕັກໂນໂລຊີທັນສະໄໝເຂົ້າໃນການກໍ່ເຫດ, ໂດຍສ່ວນໃຫຍ່ແມ່ນຊາວຕ່າງປະເທດ.