ຄະນະບໍລິຫານງານສູນກາງພັກໃຫ້ທິດຊີ້ນຳເພື່ອແກ້ໄຂບັນຫາສຳຄັນຮີບດ່ວນ

ຄະນະບໍລິຫານງານສູນກາງພັກໃຫ້ທິດຊີ້ນຳເພື່ອແກ້ໄຂບັນຫາສຳຄັນຮີບດ່ວນ - advert banner 728 90 728x90 - ຄະນະບໍລິຫານງານສູນກາງພັກໃຫ້ທິດຊີ້ນຳເພື່ອແກ້ໄຂບັນຫາສຳຄັນຮີບດ່ວນ

ຂປລ. ກອງປະຊຸມຄົບຄະນະບໍລິຫານງານສູນກາງພັກຄັ້ງທີ 7 ສະໄໝທີ X ໄດ້ໄຂຂຶ້ນໃນລະຫວ່າງວັນທີ 22-30 ຕຸລາ 2018 ທີ່ສຳນັກງານສູນກາງພັກ, ພາຍໃຕ້ການເປັນປະທານຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ມີບັນດາກໍາມະການກົມການເມືອງ, ຄະນະເລຂາທິການສູນກາງພັກ ແລະ ເລຂາຄະນະພັກກະຊວງຕ່າງໆເຂົ້າຮ່ວມຢ່າງພ້ອມພຽງ.

ຄະນະບໍລິຫານງານສູນກາງພັກໃຫ້ທິດຊີ້ນຳເພື່ອແກ້ໄຂບັນຫາສຳຄັນຮີບດ່ວນ - lattana 1 - ຄະນະບໍລິຫານງານສູນກາງພັກໃຫ້ທິດຊີ້ນຳເພື່ອແກ້ໄຂບັນຫາສຳຄັນຮີບດ່ວນ

ກອງປະຊຸມໄດ້ຄົ້ນຄວ້າ, ປຶກສາຫາລື ແລະ ໃຫ້ທິດຊີ້ນຳ ເພື່ອແກ້ໄຂບັນຫາສຳຄັນຮີບດ່ວນ ເປັນຕົ້ນແມ່ນຕີລາຄາສະພາບດ້ານເສດຖະກິດ-ການເງິນ ໃນປັດຈຸບັນ ແລະ ທິດທາງມາດຕະການແກ້ໄຂໃນຕໍ່ໜ້າ, ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາປະຈຳປີ 2018 ແລະ ທິດທາງແຜນການໃນປີ 2019, ຕີລາຄາວຽກງານກໍ່ສ້າງຮາກຖານການເມືອງໃນໄລຍະຜ່ານມາ ແລະ ທິດທາງໃນຕໍ່ໜ້າ ແລະ ການກະກຽມກອງປະຊຸມໃຫຍ່ຄັ້ງທີ XI ຂອງພັກ.

ກອງປະຊຸມເປັນເອກະພາບກັນຕີລາຄາຄືນດ້ານຕັ້ງໜ້າ ແລະ ໄດ້ດຳເນີນການຄົ້ນຄວ້າປະກອບຄຳຄິດເຫັນຕໍ່ບັນຫາຕ່າງໆທີ່ຕັ້ງຂຶ້ນໃນກອງປະຊຸມຢ່າງກົງໄປກົງມາ ແລະ ເລິກເຊິ່ງ, ໂດຍສະພາະແມ່ນສຸມໃສ່ວິເຄາະໃຈ້ແຍກບັນຫາທີ່ຍັງຄົງຄ້າງ ແລະ ມີຄວາມເປັນເອກະພາບ, ຮັບຮອງເອົາທິດທາງວຽກງານຈຸດສຸມໃນຕໍ່ໜ້າ, ແນໃສ່ສ້າງການຫັນປ່ຽນອັນແຂງແຮງໃນແຕ່ລະຂົງເຂດວຽກງານ, ສ້າງບັນດາປັດໄຈຕົວຈິງ ເພື່ອຄ້ຳປະກັນການປັບປຸງເສດຖະກິດມະຫາພາກໃຫ້ເຂັ້ນແຂງຂຶ້ນ, ສ້າງຄວາສາມາດໃໝ່ຂອງພື້ນຖານການຜະລິດ ແລະ ການບໍລິການ, ຮັບປະກັນຄວາມໝັ້ນຄົງ ແລະ ຍືນຍົງໃນການພັດທະນາເສດຖະກິດ-ສັງຄົມ, ສືບຕໍ່ນຳພາປະເທດຊາດພົ້ນຈາກສະຖານະພາບດ້ອຍພັດທະນາຕາມຄາດໝາຍທີ່ວາງອອກ. ເພື່ອຈັດຕັ້ງປະຕິບັດເນື້ອໃນເລົ່ານັ້ນ, ກອງປະຊຸມໄດ້ເນັ້ນເຖິງການສ້າງຄວາມເຂົ້າໃຈເປັນເອກະພາບ ແລະ ເລິກເຊິ່ງກວ່າເກົ່າ ຕໍ່ຄວາມຮັບຜິດຊອບການເມືອງຂອງຄະນະບໍລິຫານງານສູນກາງພັກ, ນັບທັງເລຂາຄະນະພັກກະຊວງ, ອົງການ ແລະ ແຂວງ ໃນການຊີ້ນຳ-ນຳພາຜັນຂະຫຍາຍຄຳສັ່ງ ລວມທັງບັນດານິຕິກຳຕ່າງໆຂອງສູນກາງພັກ ແລະ ລັດຖະບານວາງອອກ, ພ້ອມທັງເປັນເຈົ້າການນໍາພາຊີ້ນຳ ແກ້ໄຂບັນຫາຕ່າງໆຢ່າງຈິງຈັງ, ຮັບປະກັນໝາກຜົນຕົວຈິງ.

ໃນໂອກາດດຽວກັນ, ຄະນະບໍລິຫານງານສູນກາງພັກໄດ້ຮຽກຮ້ອງມາຍັງທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ປະຊາຊົນລາວທັງຊາດ ຈົ່ງເພີ່ມທະວີຄວາມສາມັກຄີເປັນປຶກແຜ່ນທົ່ວສັງຄົມ, ເຊີດຊູ ແລະ ເສີມຂະຫຍາຍຈິດໃຈຮັກຊາດ, ເອກະລາດເປັນເຈົ້າຕົນເອງ, ສ້າງຄວາມເຂັ້ມແຂງ ດ້ວຍຕົນເອງ, ຕິດພັນກັບການສູ້ຊົນເຮັດສຳເລັດໜ້າທີ່ໃນຄວາມຮັບຜິດຊອບຂອງຕົນ.