ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ

ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ - advert banner 728 90 728x90 - ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ

  ໂດຍ: ທິດກ່ຳ 

ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ - lattana 1 - ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ

ບຸນນະມັດສະການພະທາດຫຼວງວຽງຈັນເປັນງານບຸນໃຫຍ່ ແລະ ກໍແມ່ນອີກປະເພນີໜຶ່ງ ທີ່ສໍາຄັນ ອັນເປັນໃຈກາງລວມ ສູນໃນການເຕົ້າໂຮມຄວາມສາ ມັກຄີຂອງປະຊາຊົນລາວບັນ ດາເຜົ່າຈາກທຸກສາລະທິດມາ ສ້າງບຸນກຸສົນຮ່ວມກັນມາແຕ່, ເຊິ່ງໃນທຸກໆປີຂອງມື້ເພັງ ຂຶ້ນ 15 ຄໍ່າເດືອນ12ລາວ, ໂດຍ ຈະມີການຈັດງານສະເຫຼີມສະ ຫຼອງປະມານ7-10 ວັນ, ເຊິ່ງ ທ່ານຈະໄດ້ສໍາພັດກັບງານວາງ ສະແດງ ແລະ ຂາຍສິນຄ້າ ຕ່າງໆ ຈາກອົງການຈັດຕັ້ງພາກລັດ, ບໍລິສັດ, ຫ້າງຮ້ານ ແລະ ອົງການຈັດຕັ້ງສາກົນຕ່າງໆ ປະຈໍາລາວມາວາງສະແດງໃນງານດັ່ງກ່າວຢ່າງຫຼວງຫຼາຍ ແລະ ໃນມື້ບຸນນອກຈາກ ມີການ ຄົບງັນຕາມພິທີທາງສາສະໜາ ແລ້ວ ຍັງຈະໄດ້ຊົມການແຫ່ຜາ ສາດເຜິ້ງຈາກວັດສີເມືອງຫາ ພະທາດຫຼວງດ້ວຍບັນຍາກາດ ຄຶກຄື້ນ ແລະ ພິທີໃສ່ບາດຢາດ ນໍ້າທີ່ເດີ່ນພະທາດຫຼວງ ເພື່ອ ອຸທິດສ່ວນບຸນກຸສົນ ແລະ ຮ່ວມຖວາຍທານວັດຖຸປັດໄຈເງິນ ຄໍາຕ່າງໆເຂົ້າໃນການບູລະນະສ້າງສາພະທາດຫຼວງວຽງຈັນ ແລະ ວັດວາອາຮາມປູສະນິຍະສະຖານຕ່າງໆ. ຫຼັງຈາກນັ້ນ, ກໍຈະມີກິດຈະກໍາຕີຄີຂຶ້ນທີ່ເດີ່ນ ພະທາດຫຼວງຕາມທີ່ເຄີຍປະຕິ ບັດກັນມາ.
ການສະເຫຼີມສະຫຼອງ ບຸນນະມັດສະການພະທາດ ຫຼວງໃນແຕ່ລະປີ, ພັກ-ລັດພ້ອມ ທັງອົງການຈັດຕັ້ງທຸກພາກ ສ່ວນເພິ່ນໄດ້ເອົາໃຈໃສ່ຊີ້ນໍາ- ນໍາພາໃນການສະເຫຼີມສະຫຼອງ ຮ່ວມແຮງຮ່ວມໃຈກັນເຮັດ ດ້ວຍຄວາມປິຕິຊົມຊື່ນ, ເຊິ່ງ ໄດ້ຕິດພັນກັບວຽກງານປ້ອງ ກັນຊາດ- ປ້ອງກັນຄວາມສະ ຫງົບ, ຮັກສາໄດ້ຄວາມສາມັກ ຄີ, ຄວາມເປັນລະບຽບຮຽບ ຮ້ອຍ ແລະ ຮີດຄອງປະເພນີອັນ ດີງາມຂອງຊາດລາວເຮົາ.

ສໍາລັບປີ2018ນີ້, ຫວັງວ່າຈະມີຄວາມມ່ວນຊື່ນຄຶກ ຄື້ນໃຫ້ຜູ້ມາທ່ຽວຊົມ ແລະ ຮັກສາໄດ້ຮີດຄອງປະເພນີອັນ ດີງາມຂອງຊາດລາວເຮົາເຊິ່ງນັບແຕ່ການນຸ່ງຖື, ມາລະຍາດ ໃນການເຂົ້າໄປທ່ຽວຊົມຕະ ຫຼອດຮອດການໃສ່ບາດຍາດ ນໍ້າ ແລະ ສັກກະລະບູຊາພະ ທາດຫຼວງມີຄວາມຈົບງາມ ແລະ ເປັນລະບຽບຮຽບຮ້ອຍດີ.

 

ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ - 2235211 - ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ

ຈະຈັດງານບຸນພະທາດໂພ່ນຕ້ອນຮັບປີທ່ອງທ່ຽວລາວໃຫ້ຟົດຟື້ນ2018/

ບຸນພະທາດຫລວງວຽງຈັນ2017/

ແຕ່ຕາມທີ່ຜູ້ຂຽນເຄີຍເຫັນທຸກໆປີຜ່ານມາໃນການມາສະ ເຫຼີມສະຫຼອງງານບຸນດັ່ງກ່າວ ຖືວ່າຍັງມີຫຼາຍບັນຫາທີ່ຄວນ ໄດ້ເອົາໃຈໃສ່ ແລະ ແກ້ໄຂເພື່ອ ຄວາມສະຫງົບສຸກ, ຄວາມເປັນ ລະບຽບຮຽບຮ້ອຍ, ສ້າງສິ່ງ ເອື້ອອໍານວຍໃຫ້ແກ່ຜູ້ມາທ່ຽວຊົມ, ໂດຍສະເພາະຈະຕ້ອງໄດ້ ຈັດສັນຈຸດຈອດລົດ, ຝາກລົດ ໃນເຂດຕ່າງໆໃຫ້ປອດໄພ, ການລະບາຍການຈະລາຈອນເພື່ອ ຄວາມເປັນລະບຽບຮຽບຮ້ອຍ ຕະຫຼອດຮອດບ່ອນປົດທຸກກໍໃຫ້ ມີຄວາມສະດວກສະບາຍຮັບປະກັນສຸຂະອະນາໄມ ແລະ ເອົາ ໃຈໃສ່ຄວບຄຸມລາຄາສິນຄ້າ ທີ່ນໍາມາຈໍາໜ່າຍໃນງານບຸນ ໃຫ້ຢູ່ໃນເກນປົກກະຕິ, ເອົາ ໃຈໃສ່ຄຸ້ມຄອງໃຫ້ພໍດີພໍງາມ ແລະ ຢູ່ໃນເກນປົກກະຕິ, ສ່ວນ ບັນຫາສຸດທ້າຍກໍຄືການເກັບມ້ຽນຂີ້ເຫຍື້ອບໍ່ໃຫ້ຊະຊາຍ ແລະ ຂາດການຮັກສາອະນາໄມ ອັນເປັນພາລະໃຫ້ແກ່ວັດວາ ອາຮາມ ໃນເຂດດັ່ງກ່າວ, ເຊິ່ງ ທັງໝົດເຫຼົ່ານີ້ທາງອົງການຈັດຕັ້ງກໍຄືພາກສ່ວນທີ່ກ່ຽວຂ້ອງ ຄວນໄດ້ເອົາໃຈໃສ່ເປັນພິເສດ ເພື່ອແກ້ໄຂບັນຫາເຫຼົ່ານີ້ ແລະ ຕໍ່ກັບຜູ້ມາທ່ຽວຊົມງານບຸນນະ ມັດສະການພະທາດຫຼວງວຽງຈັນຄວນເອົາໃຈໃສ່ ແລະ ມີສະຕິ ລະວັງຕົວໃຫ້ດີຕໍ່ພວກມືກາວ ລັກເລັກຂະໂມຍນ້ອຍດຶງກະ ເປົ່າ, ເອົາໃຈໃສ່ເບິ່ງແຍງລູກ ຫຼານຂອງຕົນໃຫ້ດີເພື່ອຫຼີກ ເວັ້ນການຫຼົງກັນເພາະທຸກໆ ປີ ຜ່ານມາເຄີຍມີເຫດການນີ້ມາ ແລ້ວ. ຖ້າເຮັດໄດ້ດັ່ງທີ່ກ່າວມານີ້ ຈຶ່ງຈະເຮັດໃຫ້ການສະເຫຼີມສະ ຫຼອງງານບຸນພະທາດຫຼວງປີນີ້ມີບັນຍາກາດເບີກບານມ່ວນຊື່ນ ແລະ ຄຶກຄື້ນລື້ນເລິງຍິ່ງຂຶ້ນ.

ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ - 22511477 - ທ່ຽວບຸນນະມັດສະການພະທາດຫລວງປີນີ້ໃຫ້ມີບັນຍາກາດຟົດຟື້ນ
(ພາບປະກອບ)