ດື່ມນຳ້ໝາກຕູມໄດ້ຄວາມສົດຊື່ນ ແລະ ສຸຂະພາບທີ່ດີ

ດື່ມນຳ້ໝາກຕູມໄດ້ຄວາມສົດຊື່ນ ແລະ ສຸຂະພາບທີ່ດີ - advert banner 728 90 728x90 -  ດື່ມນຳ້ໝາກຕູມໄດ້ຄວາມສົດຊື່ນ ແລະ ສຸຂະພາບທີ່ດີ

ໝາກຕູມ ເປັນພືດສະໝຸນໄພທີ່ດີຢ່າງໜຶ່ງທີ່ຮູ້ຈັກກັນແຜ່ຫລາຍ ສາມາດຊື້ໝາກຕູມອ່ອນທີ່ຊອຍເປັນແຜ່ນຕາກແຫ້ງຂາຍໄດ້ຕາມທ້ອງຕະຫລາດທົ່ວໄປ ຫລື ຮ້ານຂາຍຢາພື້ນເມືອງ ນອກຈາກລົດຊາດທີ່ຫອມແຊບແລ້ວ ໝາກຕູມຍັງມີສັບພະຄຸນດີໆຕໍ່ສຸຂະພາບອີກຫລາຍດ້ານ.

ດື່ມນຳ້ໝາກຕູມໄດ້ຄວາມສົດຊື່ນ ແລະ ສຸຂະພາບທີ່ດີ - lattana 1 -  ດື່ມນຳ້ໝາກຕູມໄດ້ຄວາມສົດຊື່ນ ແລະ ສຸຂະພາບທີ່ດີ

ໂດຍສັບພະຄຸນທາງຢາຂອງໝາກຕູມນັ້ນສາມາດໄລ່ລົມ, ຫລຸດອາການຖ່າຍຍາກ, ຍື່ງທ້ອງແໜ້ນທ້ອງ, ຫລຸດອາການອ່ອນ ເພຍ ແລະ ຈຸກແໜ້ນ, ຮັກສາລະບົບຂັບຖ່າຍ, ລະບົບທໍ່ອາຫານ ແລະ ຫລຸດຄວາມເຄັ່ງຄຽດ ຫລື ຄວາມກັງວົນ ຊ່ວຍໃຫ້ສະມາທິດີ ຂຶ້ນ, ບຳລຸງທາດ, ຈະເລີນອາຫານ, ໄລ່ຂີ້ກະເທີ່, ແກ້ອາການຮ້ອນໃນໄດ້ດີ.

ດື່ມແບບຫວານໜ້ອຍ ຈະໃຫ້ຄວາມສົດຊື່ນ ແລະ ໄດ້ສຸຂະພາບດີກ່ວາ ເຊິ່ງວິທີເຮັດນຳ້ໝາກຕູມມີດັ່ງນີ້ :

  1. ປີ້ງໝາກຕູມພໍໃຫ້ມີກິ່ນຫອມ ເອົາໃສ່ຈານປະໄວ້ໃຫ້ເຢັນ.
  2. ຕົ້ມນຳ້ດ້ວຍໄຟລະດັບປານກາງຈົນນຳ້ຟົດ.
  3. ເອົາໝາກຕູມທີ່ປີ້ງໄວ້ນັ້ນລົງໃນໝໍ້ ຕົ້ມຕໍ່ໄປອີກປະມານ 5 – 8 ນາທີ.
  4. ເມື່ອເລີ່ມມີກິ່ນຫອມຂອງໝາກຕູມ ແລະ ນຳ້ປ່ຽນເປັນສີນຳ້ຕານແລ້ວ.
  5. ໃຫ້ຕື່ມນຳ້ຕານແດງໃສ່ ຄົນຈົນເປື່ອຍ ແລ້ວປິດໄຟ.
  6. ກອງເອົາແຕ່ນຳ້ໝາກຕູມ ແລ້ວເອົາກາກຖິ້ມ.
  7. ເທໃສ່ຈອກ ຕື່ມນຳ້ກ້ອນກໍຖືວ່າພ້ອມດື່ມ.

ຫາກດື່ມໃສ່ນຳ້ກ້ອນຈະໃຫ້ຄວາມສົດຊື່ນ ໂດຍສະເພາະໃນຍາມອາກາດຮ້ອນ ຈະຊ່ວຍແກ້ອາການຮ້ອນໃນກະຫາຍນຳ້ໄດ້ດີ ແຕ່ບາງຄົນກໍມັກດື່ມອຸ່ນໆ ໂດຍບໍ່ໃສ່ນຳ້ຕານກໍໄດ້ຄຸນປະໂຫຍດຄືກັນ.