ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ

ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ - advert banner 728 90 728x90 - ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ

ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ກ່າວ​ໃນ​ວັນ​ທີ 30 ຕຸລາ​ແລ້ວ​ນີ້​ວ່າ: ທ່ານ​ມີ​ແຜນ​ຈະ​ຍົກ​ເລີກ​ໃຫ້​ສິດ​ເປັນ​ພົນລະ​ເມືອງ​ອາ​ເມ​ລິ​ກາ​ອັດຕະ​ໂນ​ມັດ​ຕາມ​ລັດຖະທຳ​ມະນູນ​ແກ່​ບຸກຄົນ​ທີ່​ເກີດ​ໃນ​ແຜ່ນດິນ​ອາ​ເມ​ລິ​ກາ ທີ່​ບິດາ-ມານ​ດາ​ບໍ່​ໄດ້​ຖື​ສັນຊາດ​ອາ​ເມ​ລິ​ກາ ​ແລະ ​ເປັນ​ຜູ້​ອົບ​ພະຍົບ​ເຂົ້າ​ເມືອງ​ຢ່າງ​ຜິດ​ກົດໝາຍ.

ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ - lattana 1 - ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ

ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ - 1540949376378 960x0 - ທ່ານ ທຣຳ ມີແຜນຈະຍົກເລີກສິດການໄດ້ ສັນຊາດອາເມລິກາຂອງເດັກທີ່ເກີດ ໃນອາເມລິກາ

ທ່ານ ທຣຳ ​ໃຫ້​ສຳພາດ​ເວັບ​ໄຊ​ຂ່າວ​ແອັກ​ຊິ​ອອສວ່າ: ທ່ານ​ຈະ​ອອກ​ຄຳ​ສັ່ງ​ທາງ​ການ​ບໍລິຫານ​ຂອງ​ປະທານາທິບໍດີ ​ເພື່ອ​ຍົກ​ເລີກ​ສິດ​ການ​ໄດ້​ສັນຊາດອາ​ເມ​ລິ​ກາ​ຢ່າງ​ອັດຕະ​ໂນ​ມັດ​ຈາກ​ການ​ກຳ​ເນີ​ດ​ໃນ​ອາ​ເມ​ລິ​ກາ. ທ່ານ ທຣຳ ກ່າວ​ເຖິງ​ເລື່ອງ​ນີ້​ໃນ​ຂະນະ​ທີ່​ກຳລັງ​ຈະ​ມີ​ການ​ເລືອກ​ຕັ້ງກາງ​ສະ​ໄໝ​ຂອງ​ອາ​ເມ​ລິ​ກາ​ໃນ​ອາທິດ​ໜ້າ ​ແລະ ຫລັງ​ຈາກ​ທີ່​ທ່ານ​ອອກ​ຄຳ​ສັ່ງ​ໃຫ້​ສົ່ງ​ທະຫານ​ກວ່າ 5.000 ຄົນ​ໄປ​ເພີ່ມ​ກຳລັງ​ຢູ່​ບໍລິ​ເວນ​ຊາຍ​ແດນ​ຕິດ​ກັບ​ເມັກ​ຊິກ ຈາກ​ກໍລະນີ​ທີ່​ມີ​ຂະ​ບວນຊາວ​ເມັກ​ຊິກ​ຈຳນວນ​ຫລາຍ​ເດີນທາງ​ມາ​ໃກ້​ຊາຍ​ແດນ ​ແລະ ກຽມ​ຂ້າມ​ຊາຍ​ແດນມາ​ອາ​ເມ​ລິ​ກາ. ບັນຫາ​ເລື່ອງ​ການ​ໃຫ້​ສິດ​ເລື່ອງ​ສັນຊາດ​ຈາກ​ການ​ເກີດ​ຖື​ເປັນ​ບັນຫາ​ທີ່​ມີ​ການ​ຖົກ​ຖຽງ​ກັນ​ມາຍ​າວນານ ​ແລະ ຍິ່ງ​ເປັນ​ບັນຫາ​ເພີ່ມ​ຂຶ້ນວ່າ: ປະທານາທິບໍດີ​ສາມາດ​ເຂົ້າມາ​ຫຍຸ້ງ​ກ່ຽວ​ກັບ​ລັດຖະທຳ​ມະນູນ​ໄດ້ ຫລື ບໍ່ ​ແລະ ການ​ແກ້​ໄຂ​ລັດຖະທຳ​ມະນູນ​ຕ້ອງ​ໃຊ້​ສຽງ​ສ່ວນ​ໃຫຍ່ 2 ​ໃນ 3 ຂອງ​ລັດຖະສະພາ ​ເຊິ່ງ​ເປັນ​ເລື່ອງ​ທີ່​ເຮັດ​ໄດ້​ຍາກ​ໃນ​ປັດຈຸບັນ​ ທີ່​ສະມາຊິກ​ສະພາ​ແບ່ງ​ຝ່າຍ​ກັນ​ຢ່າງ​ຈະ​ແຈ້ງ. ​ເຖິງ​ຢ່າງ​ໃດ​ກໍ​ຕາມ​, ທ່ານ ທຣຳ ກ່າວ​ວ່າ: ບໍ່​ຈຳ​ເປັນ​ຕ້ອງ​ມີ​ການ​ແກ້​ໄຂ​ລັດຖະທຳ​ມະນູນ​ແຕ່​ຢ່າງ​ໃດ, ທ່ານ​ພຽງ​ແຕ່​ເຊັນ​ລົງ​ນາມ​ໃນ​ຄຳ​ສັ່ງ​ທາງ​ການ​ບໍລິຫານ​ຂອງ​ປະທານາທິບໍດີ​ກໍ​ສາມາດ​ດຳ​ເນີນ​ການ​ໄດ້​ແລ້ວ. ທ່ານ​ກ່າວ​ອ້າງ​ວ່າ: ອາ​ເມ​ລິ​ກາ​ເປັນ​ປະ​ເທດ​ດຽວ​ໃນ​ໂລກ​ທີ່​ໃຫ້​ສິດ​ໃນ​ການ​ຖື​ສັນຊາດ​ອາ​ເມ​ລິ​ກາ​ແກ່​ຜູ້​ທີ່​ເກີດ​ໃນ​ອາ​ເມ​ລິ​ກາ ​ເຊິ່ງ​ເປັນ​ເລື່ອງ​ໄຮ້​ສາລະ ​ແລະ ສົມຄວນ​ຈະ​ຍົກ​ເລີກ​ໄດ້​ແລ້ວ.