IEA ຊີ້ລາຄານ້ຳມັນຂາຂຶ້ນກະທົບຜູ້ບໍລິໂພກ

iea ຊີ້ລາຄານ້ຳມັນຂາຂຶ້ນກະທົບຜູ້ບໍລິໂພກ - advert banner 728 90 728x90 - IEA ຊີ້ລາຄານ້ຳມັນຂາຂຶ້ນກະທົບຜູ້ບໍລິໂພກ

ສຳນັກງານ​ພະລັງງານ​ສາກົນ (IEA) ລະບຸ​ວ່າ: ລາຄາ​ນ້ຳມັນ​ທີ່​ລະດັບ​ສູງ​ກຳລັງ​ສົ່ງ​ຜົນ​ກະທົບ​ຕໍ່​ຜູ້​ບໍລິ​ໂພ​ກ ​ແລະ ສົ່ງ​ສັນຍານ​ລົບ​ຕໍ່​ຜູ້​ຜະລິດ.

iea ຊີ້ລາຄານ້ຳມັນຂາຂຶ້ນກະທົບຜູ້ບໍລິໂພກ - lattana 1 - IEA ຊີ້ລາຄານ້ຳມັນຂາຂຶ້ນກະທົບຜູ້ບໍລິໂພກ

ທ່ານ ຟາ​ຕີ ​ໄບຣອລ ຜູ້ອຳນວຍການ​ຂອງ IEA ກ່າວ​ວ່າ: ລາຄາ​ນ້ຳມັນ​ທີ່​ເພີ່ມ​ຂຶ້ນ​ໄດ້​ເຮັດ​ໃຫ້​ຫລາຍ​ປະ​ເທດ​ປະສົບ​ບັນຫາ​ຂາດ​ດຸນ​ບັນຊີ, ​ແຕ່​ຄາດ​ຄະ​ເນ​ວ່າ: ອຸປະ​ສົງ​ນ້ຳມັນ​ຈະ​ຍັງ​ຄົງ​ຂະຫຍາຍຕົວ​ຕໍ່​ໄປ ​ເຖິງ​ວ່າ​ມີ​ການ​ໃຊ້​ລົດຍົນ​ໄຟຟ້າ​ຫລາຍ​ຂຶ້ນ ​ເນື່ອງ​ຈາກ​ຍັງ​ມີ​ການ​ໃຊ້​ປລາສຕິກ. ຂະນະ​ທີ່​ອຸດສາຫະກຳ​ການບິນ​ມີ​ການ​ຂະຫຍາຍຕົວ ​ເຊິ່ງຈະ​ເຮັດ​ໃຫ້​ມີ​ການ​ລົງທຶນ​ດ້ານ​ກາ​ນກັ່ນ​ນ້ຳມັນ​ເພື່ອ​ຜະລິດ​ປິ​ໂຕຣ​ເຄມີ ​ແລະ ນ້ຳມັນ​ຍົນ.

ທັງ​ນີ້, ປະ​ເທດ​ໃນ​ຕະຫລາດ​ເກີດ​ໃໝ່​ໃນ​ອາຊີ​ເຊັ່ນ: ອິນ​ເດຍ ​ແລະ ອິນ​ໂດ​ເນ​ເຊຍ ຕ່າງ​ກໍ​ຖືກ​ກະທົບ​ຈາກ​ລາຄາ​ນ້ຳມັນ​ດິບ​ທີ່​ເພີ່ມ​ຂຶ້ນປະມານ 15% ນັບ​ແຕ່​ຕົ້ນປີ​ນີ້. ຂະນະ​ທີ່​ຄ່າ​ເງິນ​ໃນ​ປະ​ເທດ​ຫລຸດ​ລົງ​ທຽບ​ໃສ່​ໂດ​ລາ ​ເປັນ​ປັດ​ໄຈ​ຊ່ວຍ​ໜຸນ​ລາຄາ​ນ້ຳມັນ​ເພີ່ມ​ສູງ​ຂຶ້ນ ​ແລະ ດຶງ​ການ​ຂະຫຍາຍຕົວ​ທາງ​ເສດຖະກິດ.

ນອກຈາກ​ນີ້, ທ່ານ ​ໄບຣອລ ຍັງ​ລະບຸ​ວ່າ: ຄວາມ​ຕ້ອງການ​ໃຊ້​ແກັສທຳ​ມະ​ຊາດ​ແຫລ (LNG) ຈະ​ເພີ່ມ​ຂຶ້ນ​ເຊັ່ນ​ກັນ ​ໂດຍ​ການຊື້ຂາຍ LNG ​ໃນ​ລະດັບ​ໂລກ​ຈະ​ຫລາຍ​ກວ່າ 5 ​ແສນ​ລ້ານ​ແມັດ​ກ້ອນຕໍ່​ວັນ​ພາຍ​ໃນ​ປີ 2023 ​ເພີ່ມ​ຂຶ້ນ 1 ​ໃນ 3 ​ໃນ​ໄລຍະ 5 ປີ​ຕໍ່ໜ້າ. ຂະນະ​ທີ່​ກາ​ຕາ, ອົດ​ສະຕຣາລີ ​ແລະ ອາ​ເມ​ລິ​ກາ ຈະ​ເປັນ​ປະ​ເທດ​ຜູ້​ສົ່ງ​ອອກ LNG ປະມານ 60% ຂອງ​ທົ່ວ​ໂລກ​ພາຍ​ໃນ​ປີ 2023.