ຂໍ້ຕົກລົງການຄ້າ CPTPP ຈະເລີ່ມມີຜົນບັງຄັບໃຊ້ທ້າຍປີນີ້

ຂໍ້ຕົກລົງການຄ້າ cptpp ຈະເລີ່ມມີຜົນບັງຄັບໃຊ້ທ້າຍປີນີ້ - advert banner 728 90 728x90 - ຂໍ້ຕົກລົງການຄ້າ CPTPP ຈະເລີ່ມມີຜົນບັງຄັບໃຊ້ທ້າຍປີນີ້

ຂໍ້​ຕົກລົງ​ຄວບ​ຄຸມ ​ແລະ ກ້າວໜ້າ​ເພື່ອຫຸ້ນ​ສ່ວນ​ການ​ຄ້າ​ພາກພື້ນອາຊີ-ປາຊີ​ຟິກ ຫລື CPTPP ທີ່​ມີ 11 ປະ​ເທດ​ຮ່ວມ​ລົງ​ນາມ​ເປັນ​ພາຄີ ​ເຊິ່ງມີ​ເປົ້າໝາຍ​ໃນ​ການ​ກຳຈັດ​ອຸປະສັກ​ທາງ​ການ​ຄ້າ ຈະ​ເລີ່​ມມີ​ຜົນ​ບັງຄັບ​ໃຊ້​ໃນ​ທ້າຍ​ເດືອນ​ທັນວາ​ນີ້.

ຂໍ້ຕົກລົງການຄ້າ cptpp ຈະເລີ່ມມີຜົນບັງຄັບໃຊ້ທ້າຍປີນີ້ - lattana 1 - ຂໍ້ຕົກລົງການຄ້າ CPTPP ຈະເລີ່ມມີຜົນບັງຄັບໃຊ້ທ້າຍປີນີ້

ຂໍ້​ຕົກລົງ CPTPP ​ເດີນ​ໜ້າ​ໄປ​ອີກ​ຂັ້ນ ພາຍຫລັງ​ອົດ​ສະຕຣາລີ​ແຈ້ງ​ນູ​ແວນ​ເຊ​ລັງວ່າ: ອົດ​ສະຕຣາລີ​ຈະ​ເປັນ​ປະ​ເທດ​ທີ 6 ທີ່​ໃຫ້​ສັດຕະຍາ​ບັນ​ຢ່າງ​ເປັນ​ທາງ​ການ​ຮັບຮອງ​ຂໍ້​ຕົກລົງ​ດັ່ງກ່າວ ຫລັງ​ຈາກ​ນູ​ແວນ​ເຊ​ລັງ, ກາ​ນາ​ດາ, ຍີ່ປຸ່ນ, ​ແມັກ​ຊິກ ​ແລະ ສິງກະ​ໂປ ​ໃຫ້​ສັດຕະຍາບັນຮຽບຮ້ອຍ​ແລ້ວ. ທ່ານ ​ເດ​ວິດ ປາກ​​ເກີ ລັດຖະມົນຕີ​ການ​ຄ້າ ​ແລະ ການ​ສົ່ງ​ອອກ​ຂອງ​ນູ​ແວນ​ເຊ​ລັງ ກ່າວ​ວ່າ: ​ເມື່ອ​ອົດ​ສະຕຣາລີ​ໃຫ້​ສັດຕະຍາບັນ​ຂໍ້​ຕົກລົງ​ນີ້​ແລ້ວ ຈະ​ເຮັດ​​ໃຫ້​ມີ​ປະ​ເທດ​ພາຄີ​ລົງ​ນາມ​ເກີນ​ເຄິ່ງໜຶ່ງ​ຕາມ​ເງື່ອນ​ໄຂ ​ແລະ ​ເປັນ​ການ​ເລີ່​ມນັບ​ຖອຍຫລັງ 60 ວັນ​ທີ່​ຂໍ້​ຕົກລົງ​ຈະ​ມີ​ຜົນ​ບັງຄັບ​ໃຊ້ ​ແລະ ​ເລີ່​ມຮອບ​ທຳ​ອິດ​ຂອງ​ການ​ຫລຸດ​ພາສີ​ສິນຄ້າ​ຕ່າງໆ​ໃນ​ກຸ່ມ​ສະມາຊິກ. ນູ​ແວນ​ເຊ​ລັງ​ມີໜ້າ​ທີ່​ຮັບຜິດຊອບ​ໃນ​ການ​ຮັບ​ແຈ້ງ ​ແລະ ກະຈາຍ​ຂໍ້​ມູນ​ການ​ເຄື່ອນ​ໄຫວ​ຂອງ​ປະ​​ເທດ​ສະມາຊິກ. ຂໍ້​ຕົກລົງ CPTPP ​​ເກົ່າ​ໃຊ້​ຊື່ວ່າ: ຂໍ້​ຕົກລົງ​ຫຸ້ນ​ສ່ວນ​ຍຸດ​ທະ​ສາດ​ເສດຖະກິດ​ພາກພື້ນປາຊີ​ຟິກ ຫລື TPP ມີ​ພາຄີ​ສະມາຊິກ 12 ປະ​ເທດ ​ເກີດ​ສັ່ນ​ຄອນ​ໃນ​ປີຜ່ານມາ ​ຫລັງ​ຈາກ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ປະກາດ​ຖອນ​ຕົວ​ຈາກ​ຂໍ້​ຕົກລົງ​ດັ່ງກ່າວ ​ໂດຍ 11 ປະ​ເທດ​ທີ່​ເຫລືອ ທີ່​ມີ​ຍີ່ປຸ່ນ​ເປັນ​ແກນ​ນຳ ຍັງ​ຄົງ​ເດີນ​ໜ້າ ​ແລະ ທົບ​ທວນ​ຂໍ້​ຕົກລົງ​ຈົນ​ສຳ​ເລັດ​ໃນ​ເດືອນ​ມັງກອນ ກາຍ​ເປັນ​ຂໍ້​ຕົກລົງ CPTPP.