ຕົ້ນຄຳ ເມືອງມະນີ ຄວ້າແຊ້ມ 2 ລາຍການ ແຂ່ງຂັນຍິງປືນ ຊີງຂັນນາຍົກ ປະຈຳປີ 2018

ຕົ້ນຄຳ ເມືອງມະນີ ຄວ້າແຊ້ມ 2 ລາຍການ ແຂ່ງຂັນຍິງປືນ ຊີງຂັນນາຍົກ ປະຈຳປີ 2018 - advert banner 728 90 728x90 - ຕົ້ນຄຳ ເມືອງມະນີ ຄວ້າແຊ້ມ 2 ລາຍການ ແຂ່ງຂັນຍິງປືນ ຊີງຂັນນາຍົກ ປະຈຳປີ 2018

ຕົ້ນຄຳ ເມືອງມະນີ ນັກກິລາຍິງປືນໄອພີເອັດຊີເຍົາວະຊົນລາວ ອະດີດຜູ້ຮັກສາປະຕູເຍົາວະຊົນທີມຊາດລາວ ຮຸ່ນອາຍຸ 14 ປີ ຍ່າງຕາມຮອຍພໍ່ທ່ານ ອາໂນໄທ ເມືອງມະນີ ສ້າງຊື່ສຽງໃຫ້ແກ່ວົງການຍິງປືນລາວ ຫລັງຈາກ​ສະ​ແດງ​ຄວາມ​ສາມາດ​ໃນ​ການ​ເຂົ້າແຂ່ງຂັນລາຍການ ເລໂວ 3 ຊີງຂັນທ່ານນາຍົກລັດຖະມົນຕີ ແຫ່ງ ສປປ ລາວ ຄັ້ງທີ I ປະຈຳປີ 2018 ທີ່ ສປປ ລາວ ຮັບກຽດເປັນເຈົ້າພາບເຖິງ 2 ລາຍການ ສົ່ງຜົນໃຫ້ທັບນັກກິລາຍິງປືນທີມຊາດລາວ ຍາດມາໄດ້ 4 ຫຼຽນຄຳ, 2 ຫຼຽນເງິນ ແລະ 1 ຫຼຽນທອງ.

ຕົ້ນຄຳ ເມືອງມະນີ ຄວ້າແຊ້ມ 2 ລາຍການ ແຂ່ງຂັນຍິງປືນ ຊີງຂັນນາຍົກ ປະຈຳປີ 2018 - lattana 1 - ຕົ້ນຄຳ ເມືອງມະນີ ຄວ້າແຊ້ມ 2 ລາຍການ ແຂ່ງຂັນຍິງປືນ ຊີງຂັນນາຍົກ ປະຈຳປີ 2018

ການແຂ່ງຂັນຍິງປືນຄັ້ງນີ້ຈັດ​ຂຶ້ນ​ແຕ່​ວັນ​ທີ 26-28 ຕຸລາ 2018 ທີ່ສະໜາມກິລາຍິງປືນ 5 ເມສາ ນະຄອນຫຼວງວຽງຈັນ ມີການຊີງໄຊທັງໝົດ 6 ລາຍການຄື: ປືນສະແຕນດາດ, ປືນໂປດັກຊັນ, ປືນໂປດັກຊັນ ອັອບຕິກ, ປືນໂອເພັນ, ປືນຣີໂວເວີ ແລະ ປືນຄລາສສິກ ແຂ່ງຂັນ 15 ສະໜາມ ໂດຍມີນັກກິລາ 128 ຄົນຈາກ 6 ປະເທດຄື: ສປປ ລາວ, ກຳປູເຈຍ, ໄທ, ສປ ຈີນ, ເຂດປົກຄອງພິເສດຮົງກົງ ແລະ ໂປໂລຍ ເຂົ້າຮ່ວມຊີງໄຊຄວາມເປັນໜຶ່ງ ໃນນີ້ສະເພາະ ສປປ ລາວ ໄດ້ສົ່ງນັກກິລາເຂົ້າຮ່ວມແຂ່ງຂັນທັງໝົດ 37 ຄົນ, ຍິງ 1 ຄົນ ລົງແຂ່ງຂັນໃນ 4 ລາຍການຄື: ປະເພດປືນສະແຕນດາດ, ປືນໂອເພັນ, ປືນໂປຣດັກຊັນ ແລະ ປະເພດປືນໂປຣດັກຊັນ ອັອບຕິກ.

ຜ່ານການແຂ່ງຂັນທັບນັກກິລາຍິງປືນລາວ ສາມາດຍາດມາໄດ້ 4 ຫລຽນຄຳ, 2 ຫລຽນເງິນ ແລະ 1 ຫລຽນທອງມາຄອງ, ໃນນັ້ນ ທ້າວ ຕົ້ນຄຳ ເມືອງມະນີ ນັກແມ້ນປືນໜຸ່ມນ້ອຍຂຶ້ນໃໝ່ ສາມາດແຈ້ງເກີດຄວ້າ 2 ຫລຽນຄຳ ຈາກປືນສະແຕດດາດເຍົາວະຊົນສາກົນ ແລະ ລາຍການພາຍໃນປະເທດ ຮຸ່ນທົ່ວໄປ.

ການແຂ່ງຂັນກິລາຍິງປືນຄັ້ງນີ້ ເພື່ອສ້າງຂະບວນການຕ້ອນຮັບວັນສຳຄັນ​ຕ່າງໆ​ຂອງຊາດ ແລະ ເປັນການສົ່ງເສີມປີທ່ອງທ່ຽວລາວ 2018 ໃຫ້ມີບັນຍາກາຟົດຟື້ນ.