ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ

ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ - advert banner 728 90 728x90 - ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ

ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ - Lao bus - ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ

ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ - lattana 1 - ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ

​ໃນ​ວັນ​ທີ 31 ຕຸລານີ້, ທ່ານ ທະ​ນົງ​ສີ ​ເດດ​ວົງ​ສອນ ຫົວໜ້າຂະ​ແຫນ​ງການ ​ແລະ ຂົນ​ສົ່ງ​ໂດຍສານລັດ​ວິ​ສາ​ຫະກິດ​ລົດ​ເມນະຄອນຫລວງ​ວຽງຈັນ ​ໄດ້​ໃຫ້​ສຳພາດ​ຕໍ່ສື່​ມວນ​ຊົນກ່ຽວກັບ​ການ​ປັບ​ຂຶ້ນລາຄາ​ຂອງ​ບັດ​ລົດ​ເມ​ໃນ 3 ​ເສັ້ນທາງຄື: ທ່າ​ງ່ອນ, ດົງ​ໂດກ ​ແລະ ​ໂພນ​ຕ້ອງ-ດົງ​ໂດກ ວ່າ: ທາງ​ລັດ​ວິ​ສາ​ຫະກິດ​ລົດ​ເມ ນະຄອນຫລວງ​ວຽງຈັນຮ່ວມ​ກັບ​ໂຄງການ​ປັບປຸງ​ລະບົບ​ຂົນ​ສົ່ງ​ສາທາລະນະ​ໃນ​ຕົວ​ເມືອງນະຄອນຫລວງ​ວຽງຈັນ​ຂອງ​ອົງການ​ໄຈ​ກາປະ​ເທດ​ຍີ່ປຸ່ນ ​ໄດ້​ປັບ​ລະບົບ​ການ​ນຳ​ໃຊ້​ບັດ​ລົດ​ເມມາ​ແຕ່​ປີ 2014, ​ເພື່ອ​ຫລຸດຜ່ອນ​ການ​ສັນຈອນ​ແອ​ອັດ ​ແລະ ​ເຮັດ​ໃຫ້​ມວນ​ຊົນຫັນ​ມາ​ຊົມ​ໃຊ້​ລົດ​ເມສາ​ທາ​ລະນະ​​ຫລາຍ​ຂຶ້ນ, ມາ​ຮອດ​ປັດຈຸບັນເຫັນ​ວ່າການ​ຊົມ​ໃຊ້ບັດ​ລົ​ດ​ເມ​ແມ່ນ​ມີ​ຈຳນວນໜ້ອຍ, ​ເມື່ອ​ສົມທຽບກັບ​ການ​ຄິດ​ໄລ່​ເບື້ອງຕົ້ນ, ບວກ​ທັງ​ການ​ເຫນັງ​ຕີງ​ຂອງ​ລາຄາ​ນ້ຳມັນ​ເຮັດ​ໃຫ້​ຫລຸບ​ທຶນ​ເປັນ​ຈຳນວນ​ຫລາຍ, ຊຶ່ງ​ນັບ​ແຕ່​ມີ​ການ​​ເປີດ​ໃຫ້​ມວນ​ຊົນ​ນຳ​ໃຊ້​ບັດ​ລົດ​ເມ​ເປັນ​ຕົ້ນ​ມາ ລັດ​ວິ​ສາ​ຫະກິດ​ລົ​ດ​ເມນະຄອນຫລວງ​ວຽງຈັນ ຫລຸບ​ທຶນ​ຫລາຍ​ກ່ວາ 4 ຕື້ກີບ. ສະ​ນັ້ນ ​ເພື່ອ​ເຮັດ​ໃຫ້​ຂອດ​ບໍລິການ​​ດີ​ຂຶ້ນ ຈຶ່ງ​ຕ້ອງ​ໄດ້​ມີ​ການ​ປັບ​ລາຄາຄື: ສາຍ​ທາງ​ທ່າ​ງ່ອນຈາກ​ລາຄາ​ເດີມບັດ 6 ​ເດືອນ​ແມ່ນ 400.000 ກີບມາ​ເປັນ 800.000 ກີບ, ບັດ​ 1 ປີ, ຈາກ​ລາຄາ 800.000 ກີບ, ມາ​ເປັນ 1.500.000 ກີບ, ສ່ວນ​ສາຍ​ທາງ​ດົງ​ໂດກ ​ແລະ ສາຍ​ທາງ​ໂພນ​ຕ້ອງ-ດົງ​ໂດກ ກໍ​ມີ​ການ​ປັບ​ລາຄາ​ຂຶ້ນ​ເຊັ່ນ​ກັນ, ​ແນວ​ໃດ​ກໍ​ດີ ສະ​ເພາະ​ສາຍ​ທາງ​ອື່ນຄາດ​ວ່າ​ຈະ​ມີ​ການ​ຍົກ​ເລີກ​ການ​ນຳ​ໃຊ້​ບັດ​ລົດ​ເມ​ແບບ​ເກົ່າ, ​ແຕ່​ກຳລັງ​ຈະ​ມີ​ການ​ນຳ​ໃຊ້​ບັດ​ແບບ​ໃໝ່ຄື: ລະບົບ​ລົດ​ເມສາ​ທາ​ລະນະ​ແບບ​ໃໝ່ (BLT). ນອກຈາກ​ນີ້ ຍັງ​ຈະ​ມີ​ການ​ປັບປຸງ​ການ​ບໍລິການ​ຄົນ​ຂັບ​ລົດ​ເມ​ໃຫ້​ດີ​ຂຶ້ນ ​ເພື່ອ​ເຮັດ​ໃຫ້​ສັງຄົມ​ຫັນ​ມາ​ຊົມ​ໃຊ້​ລົດ​ເມສາ​ທາ​ລະນະ, ຫລຸດຜ່ອນ​ອຸປະຕິ​ເຫດ ​ແລະ ການ​ສັນຈອນ​ແອ​ອັດ.

ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ - facebook link thumbnail mobile 39 696x364 - ລົດ​ເມ​ນະຄອນຫລວງ​ວຽງຈັນຊີ້​ແຈງ​ການ​ປັບ​ຂຶ້ນລາຄາ​ບັດລົດ​ເມ 3 ​ເສັ້ນທາງ

ຮອງ​ຜູ້ອຳນວຍການ​ລັດ​ວິ​ສາ​ຫະກິດ​ລົດ​ເມນະຄອນຫລວງ​ວຽງຈັນ ​ໃຫ້​ຮູ້​ວ່າ: ປັດຈຸບັນ, ການ​ຊົມ​ໃຊ້​ລົດ​ເມສາ​ທາ​ລະນະຢູ່ນະຄອນຫລວງ​ວຽງຈັນ ຍັງ​ມີ​ຈຳນວນໜ້ອຍ ​ແລະ ພາຍຫລັງ​ມີ​ການ​ກໍ່ສ້າງ​ສະຖານີ​ລົດ​​ເມຂຶ້ນ​ໃໝ່, ​ເຮັດ​ໃຫ້​ມີ​ຄວາມ​ຫຍຸ້ງຍາກ ຈາກ​ມື້ໜຶ່ງສະ​ເລ່ຍມີ​ຜູ້​ຊົມ​ໃຊ້​ກ່ວາ 10 ພັນ​ຄົນ ຫລຸດ​ລົງ​ກ່ວາ 30% ທັງ​ນີ້ ກໍ​ຍ້ອນ​ຄວາມ​ແອ​ອັດ ​ແລະ ການຈັດ​ສັນສະຖານ​ນີ​ຂົນ​ສົ່ງ​ຍັງ​ບໍ່​ເປັນ​ລະບຽບ, ສະ​ນັ້ນ ​ເພື່ອ​ປັບປຸງ ​ແລະ ຮອງ​ຮັບ​ການ​ບໍລິການ​ລູກ​ຄ້າລັດ​ວິ​ສາ​ຫະກິດ​ລົດ​ເມນະຄອນຫລວງ​ວຽງຈັນ ຈະ​ນຳ​ໃຊ້​ລົດ​ເມ​ແບບ​ໃໝ່ທັນ​ສະ​ໄໝ, ພ້ອມ​ທັງ​ຂະຫຍາຍ​ສາຍ​ທາງ​ຕື່ມ​ອີກ 4 ​ເສັ້ນ, ຈາກ​ປັດຈຸບັນ​ມີ 10 ​ເສັ້ນທາງ​ທີ່​ລົດ​ເມ​ສັນຈອນ, ພ້ອມ​ກັນນັ້ນກໍ​​ເລັ່ງ​ໂຄສະນາ​ປູກ​ຈິດ​ສຳນຶກ​ໃຫ້​ມວນ​ຊົນຫັນ​ມາ​ຊົມ​ໃຊ້​ລົດ​ເມສາ​ທາ​ລະນະ ​​ເພື່ອ​ຫລຸດຜ່ອນການ​ສັນຈອນ​ແອ​ອັດ​ໃນ​ຕົວ​ເມືອງ.