ສ້າງຄວາມເຂັ້ມແຂງໃຫ້ໜ່ວຍງານແພດສຸກເສີນ

ສ້າງຄວາມເຂັ້ມແຂງໃຫ້ໜ່ວຍງານແພດສຸກເສີນ - advert banner 728 90 728x90 - ສ້າງຄວາມເຂັ້ມແຂງໃຫ້ໜ່ວຍງານແພດສຸກເສີນ

ກະ­ຊວງ​ສາ­ທາ­ລະ­ນະ​ສຸກ ຮ່ວມກັບ ອົງ­ການ​ອາ­ນາ­ໄມ​ໂລກປະ­ຈຳ​ລາວໄດ້ ຈັດກອງ​ປະຊຸມເຜີຍ­ແຜ່ການ​ປະ­ສານ​ງານ​ຂອງ​ໜ່ວຍ​ງານ​ແພດ​ສຸກ​ເສີນຂຶ້ນໃນວັນທີ 29-30 ຕຸ­ລານີ້,​ ໃຫ້​ແກ່​ບັນ­ດາ​ອົງ​ການ­ຈັດ­ຕັ້ງ​ລັດ­ຖະ­ບານ​ທີ່​ກ່ຽວ­ຂ້ອງ ເພື່ອສ້າງມາດຖານໃນການຄຸ້ມຄອງໜ່ວຍງານແພດສຸກເສີນປະຈຳພາກສະໜາມ.

ສ້າງຄວາມເຂັ້ມແຂງໃຫ້ໜ່ວຍງານແພດສຸກເສີນ - lattana 1 - ສ້າງຄວາມເຂັ້ມແຂງໃຫ້ໜ່ວຍງານແພດສຸກເສີນ

ໃນໂອກາດນີ້, ທ່ານ ພູທອນ ເມືອງປາກ ​ຮອງ​ລັດ­ຖະ­ມົນ­ຕີກະ­ຊວງ​ສາທາ­ລະ­ນະ​ສຸກ ມີຄໍາເຫັນ​ວ່າ: ກອງ​ປະ­ຊຸມ​ຄັ້ງ​ນີ້, ເປັນ​ບາດ­ກ້າວສໍາຄັນໃນ​ການ​ສ້າງ​ຄວາມ​ເຂັ້ມ­ແຂງດ້ານ​ການ​ປະ­ສານ​ງານ​ຂອງ​ປະ­ເທດ ເພື່ອ​ຄຸ້ມ​ຄອງ​ໜ່ວຍ​ງານ​ແພດ​ສຸກ​ເສີນ, ເພື່ອແນ່ໃສ່ການຮັບປະກັນຄຸນນະພາບໃນການຈັດສົ່ງໜ່ວຍງານແພດ, ອຸປະກອນຕ່າງໆສອດຄ່ອງກັບຄວາມຕ້ອງການ ແລະ ສະພາບໃນພາກສະໜາມ, ເຊິ່ງໜ່ວຍ​ງານ​ແພດ​ສຸກ​ເສີນນີ້ ​ແມ່ນ​ກຸ່ມ​ນັກ­ວິ­ຊາ­ການ​ດ້ານ​ການ​ແພດ ແລະ ຜູ້​ຊ່ວຍ​ທີ່​ໃຫ້­ການ​ບໍ­ລິ­ການ​ປິ່ນ­ປົວ​ໂດຍ​ກົງ​ຕໍ່​ປະຊາຊົນ ຜູ້ທີ່ໄດ້ຮັບຜົນກະທົບ ຈາກ​ໄພ­ພິ­ບັດ ແລະ ເຫດ­ການ​ສຸກ​ເສີນ​ຕ່າງໆ ເມື່ອ​ມີ​ການ​ລະ­ບາດ ຫລື ໄພ​ພິ­ພັດ​ເກີດ​ຂຶ້ນ ພະ­ນັກ­ງານ​ແພດ​ໝໍ​ໃນ​ເຂດ​ນັ້ນ ຕ້ອງເປັນຜູ້ປະສານງານ ຂໍຄວາມຊ່ວຍເຫລືອຈາກໜ່ວຍ​ງານ​ແພດ​ສຸກ​ເສີນ​ເຂົ້າມາຊ່ວຍເຫລືອ ​ປະສານສົມທົບກັບໜ່ວຍແພດທ້ອງຖິ່ນ ໃນການຕອບໂຕ້ຢ່າງມີປະສິດທິພາບ ສອດຄ່ອງກັບສະພາບການ ແລະ ທັນເວລາ.

​ຜ່ານ​ມາ ສປປ ລາວ ໄດ້​ປະ­ສົບ​ກັບ​ເຫດ­ການໄພ­​ນ້ຳ​ຖ້ວມ​ຢ່າງ​ໜັກ­ໜ່ວງ ​ໃນ​ຫລາຍ​ແຂວງ ໂດຍ​ສະ­ເພາະ ແຂວງ​ອັດ​ຕະ​ປື, ໄດ້​ສ້າງ​ຄວາມ​ເສຍ​ຫາຍແກ່ຊີິວິດ ແລະ ຊັບສິນເປັນຈຳນວນຫລວງ ຫລາຍ ​ຕໍ່​ກັບ​ເຫດ­ການ​ດັ່ງ­ກ່າວ ພາຍ​ໃຕ້​ການ​ຊີ້​ນຳ​ຂອງ​ລັດ­ຖະ­ບານ ກໍ່​ຄື ຄະ­ນະ​ກຳ­ມະ­ການ​ຕ້ານ​ໄພ­ພິ ບັດ​ແຫ່ງ​ຊາດ ກະ­ຊວງ​ສາ­ທາ­ລະ­ນະ​ສຸກ ກໍໄດ້ຮ່ວມກັບຫລາຍພາກສ່ວນ ເພື່ອຊອກຫາວິທີທາງການແກ້ໄຂ ແລະ ຮັບມື ຕອບໂຕ້ໄພພິບັດຕ່າງໆ ດັ່ງກ່າວຢ່າງມີປະສິດທິພາບ.