ສົນທະນາກ່ຽວກັບການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ

ສົນທະນາກ່ຽວກັບການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ - advert banner 728 90 728x90 - ສົນທະນາກ່ຽວກັບການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ

ໃນວັນທີ 29 ຕຸລານີ້, ສະຖາບັນລາວ-ອົດສະຕຣາລີ ໃນນາມເປັນກອງເລຂາໃຫ້ສະຖານທູດອົດສະຕຣາລີປະຈຳລາວ, ໄດ້ຈັດງານສົນທະນາກ່ຽວກັບ “ການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ” OzTalk ຂຶ້ນທີ່ນະຄອນຫລວງວຽງຈັນ, ​ໂດຍການເຂົ້າຮ່ວມຂອງຄົນທີ່ມີຄວາມພິການ ແລະ ມວນຊົນເປັນຈໍານວນຫລາຍ.

ສົນທະນາກ່ຽວກັບການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ - lattana 1 - ສົນທະນາກ່ຽວກັບການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ

ໃນພິທີ, ທ່ານນາງ ໂຊຟີ ວີວຄິງຊັນ ເລຂາເອກອັກຄະລັດຖະທູດຜູ້ທີສອງປະຈຳລາວ ກ່າວວ່າ: ການພັດທະນາແບບມີສ່ວນຮ່ວມຂອງຄົນທີ່ມີຄວາມພິການ ແມ່ນໜຶ່ງໃນວຽກງານພັດທະນາຊັບພະຍາກອນມະນຸດຂອງສະຖາບັນລາວ-ອົດສະຕຣາລີ, ເປັນອີກໂຄງການໜຶ່ງທີ່ລັດຖະບານອົດສະຕຣາລີຖືເປັນວຽກງານບູລິມະສິດ ແລະ ສືບຕໍ່ໃຫ້ການສະໜັບສະໜູນຢ່າງຈິງຈັງ. ງານ OzTalk ໃນຄັ້ງນີ້, ກໍແມ່ນກິດຈະກໍາໜຶ່ງທີ່ມີຈຸດປະສົງຕ້ອງການສ້າງຄວາມເຂົ້າໃຈ ແລະ ປູກຈິດສຳນຶກ ກ່ຽວກັບການພັດທະນາທີ່ບໍ່ຖີ້ມປະໃຜໄວ້ທາງຫລັງ, ໂດຍສະເພາະຜູ້ທີ່ມີຄວາມພິການ.

ຢູ່ໃນງານສົນທະນາດັ່ງກ່າວ, ຜູ້ເຂົ້າຮ່ວມໄດ້ສົນທະນາ ແລະ ແລກປ່ຽນຄວາມຄິດເຫັນຕ່າງໆກັບຜູ້ມີປະສົບການກ່ຽວກັບການມີສ່ວນຮ່ວມ ແລະ ໂອກາດຕ່າງໆ ຂອງຄົນທີ່ມີຄວາມພິການ ໃນການປະ ກອບສ່ວນເຂົ້າໃນການພັດທະນາສັງຄົມ ກໍຄື ປະເທດຊາດ.

ນອນຈາກນີ້, ຍັງເປັນການໂຄສະນາ ເຖິງຜູ້ທີ່ມີຄວາມເປັນພິການ ​ແລະ ບຸກຄົນ​ທົ່ວ​ໄປໃຫ້ເຂົ້າຮ່ວມການຝຶກອົບຮົມພາອັງກິດ, ເຊິ່ງຈະຈັດຂຶ້ນເປັນຄັ້ງທີ 2 ໃນເດືອນມັງກອນ 2019 ຈະມາເຖິງນີ້, ເປັນຫລັກສູດຂຽນບົດລາຍງານ, ກະກຽມການສະເໜີ, ຂຽນບົດ ແລະ ການລາຍງານປາກເປົ່າ ດ້ານການເງິນຕໍ່ຜູ້ໃຫ້ທຶນ ແລະ ເປັນຫລັກສູດຮຽນໂດຍບໍ່ເສຍຄ່າໃດໆ ໃນໄລຍະ 6 ເດືອນ.