ລາວ​ຈະ​ຕ້ອງ​ໄດ້​ມີ​ຄວາມ​ພະຍາຍາມ​ສູງ​ໃນ​ການ​ສຸມ​ໃສ່ນຳ​ເອົາ​ປະ​ເທດ​ຫລຸດ​ພົ້ນອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2024

ລາວ​ຈະ​ຕ້ອງ​ໄດ້​ມີ​ຄວາມ​ພະຍາຍາມ​ສູງ​ໃນ​ການ​ສຸມ​ໃສ່ນຳ​ເອົາ​ປະ​ເທດ​ຫລຸດ​ພົ້ນອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2024 - advert banner 728 90 728x90 - ລາວ​ຈະ​ຕ້ອງ​ໄດ້​ມີ​ຄວາມ​ພະຍາຍາມ​ສູງ​ໃນ​ການ​ສຸມ​ໃສ່ນຳ​ເອົາ​ປະ​ເທດ​ຫລຸດ​ພົ້ນອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2024

​ໃນ​ບົດ​ລາຍ​ງານຂອງ​ອົງການ​ສະຫະ​ປະຊາ​ຊາດ ​ເພື່ອ​ການ​ພັດທະນາ ​ໄດ້​ຊີ້​ໃຫ້​ເຫັນ​ວ່າ: ​ເພື່ອ​ຫລຸດ​ພົ້ນອອກ​ຈາກ​ສະຖານະ​ພາບ​ປະ​ເທດ​ດ້ອຍ​ພັດທະນາ, ສປປ ລາວ ຕ້ອງ​ໄດ້​ຜ່ານ 2 ​ໃນ 3 ​ເກນ​ມາດຕະຖານ​ເຊັ່ນ: ຍອດ​ລາຍ​ຮັບ​ແຫ່ງ​ຊາດ​ຕໍ່​ຫົວ​ຄົນ ​ແລະ ດັດຊະນີ​ຊັບ​ສິນ​ມະນຸດ ​ເຖິງ​ວ່າ​ບັນລຸ​ຕາມ​ເງື່ອນ​ໄຂ​ແລ້ວ​ຄື: ຍອດ​ລາຍ​ຮັບ​ຕໍ່​ຫົວ​ຄົນ​ໄດ້​ເພີ່ມ​ຂຶ້ນຫລາຍ​ກວ່າ 50% ນັບ​ແຕ່​ປີ 1990 ​ເປັນຕົ້ນມາ ຄື​ປີ 2018 ບັນລຸ​ໄດ້​ເກືອບ 2.000 ​ໂດ​ລາ​ສະຫະລັດ​ຕໍ່​ຄົນ, ​ແຕ່​ດັດຊະນີ​ຄວາມ​ອ່ອນ​ໄຫວ​ທາງ​ດ້ານ​ເສດຖະກິດ​ຍັງ​ຈະ​ຕ້ອງ​ໄດ້​ບຸກບືນ ​ໂດຍ​ສະ​ເພາະ​ໃນ​ໄລຍະ​ເວລາ​ທີ່​ຫລາຍ​ເຂດ​ຂອງ​ປະ​ເທດ​ກຳລັງຜະ​ເຊີນ​ກັບ​ຜົນ​ກະທົບ​ຮ້າຍ​ແຮງ​ຈາກ​ໄພ​ນ້ຳຖ້ວມ ​ແລະ ຄວາມ​ສ່ຽງ​ຈາກ​ການ​ປ່ຽນ​ແປງ​ຂອງ​ສະພາບ​ດິນ​ຟ້າ​ອາກາດ ​ເຊິ່ງອາດມີ​ຢູ່ ​ແລະ ຊີວິດ​ການ​ເປັນ​ຢູ່​ຂອງ​ປະຊາຊົນ​ໃນ​ເຂດ​ຫ່າງ​ໄກ​ສອກຫລີກ​ຍັງ​ຫຍຸ້ງຍາກ​ຫລາຍ, ການ​ເຂົ້າ​ເຖິງ​ການ​ບໍລິການ​ດ້ານ​ການ​ສຶກສາ ​ແລະ ສາທາລະນະ​ສຸກ​ຍັງ​ຈະ​ຕ້ອງ​ໄດ້​ບຸກບືນ​ຫລາຍ​ຂຶ້ນ.

ລາວ​ຈະ​ຕ້ອງ​ໄດ້​ມີ​ຄວາມ​ພະຍາຍາມ​ສູງ​ໃນ​ການ​ສຸມ​ໃສ່ນຳ​ເອົາ​ປະ​ເທດ​ຫລຸດ​ພົ້ນອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2024 - lattana 1 - ລາວ​ຈະ​ຕ້ອງ​ໄດ້​ມີ​ຄວາມ​ພະຍາຍາມ​ສູງ​ໃນ​ການ​ສຸມ​ໃສ່ນຳ​ເອົາ​ປະ​ເທດ​ຫລຸດ​ພົ້ນອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2024

​ໃນ​ຂະນະ​ດຽວ​ກັນ, ທ່ານ​ຮອງ​ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ ກໍ​ໄດ້​ຢັ້ງຢືນ​ວ່າ: ລາວ​ເຮົາ​ຈະ​ສູ້​ຊົນ​ໃຫ້​ສາມາດ​ຜ່ານ​ພົ້ນ​ໄດ້ ​ເພື່ອ​ກ້າວ​ໄປ​ສູ່​ການ​ຫລຸດ​ພົ້ນອອກ​ຈາກ​ສະຖານະ​ພາບ​ປະ​ເທດ​ດ້ອຍ​ພັດທະນາ​ໃນ​ປີ 2024 ຢ່າງ​ແນ່ນອນ ​ໂດຍ​ຈະ​ຕ້ອງ​ໄດ້​ສຸມ​ໃສ່​ຫາ​ລາຍ​ຮັບ​ຈາກ​ຫລາຍ​ຊ່ອງ​ທາ​ງ​ເພື່ອ​ການ​ເຕີບ​ໃຫຍ່, ອອກ​ແບບ​ຍຸດ​ທະ​ສາດ​ສຳລັບ​ການ​ຫັນປ່ຽນ​ເສດຖະກິດ​ຢ່າງ​ຖືກຕ້ອງ​ແຕ່​ຫົວທີ ​ແລະ ລົງທຶນ​ໃສ່​ການ​ຫັນປ່ຽນ​ລະບົບ​ການ​ສຶກສາ ​ແລະ ສາທາລະນະ​ສຸກ​ໄປ​ໃນ​ທິດ​ທາງ​ທີ່​ຊ່ວຍ​ໃຫ້​ກຳລັງ​ແຮງ​ງານ ​ແລະ ປະຊາກອນ​ທັງ​ໝົດ​ຕ້ອງ​ໄດ້​ປັບ​ຕົວຢ່າງ​ຕໍ່​ເນື່ອງ, ປະຊາຊົນ​ມີ​ສຸຂະພາບ​ແຂງ​ແຮງ, ດຳລົງ​ຊີວິດ​ແບບ​ມີ​ຄວາມ​ຍືນ​ຍົງ ​ແລະ ມີ​ຫົວຄິດ​ປະດິດ​ສ້າງ​ທີ່​ເປັນ​ປະ​ໂຫຍ​ດຕໍ່​ຂະ​ບວນການ​ສ້າງ​ນະ​ວັດຕະ​ກຳ ​ແລະ ການ​ເຕີບ​ໃຫຍ່​ທາງ​ດ້ານ​ເສດຖະກິດ​ແບບ​ກວມ​ລວມ. ປັດຈຸບັນ ຄວາມ​ບໍ່​ສະ​ເໝີ​ພາບ​ທາງ​ດ້ານ​ການ​ສຶກສາ​ໃນ ສປປ ລາວ ​ແມ່ນ​ຢູ່​ທີ່ 34% ​ເຊິ່ງ​ໃກ້​ກັບ​ຕົວ​ເລກ​ສະ​ເລ່ຍ​ໃນ​ທົ່ວ​ໂລກ​ສຳລັບ​ປະ​ເທດ​ດ້ອຍ​ພັດທະນາ.