ມື 1 ຂອງໂລກຈະກັບມາເປັນຂອງ ໂນວັກ ອີກຄັ້ງ ຫລັງ ນາດາວ ຖອນຕົວຈາກເທັນນິສ ປາຣີ ມາສເຕີ 2018

ມື 1 ຂອງໂລກຈະກັບມາເປັນຂອງ ໂນວັກ ອີກຄັ້ງ ຫລັງ ນາດາວ ຖອນຕົວຈາກເທັນນິສ ປາຣີ ມາສເຕີ 2018 - advert banner 728 90 728x90 - ມື 1 ຂອງໂລກຈະກັບມາເປັນຂອງ ໂນວັກ ອີກຄັ້ງ ຫລັງ ນາດາວ ຖອນຕົວຈາກເທັນນິສ ປາຣີ ມາສເຕີ 2018

ຣາຟາເອວ ນາດາວ ຍອດນັກເທັນນິສສີມືດີ ຊາວແອັສປາຍ ອາຍຸ 31 ປີ ແຊ້ມແກຣນສະແລມ 17 ສະໄຫມ ກຽມເສຍບັນລັງມື 1 ຂອງໂລກໃຫ້ ໂນວັກ ຢໍໂຄວິກ ແຊ້ມແກຣນສະແລມ 14 ສະໄຫມ ຊາວແຊກບີ້ (ເຊີເບຍ) ຫລັງຖອນຕົວຈາກການແຂ່ງຂັນເທັນນິສ ມາສເຕີ 1000 ລາຍການ ປາຣີ ມາສເຕີ 2018 ທີ່ນະຄອນຫລວງປາຣີ ປະເທດຝຣັ່ງ ໃນອາທິດນີ້.

ມື 1 ຂອງໂລກຈະກັບມາເປັນຂອງ ໂນວັກ ອີກຄັ້ງ ຫລັງ ນາດາວ ຖອນຕົວຈາກເທັນນິສ ປາຣີ ມາສເຕີ 2018 - lattana 1 - ມື 1 ຂອງໂລກຈະກັບມາເປັນຂອງ ໂນວັກ ອີກຄັ້ງ ຫລັງ ນາດາວ ຖອນຕົວຈາກເທັນນິສ ປາຣີ ມາສເຕີ 2018

ນາດາວ ຈຳເປັນຕ້ອງໄດ້ຖອນຕົວເພາະເຈັບທ້ອງກະທັນຫັນ ຂະນະກຳລັງຈະລົງແຂ່ງກັບ ເຟີນັນໂດ ເບີດາສໂກ້ ເພື່ອນຮ່ວມຊາດ. ນາດາວ ກ່າວວ່າ: “ອາການນີ້ເກີດຂຶ້ນຕັ້ງແຕ່ອາທິດຜ່ານມາ ແລະ ຕົນເອງຮ່າງກາຍກໍດີຂຶ້ນ ຕອບຕົກລົງເຂົ້າຮ່ວມ, ແຕ່ເສຍດາຍອາການນັ້ນມາເກີດຂຶ້ນກະທັນຫັນ ທ່ານໝໍມາກວດກໍບອກວ່າ: ບໍ່ຄວນລົງແຂ່ງ ເສຍດາຍກັບໂອກາດ ແລະ ຂໍໂທດແຟນເທັນນິສທຸກຄົນ”.

ສ່ວນການແຂ່ງຂັນລາຍການໃຫຍ່ທ້າຍປີ ATP World Tour Finals 2018 ທີ່ຈະມີຂຶ້ນໃນວັນທີ 12 ພະຈິກນີ້ ນາດາວ ຍັງບໍ່ແນ່ໃຈວ່າ ຮ່າງກາຍຈະເຊົາທັນ ຫລື ບໍ່ ?.