ກອງປະຊຸມຄະນະກຳມາທິການແຜນການການເງິນ ແລະ ກວດສອບສະພາແຫ່ງຊາດ

ກອງປະຊຸມຄະນະກຳມາທິການແຜນການການເງິນ ແລະ ກວດສອບສະພາແຫ່ງຊາດ - advert banner 728 90 728x90 - ກອງປະຊຸມຄະນະກຳມາທິການແຜນການການເງິນ ແລະ ກວດສອບສະພາແຫ່ງຊາດ

ກອງປະຊຸມຄົບຄະນະຂອງກຳມາທິການແຜນການ, ການເງິນ ແລະ ການກວດສອບຂອງສະພາແຫ່ງຊາດປະຈຳປີ 2018 ໄດ້ຈັດຂຶ້ນໃນວັນທີ 31 ຕຸລານີ້, ເພື່ອພິຈາລະນາບົດລາຍງານການເຄື່ອນໄຫວວຽກງານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ, ຄົ້ນຄວ້າພິຈາລະນາໃສ່ບົດສະຫລຸບຂອງກຳມາທິການ, ບົດລາຍງານກ່ຽວກັບແຜນພັດທະນາເສດຖະກິດ-ສັງຄົມ, ບົດລາຍງານກ່ຽວກັບງົບປະມານແຫ່ງລັດ ແລະ ບົດລາຍງານອົງການກວດສອບ ເພື່ອກະກຽມຄວາມພ້ອມ ແລະ ສາມາດຮັບປະກັນໄດ້ທາງດ້າເນື້ອໃນ ທີ່ຈະນຳສະເໝີເຂົ້າຜ່ານກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ໃນເດືອນພະຈິກນີ້.

ກອງປະຊຸມຄະນະກຳມາທິການແຜນການການເງິນ ແລະ ກວດສອບສະພາແຫ່ງຊາດ - lattana 1 - ກອງປະຊຸມຄະນະກຳມາທິການແຜນການການເງິນ ແລະ ກວດສອບສະພາແຫ່ງຊາດ

ພ້ອມນີ້, ຍັງຈະໄດ້ຮັບຟັງບົດສະຫລຸບການເຄື່ອນໄຫວວຽກງານປະຈຳປີ 2018 ແລະ ທິດທາງແຜນການປີ 2019 ຂອງກໍາມາທິການແຜນການ, ການເງິນ ແລະ ການກວດສອບ; ສະຫລຸບຕີລາຄາການຈັດຕັ້ງປະຕິບັດກົດໝາຍ ແລະ ນິຕິກຳໃຕ້ກົດໝາຍ ໃນຂົງເຂດແຜນການ, ການເງິນ ແລະ ການກວດສອບ ໂດຍສະເພາະ ກົດໝາຍວ່າດ້ວຍສົ່ງເສີມການລົງທຶນ, ກົດໝາຍວ່າດ້ວຍງົບປະມານ ແລະ ອື່ນໆ; ຮ່າງບົດສະຫລຸບ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ປີ 2018 ແລະ ທິດທາງແຜນການ ປີ 2019; ຮ່າງບົດສະຫລຸບການຈັດຕັ້ງປະຕິບັດ ແຜນງົບປະມານແຫ່ງລັດ ປີ 2018 ແລະ ທິດທາງແຜນປີ 2019; ຮ່າງບົດສະຫລຸບການຈັດຕັ້ງ ປະຕິບັດແຜນເງິນຕາປີ 2018 ແລະ ທິດທາງແຜນການປີ 2019; ຮ່າງບົດສະຫລຸບການຈັດຕັ້ງປະຕິບັດ ການເຄື່ອນໄຫວວຽກງານ ປີ 2018 ແລະ ທິດທາງແຜນການປີ 2019 ແລະ ບົດລາຍງານການສະຫລຸບຂາດຕົວ ການຈັດຕັ້ງປະຕິບັດແຜນງົບປະມານປີ 2017; ບົດລາຍງານຂອງອົງການກວດກາລັດຖະບານ ກ່ຽວກັບການແກ້ໄຂບົດສະຫລຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ສົກປີ 2015-2016 ແລະ ຍັງຈະໄດ້ພ້ອມກັນປະກອບຄຳເຫັນໃສ່ຮ່າງມະຕິ ກ່ຽວກັບແຜນພັດທະນາເສດ ຖະກິດ-ສັງຄົມ, ແຜນງົບປະມານແຫ່ງລັດ ແລະ ວຽກງານການກວດສອບ ແລະ ກວດກາ ຂອງສູນກາງ ແລະ ທ້ອງຖິ່ນຕື່ມອີກ.