UN ຊີ້ເມືອງເຕີບໃຫຍ່ໄວໃນອາຊີມີທັງ ຄົນຂາດສານອາຫານ ແລະ ຄົນຕຸ້ຍ

un ຊີ້ເມືອງເຕີບໃຫຍ່ໄວໃນອາຊີມີທັງ ຄົນຂາດສານອາຫານ ແລະ ຄົນຕຸ້ຍ - advert banner 728 90 728x90 - UN ຊີ້ເມືອງເຕີບໃຫຍ່ໄວໃນອາຊີມີທັງ ຄົນຂາດສານອາຫານ ແລະ ຄົນຕຸ້ຍ

ລາຍງານຂອງຫລາຍໜ່ວຍງານໃນສະຫະປະຊາຊາດ (UN) ລະບຸວ່າ: ຕົວເມືອງທີ່ກຳລັງເຕີບໃຫຍ່ຢ່າງວ່ອງໄວໃນອາຊີ ມີທັງເດັກນ້ອຍ ແລະ ຜູ້ໃຫຍ່ທີ່ຂາດສານອາຫານ ແລະ ເປັນພະຍາດຕຸ້ຍ ເຊິ່ງຍັງຈະເປັນບັນຫາຕໍ່ໄປ ຖ້າບໍ່ມີການວາງແຜນຕົວເມືອງທີ່ຄວບຄຸມ, ຍືນຍົງ ແລະ ຄຳນຶງເຖິງໂພຊະນາການ.

un ຊີ້ເມືອງເຕີບໃຫຍ່ໄວໃນອາຊີມີທັງ ຄົນຂາດສານອາຫານ ແລະ ຄົນຕຸ້ຍ - lattana 1 - UN ຊີ້ເມືອງເຕີບໃຫຍ່ໄວໃນອາຊີມີທັງ ຄົນຂາດສານອາຫານ ແລະ ຄົນຕຸ້ຍ

ຜູ້ບໍລິຫານປະຈຳອາຊີຂອງອົງການອາຫານ ແລະ ຢາ ແຫ່ງສະຫະປະຊາຊາດ, ອົງການທຶນເພື່ອເດັກແຫ່ງສະຫະປະຊາຊາດ, ໂຄງການອາຫານໂລກ ແລະ ອົງການອະນາໄມໂລກ ຖະແຫລງຮ່ວມກັນໃນວັນທີ 2 ພະຈິກວ່າ: ອາຊີ-ປາຊີຟິກ ເຊິ່ງມີອັດຕາການຂະຫຍາຍຕົວເປັນເຂດເມືອງສູງທີ່ສຸດໃນໂລກ ມີຜູ້ຂາດສານອາຫານກວ່າເຄິ່ງໜຶ່ງຂອງຜູ້ຂາດສານອາຫານທັງໝົດ 821 ລ້ານຄົນທົ່ວໂລກ, ຄວາມພະຍາຍາມຫລຸດການຂາດສານອາຫານມີຄວາມຄືບໜ້າໜ້ອຍ ຍິ່ງຄົນນອກເມືອງ ໂດຍສະເພາະຄອບຄົວທຸກຍາກອົບພະຍົບເຂົ້າມາຕັ້ງຖິ່ນຖານໃນເຂດຕົວເມືອງຢ່າງຕໍ່ເນື່ອງ, ບັນຫາການຂາດສານອາຫານໃນເຂດຕົວເມືອງຍິ່ງເປັນບັນຫາໃຫຍ່ຂອງຫລາຍປະເທດ ໜຶ່ງໃນສາມຂອງຄົນໃນເຂດຕົວເມືອງອາໄສຢູ່ໃນຊຸມຊົນແອອັດທີ່ເຂົ້າບໍ່ເຖິງສະຫວັດດີການ ແລະ ມາດຕະການການຊ່ວຍເຫລືອ. ອີກທັງຕະຫລາດ ແລະ ຮ້ານຄ້າແຄມທາງທີ່ເປັນແຫລ່ງອາຫານລາຄາຖືກຂອງຄົນທຸກຖືກຈຳກັດຫລາຍຂຶ້ນເຊັ່ນຢູ່ໄທ ແລະ ມາເລເຊຍ.

ຂະນະດຽວກັນ, ອາຊີ-ປາຊີຟິກ ກໍເປັນພາກພື້ນທີ່ເດັກເປັນພະຍາດຕຸ້ຍເພີ່ມຂຶ້ນຢ່າງວ່ອງໄວທີ່ສຸດໃນໂລກ ແລະ ມີຜູ້ໃຫຍ່ 1 ໃນ 8 ຄົນເປັນຄົນຕຸ້ຍ ເພາະອາຫານແປຮູບເຕັມໄປດ້ວຍເກືອ, ນ້ຳຕານ ແລະ ໄຂມັນມີຂາຍທົ່ວໄປ. UN ລະບຸວ່າ: ຜ່ານມາການຂະຫຍາຍຕົວເປັນເຂດຕົວເມືອງເປັນສັນຍານຂອງການປ່ຽນແປງທາງເສດຖະກິດ ແລະ ສັງຄົມທີ່ຄຽງຄູ່ໄປກັບມາດຕະຖານການເປັນຢູ່ທີ່ດີຂຶ້ນ, ແຕ່ຖ້າແກ້ໄຂບໍ່ດີຈະເຮັດໃຫ້ລະບົບດ້ານອາຫານທັງໝົດລົ້ມເຫລວ ມີທັງຄົນຂາດສານອາຫານ ແລະ ຄົນເປັນພະຍາດຕຸ້ຍໃນເມືອງດຽວກັນ ຫລື ຄອບຄົວດຽວກັນ.