ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ

ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ - advert banner 728 90 728x90 - ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ

ລັດຖະບານນາຍົກລັດຖະມົນຕີ ຊິນໂຊ ອາເບະ ຂອງຍີ່ປຸ່ນ ຜ່ານຄວາມເຫັນພ້ອມຮ່າງກົດໝາຍເປີດຮັບແຮງງານຕ່າງປະເທດໃນທຸລະກິດທີ່ປະສົບບັນຫາຂາດເຂີນແຮງງານ. ເປັນການປ່ຽນແປງນະໂຍບາຍຂະໜາດໃຫຍ່ສຳລັບປະເທດຄືຍີ່ປຸ່ນທີ່ມັກບໍ່ຮັບຄົນຕ່າງປະເທດ.

ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ - lattana 1 - ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ

ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ - 1541141451327 960x0 - ຄະນະລັດຖະບານຍີ່ປຸ່ນຜ່ານຮ່າງ ກົດໝາຍຮັບແຮງງານຕ່າງປະເທດ

ຄາດກັນວ່າ: ລັດຖະສະພາຍີ່ປຸ່ນຈະຜ່ານຄວາມເຫັນພ້ອມຕາມແຮງກົດດັນຈາກຂະແໜງທຸລະກິດ. ຮ່າງກົດໝາຍນີ້ກຳນົດວີຊາໃໝ່ 2 ປະເພດສຳລັບແຮງງານຕ່າງປະເທດໃນທຸລະກິດທີ່ຂາດເຂີນແຮງງານ, ເຖິງວ່າບໍ່ມີການເຈາະຈົງວ່າເປັນທຸລະກິດໃດແດ່ ແຕ່ເຊື່ອວ່າມີບໍ່ຕໍ່າກວ່າສິບຢ່າງ ນັບແຕ່ກະສິກຳ, ກໍ່ສ້າງ, ໂຮງແຮມ ຈົນຮອດການແພດ. ລັດຖະບານຍີ່ປຸ່ນບໍ່ລະບຸຕົວເລກແຮງງານຕ່າງປະເທດທີ່ຈະເປີດຮັບໃໝ່, ແຕ່ສື່ຄາດໄວ້ປະມານ 500.000 ຄົນ ຈາກປັດຈຸບັນທີ່ມີຢູ່ 1,28 ລ້ານຄົນ ເຊິ່ງຄິດເປັນ 2% ຂອງແຮງງານທັງໝົດ. ແຮງງານທີ່ຈະໄດ້ວີຊາປະເພດທຳອິດຕ້ອງມີທັກສະໃນລະດັບໜຶ່ງ ແລະ ມີຄວາມສາມາດດ້ານພາສາຍີ່ປຸ່, ສາມາດອາໄສໄດ້ສູງສຸດ 5 ປີ ໂດຍຫ້າມນຳຄອບຄົວມາຢູ່ນຳ. ສ່ວນແຮງງານທີ່ຈະໄດ້ວີຊາປະເພດທີສອງຕ້ອງມີທັກສະສູງ, ສາມາດເອົາຄອບຄົວມາຢູ່ນຳ ແລະ ຈະໄດ້ສະຖານະພາບຜູ້ອາໄສໃນທີ່ສຸດ.

ນາຍົກລັດຖະມົນຕີ ອາເບະ ກ່າວວ່າ: ຮ່າງກົດໝາຍນີ້ບໍ່ແມ່ນການປະກາດນະໂຍບາຍຄົນເຂົ້າເມືອງ, ສະມາຊິກພັກເສລີປະຊາທິປະໄຕ (LDP) ຂອງທ່ານເອງຫລາຍຄົນເປັນຫ່ວງວ່າ: ແຮງງານຕ່າງປະເທດຈະນຳເອົາບັນຫາອາຊະຍາກຳ ແລະ ກະທົບຄ່າແຮງງານຂອງຊາວຍີ່ປຸ່ນ. ຂະນະທີ່ຝ່າຍຄ້ານກ່າວຫາລັດຖະບານເລັ່ງຊຸກຍູ້ຮ່າງກົດໝາຍທັງທີ່ຍັງບໍ່ມີມາດຕະການຄຸ້ມຄອງສິດທິແຮງງານຕ່າງປະເທດ. ເຖິງຢ່າງໃດກໍດີ, ທ່ານ ໂຢມິອູຣູ ໜັງສືພິມຍອດຈຳໜ່າຍສູງສຸດຂອງປະເທດສຳຫລວດພົບວ່າ: ຜູ້ຕອບ 51% ສະໜັບສະໜູນໃຫ້ແຮງງານຕ່າງປະເທດໄຮ້ທັກສະເຂົ້າປະເທດຫລາຍຂຶ້ນ.