ເບຣຊິນຈະຍ້າຍສະຖານທູດປະຈຳ ອິດສະລາແອນໄປນະຄອນເຢລູຊາເລມ

ເບຣຊິນຈະຍ້າຍສະຖານທູດປະຈຳ ອິດສະລາແອນໄປນະຄອນເຢລູຊາເລມ - advert banner 728 90 728x90 - ເບຣຊິນຈະຍ້າຍສະຖານທູດປະຈຳ ອິດສະລາແອນໄປນະຄອນເຢລູຊາເລມ

ທ່ານ ຊາອີ ໂບລໂຊນາໂຣ ວ່າທີ່ປະທານາທິບໍດີເບຣຊິນ ກ່າວໃນວັນທີ 1 ພະຈິກວ່າ: ເບຣຊິນຈະຍ້າຍສະຖານທູດປະຈຳອິດສະລາແອນ ຈາກນະຄອນຫລວງເທລອາວີຟ ໄປນະຄອນເຢລູຊາເລມ.

ເບຣຊິນຈະຍ້າຍສະຖານທູດປະຈຳ ອິດສະລາແອນໄປນະຄອນເຢລູຊາເລມ - lattana 1 - ເບຣຊິນຈະຍ້າຍສະຖານທູດປະຈຳ ອິດສະລາແອນໄປນະຄອນເຢລູຊາເລມ

ທ່ານ ໂບລໂຊນາໂຣ ກ່າວວ່າ: ເບຣຊິນມີຈຸດປະສົງຈະຍ້າຍສະຖານທູດເບຣຊິນຈາກນະຄອນຫລວງເທລອາວີຟໄປນະຄອນເຢລູຊາເລມ ຕາມທີ່ທ່ານເຄີຍປະກາດໄວ້ໃນລະຫວ່າງການຫາສຽງເລືອກຕັ້ງ. ທ່ານກ່າວອີກວ່າ: ອິດສະລາແອນເປັນປະເທດເອກະລາດ ແລະ ເບຣຊິນຈະໃຫ້ຄວາມເຄົາລົບຕາມນັ້ນ.

ທ່ານ ໂບລໂຊນາໂຣ ໃຫ້ສຳພາດກ່ອນໜ້ານີ້ຫລາຍເທື່ອວ່າ: ອິດສະລາແອນຄວນຈະມີສິດໃນການຕັດສິນໃຈວ່າ: ເມືອງຫລວງຈະເປັນບ່ອນໃດ ແບບເບຣຊິນເຄີຍປ່ຽນນະຄອນຫລວງຈາກຣິໂອເດຈາເນໂຣ ໄປເປັນບຣາຊິລີ ໃນປີ 1960.

ທັງນີ້, ອິດສະລາແອນ ລະບຸວ່າ: ເມືອງເຢລູຊາເລມທັງໝົດເປັນເມືອງຫລວງ. ຂະນະທີ່ປາແລັສຕິນເຫັນວ່າ: ບໍລິເວນດິນແດນເບື້ອງຕາເວັນອອກຂອງເມືອງເຢລູຊາເລມເປັນເມືອງຫລວງຂອງດິນແດນທີ່ຈະເປັນປະເທດປາແລັສຕິນໃນອະນາຄົດ. ຂະນະທີ່ບັນດາປະເທດມີຄວາມເຫັນວ່າ: ທັງສອງຝ່າຍຈະຕ້ອງເຈລະຈາກັນເພື່ອຕົກລົງເລື່ອງສະຖານະຂອງເມືອງເຢລູຊາເລມ.