ນັກເຕະ ສ.ເກົາຫລີ ຖືກຫ້າມຫລິ້ນໃຫ້ທີມຊາດ ຕະຫລອດຊີວິດຈາກການປອມເອກະສານ

ນັກເຕະ ສ.ເກົາຫລີ ຖືກຫ້າມຫລິ້ນໃຫ້ທີມຊາດ ຕະຫລອດຊີວິດຈາກການປອມເອກະສານ - advert banner 728 90 728x90 - ນັກເຕະ ສ.ເກົາຫລີ ຖືກຫ້າມຫລິ້ນໃຫ້ທີມຊາດ ຕະຫລອດຊີວິດຈາກການປອມເອກະສານ

ສະມາຄົມບານເຕະ ສ.ເກົາຫລີ ຫລື KFA ເປີດເຜີຍໃນວັນທີ 1 ພະຈິກວ່າ: ຈາງ ຢຸນຊູ ນັກເຕະບານ ສ.ເກົາຫລີ ຖືກລົງໂທດຫ້າມຫລິ້ນໃຫ້ທີມຊາດຕະຫລອດຊີວິດ ເນື່ອງຈາກລາວປອມແປງເອກະສານກ່ຽວກັບບັນທຶກການເຮັດວຽກເພື່ອສັງຄົມ.

ນັກເຕະ ສ.ເກົາຫລີ ຖືກຫ້າມຫລິ້ນໃຫ້ທີມຊາດ ຕະຫລອດຊີວິດຈາກການປອມເອກະສານ - lattana 1 - ນັກເຕະ ສ.ເກົາຫລີ ຖືກຫ້າມຫລິ້ນໃຫ້ທີມຊາດ ຕະຫລອດຊີວິດຈາກການປອມເອກະສານ

ຈາງ ຢຸນຊູ ຜູ້ຫລິ້ນໃນຕຳແໜ່ງກອງຫລັງໃຫ້ທີມເອັຟຊີ ໂຕກຽວ, ລາວເຄີຍຕິດທີມຊາດ 58 ຄັ້ງ ແລະ ລົງຫລິ້ນໃຫ້ທີມຊາດ ສ.ເກົາຫລີ ໃນກິລາໂອແລມປິກ 2016. ຄະນະກຳມະການຂອງ KFA ທີ່ເບິ່ງແຍງເລື່ອງວິໄນ ແລະ ການປະຕິບັດຕາມກະຕິກາໄດ້ມີມະຕິໃນວັນທີ 1 ພະຈິກວ່າ: ຈາງ ຢຸນຊູ ຈະບໍ່ໄດ້ຮັບຄັດເລືອກໃຫ້ເປັນນັກເຕະທີມຊາດອີກເປັນການຖາວອນ ແລະ ຈະຖືກປັບໄໝເປັນເງິນ 30 ລ້ານວອນ ເນື່ອງຈາກການກະທຳຂອງລາວຖືເປັນການໝິ່ນກຽດຂອງນັກເຕະທີມຊາດ. KFA ກ່າວວ່າ: ບົດລົງໂທດທີ່ຮຸນແຮງນີ້ເພື່ອເປັນການສະແດງໃຫ້ເຫັນວ່າ: ນັກເຕະບານທີ່ສ້າງບັນຫາຂັດແຍ່ງຈະບໍ່ໄດ້ຮ່ວມທີມຊາດ ແລະ ເພື່ອປ້ອງກັນບໍ່ໃຫ້ມີການກະທຳໃນລັກສະນະນີ້ອີກໃນອະນາຄົດ. ຕາມກົດໝາຍ ສ.ເກົາຫລີ ແລ້ວ ຜູ້ຊາຍທຸກຄົນທີ່ຮ່າງກາຍສົມບູນ ອາຍຸລະຫວ່າງ 18-28 ປີ ຈະຕ້ອງເຂົ້າເປັນທະຫານພັນທະເປັນເວລາ 21 ເດືອນ, ແຕ່ນັກກິລາທີ່ໄດ້ຫລຽນຄຳຈາກກິລາໂອແລມປິກ ແລະ ອາຊຽນເກມ ຈະໄດ້ຮັບການຍົກເວັ້ນ, ແຕ່ບຸກຄົນເຫລົ່ານີ້ຈະຕ້ອງເຂົ້າຮັບການຝຶກທະຫານພື້ນຖານ 60 ວັນ ແລະ ເຮັດວຽກເພື່ອຊຸມຊົນໃນສ່ວນທີ່ກ່ຽວກັບກິລາເປັນເວລາ 544 ຊົ່ວໂມງ. ຈາງ ຢຸນຊູ ໄດ້ຮັບການຍົກເວັ້ນເນື່ອງຈາກລາວເປັນສະມາຊິກໃນທີມຊາດ ສ.ເກົາຫລີ ທີ່ໄດ້ຫລຽນຄຳໃນການແຂ່ງຂັນເອຊຽນເກມ ໃນປີ 2014 ແລະ ຍື່ນເອກະສານວ່າລາວເຮັດວຽກເພື່ອຊຸມຊົນເກືອບ 200 ຊົ່ວໂມງໃນເດືອນທັນວາປີຜ່ານມາ, ແຕ່ຕໍ່ມາມີການກວດພົບວ່າ: ຈາງ ຢຸນຊູ ປອມແປງເອກະສານ.