ຮອງລັດຖະມົນຕີກະຊວງກະສິກຳ​ລົງຊຸກຍູ້ການຜະລິດລະດູແລ້ງຢູ່ແຂວງເຊກອງ

ຮອງລັດຖະມົນຕີກະຊວງກະສິກຳ​ລົງຊຸກຍູ້ການຜະລິດລະດູແລ້ງຢູ່ແຂວງເຊກອງ - advert banner 728 90 728x90 - ຮອງລັດຖະມົນຕີກະຊວງກະສິກຳ​ລົງຊຸກຍູ້ການຜະລິດລະດູແລ້ງຢູ່ແຂວງເຊກອງ

ໃນວັນທີ 31 ຕຸລານີ້, ທ່ານ ຄໍາໂບນັດ ໄຊຍະນົງ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ລົງຕິດຕາມຊຸກຍູ້ການຜະລິດລະດູແລ້ງຂອງ​ຊາວ​ກະສິກອນ​ແຂວງເຊກອງ ​ໂດຍ​ສະ​ເພາະ​ຂະບວນການອະນາໄມລ່ວງຄອງ    ເໝືອງ ແລະ ລະບົບຫົວງານຊົນລະປະທານເຊນໍ້ານ້ອຍ ເມືອງລະມາມ ແຂວງດັ່ງກ່າວ ​ເນື່ອງ​ໃນ​ໂອກາດ​ວັນ​ຊົນລະປະທານ​ແຫ່ງ​ຊາດ ທີ 3 ພະຈິກ ​ໃຫ້​ມີ​ບັນຍາກາດ​ຟົດຟື້ນ.

ຮອງລັດຖະມົນຕີກະຊວງກະສິກຳ​ລົງຊຸກຍູ້ການຜະລິດລະດູແລ້ງຢູ່ແຂວງເຊກອງ - lattana 1 - ຮອງລັດຖະມົນຕີກະຊວງກະສິກຳ​ລົງຊຸກຍູ້ການຜະລິດລະດູແລ້ງຢູ່ແຂວງເຊກອງ

ໃນໂອກາດນີ້ ທ່ານຮອງລັດຖະມົນຕີ ​ໄດ້​ລົງຊຸກຍູ້ການຜະລິດລະດູແລ້ງຂອງປະຊາຊົນບ້ານດັ່ງກ່າວ ​ແລະ ​ໃຫ້​ທິກ​ແນະນຳການກະກຽມຄວາມພ້ອມໃນການຜະລິດສະບຽງອາຫານ ເພື່ອຟື້ນຟູຊີວິດການເປັນຢູ່ຂອງປະຊາຊົນພາຍຫລັງ​ປະສົບ​ໄພ​ນ້ຳຖ້ວມ​ໃນ​ລະດູຝົນ​ຜ່ານ​ມາ​ໃຫ້​ຄືນ​ສູ່​ສະພາບ​ປົກກະຕິ​ໂດຍ​ໄວ ເຊິ່ງຂະບວນການອະນາໄມຄອງເໝືອງຊົນລະປະທານກໍ​ແມ່ນ​ເງື່ອນ​ໄຂ​ຕົ້ນຕໍໜຶ່ງ ​ເພື່ອ​ຊ່ວຍ​ການ​ຜະລິດ​ໄດ້​ຮັບ​ຜົນ ​ແລະ ຄອງຊົນລະປະທານເຊນໍ້ານ້ອຍ ​ເຊິ່ງ​ເປັນ​ຄອງ​ເໝືອງ​ສຳຄັນ ​ເພື່ອ​ກະຈາຍນໍ້າໃຫ້ແກ່ການຜະລິດກະສິກຳຂອງສາມບ້ານ​ເຊ​ນ້ຳນ້ອຍ, ບ້ານ​ດ່ານ ​ແລະ ບ້ານ​ດອນ​ຈັນ ​ໃນເນື້ອທີ່ 700 ກວ່າເຮັກຕາ ແລະ ຂະບວນການອະນາ​ໄມໄດ້ຖາງຫຍ້າອອກຈາກແຄມຄອງເໝືອງ, ຊວ້ານດິນ ແລະ ຂີ້ເຫຍື້ອອອກຈາກຄອງຊົນລະປະທານ ແລະ ສ້ອມແປງຄອງເໝືອງບ່ອນທີ່ເປ່ເພ, ຄາດວ່າ​ຈະໃຫ້ສໍາເລັດໃນຕົ້ນເດືອນພະຈິກນີ້ ເພື່ອຮັບປະກັນໃຫ້ການລະບາຍນໍ້າແກ່ການຜະລິດລະດູແລ້ງໃນປີນີ້ໃຫ້ມີປະສິດທິຜົນສູງ.