ຫົວພັນ-ແທັງຮວາ ເພີ່ມທະວີຮ່ວມມືຮັກສາຄວາມສະຫງົບຕາມຊາຍແດນ

ຫົວພັນ-ແທັງຮວາ ເພີ່ມທະວີຮ່ວມມືຮັກສາຄວາມສະຫງົບຕາມຊາຍແດນ - advert banner 728 90 728x90 - ຫົວພັນ-ແທັງຮວາ ເພີ່ມທະວີຮ່ວມມືຮັກສາຄວາມສະຫງົບຕາມຊາຍແດນ

ເມື່ອບໍ່ດົນມານີ້, ທີ່ແຂວງແທັງຮວາ ສສ ຫວຽດນາມ, ທ່ານພັນເອກ ​ແອນ ອຸ່ນ​ອາ​ນົງນຸດ ຫົວໜ້າ​ກອງ​ບັນຊາ​ການ ປກສ ​ແຂວງ​ຫົວພັນ ສປປ ລາວ ໄດ້ພົບປະກັບທ່ານພົນຈັດຕະວາ ຫງວຽນ ຫາຍ ​ຈຸ​ງ ຫົວໜ້າ​ກອງ​ບັນຊາ​ການ​ຕຳຫລວດ​ແຂວງ​ແທັງ​ຮວາ ເພື່ອປຶກສາຫາລືເພີ່ມທະວີການຮ່ວມມືຮັກສາຄວາມສະຫງົບຕາມຊາຍແດນຂອງສອງຝ່າຍ, ພາຍຫລັງເຫັນວ່າຍັງມີສະພາບຫຍໍ້ທໍ້ຈໍານວນໜຶ່ງເກີດຂຶ້ນຕາມເຂດ​ຊາຍ​ແດນ​ສົ່ງ​ຜົນ​ກະທົບຕໍ່​ຄວາມ​ສະຫງົບ ​ແລະ ຄວາມ​​ເປັນ​ລະບຽບ​ຮຽບຮ້ອຍ ​ເປັນຕົ້ນ: ​ບັນຫາ​ຢາ​ເສບ​ຕິດ, ການ​ລັກລອບ​ຕັ້ງພູມລຳ​ເນົາ, ການ​ເຂົ້າ-ອອກ​ເມືອງ​ຜິດ​ລະບຽບ​ກົດໝາຍ, ບັນຫາ​ສາສະໜາ ​ແລະ ອື່ນໆ, ເນື່ອງຈາກມີ​ປະຊາຊົນ​ຈາກ​ທ້ອງ​ຖິ່ນ​ອື່ນໄດ້ມາ​ອາ​ໄສ​ຢູ່​ລຽບ​ຕາມ​ຊາຍ​ແດນຂອງສອງຝ່າຍນັບມື້ເພີ່ມຂຶ້ນ ແລະ ເຮັດໃຫ້ມີບັນຫາ​ອາ​ຊະ​ຍາ​ກຳຕ່າງໆຕາມມາເປັນຈໍານວນຫລາຍຄືຜ່ານມາມີຄະດີຢາເສບຕິດເກີດຂຶ້ນຫລາຍກວ່າ 120 ​ກໍລະນີ ແລະ ກັກ​ຕົວ​ຜູ້​ກະທໍາຜິດໄດ້ 140 ກວ່າຄົນ, ພ້ອມທັງຢຶດຂອງ​ກາງ​ຢາ​ເສບ​ຕິດ​ປະ​ເພດ​ເຮ​ໂຣອິນ 58 ​ແທ່ງ, ຢາ​ບ້າ 2 ແສນກວ່າ​ເມັດ, ຢາ​ໄອສ໌ 40 ຫໍ່, ຝິ່ນ 36 ກວ່າກິ​ໂລ, ອາວຸດປືນ 6 ກະບອກ, ລົດຈັກ 12 ຄັນ ແລະ ວັດຖຸອື່ນໆຈໍານວນໜຶ່ງ.

ຫົວພັນ-ແທັງຮວາ ເພີ່ມທະວີຮ່ວມມືຮັກສາຄວາມສະຫງົບຕາມຊາຍແດນ - lattana 1 - ຫົວພັນ-ແທັງຮວາ ເພີ່ມທະວີຮ່ວມມືຮັກສາຄວາມສະຫງົບຕາມຊາຍແດນ

ໃນໂອກາດນີ້, ສອງຝ່າຍໄດ້ຕົກລົງເປັນເອກກະພາບເພີ່ມທະວີໃນວຽກງານຮັກສາຄວາມສະຫງົບໃຫ້ແໜ້ນແຟ້ນກວ່າເກົ່າ, ​ເພື່ອ​ເຮັດໃຫ້ຊາຍແດນສອງປະເທດເວົ້າລວມ, ເວົ້າສະເພາະແຂວງຫົວພັນ ແລະ ແທັງຮວາ ມີ​ຄວາມ​ເປັນ​ລະບຽບ​ຮຽບຮ້ອຍ, ​ປອດ​ໄພ ແລະ ເປັນຊາຍແດນແຫ່ງມິດຕະພາບຕະຫລອດໄປ.