ກະຊວງຖະແຫຼງຂ່າວ ຫວນຄືນມູນເຊື້ອວັນສ້າງຕັ້ງເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ຄົບຮອບ 50 ປີ

ກະຊວງຖະແຫຼງຂ່າວ ຫວນຄືນມູນເຊື້ອວັນສ້າງຕັ້ງເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ຄົບຮອບ 50 ປີ - advert banner 728 90 728x90 - ກະຊວງຖະແຫຼງຂ່າວ ຫວນຄືນມູນເຊື້ອວັນສ້າງຕັ້ງເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ຄົບຮອບ 50 ປີ

ໃນວັນທີ 1 ພະຈິກນີ້, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດພິທີປາຖະກະຖາ, ຫວນຄືນເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ ຂຶ້ນຢູ່ນະຄອນຫລວງວຽງຈັນ, ໂດຍ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫຼ່ງຂ່າວ, ວັດທະນະທຳ ແລະທ່ອງທ່ຽວ ໄດ້ຍົກໃຫ້ເຫັນ ຄວາມໝາຍຄວາມສຳຄັນ ຂອງການສ້າງຕັ້ງ ເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ເຊິ່ງເມືອງວຽງໄຊ ເປັນຖານທີ່ໝັ້ນທີ່ແຂງແກ່ນ, ເປັນສູນກາງແຫ່ງການຊີ້ນຳ-ນຳພາຮອບດ້ານ ຂອງພັກໃນພາລະກິດປົດປ່ອຍ ປະເທດຊາດຢ່າງມີໄຊ, ເປັນບ່ອນກຳເນີດ ອົງການແນວລາວສ້າງຊາດ, ເປັນໃຈກາງແຫ່ງການເຕົ້າໂຮມ ຄວາມສາມັກຄີທົ່ວປວງຊົນທັງຊາດ. ທັງເປັນບ່ອນກໍ່ສ້າງ  ແລະ ຂະຫຍາຍກໍາລັງປະກອບອາວຸດ, ກໍ່ສ້າງ ແລະ ປົກປັກຮັກສາຖານທີ່ໝັ້ນການປະຕິວັດ, ກໍາລັງປະກອບອາວຸດໄດ້ເຕີບໃຫຍ່ຂະຫຍາຍຕົວຢ່າງແຂງແຮງ, ກາຍເປັນກຳລັງຫລັກແຫລ່ງໃນກອງທັບ ປະຊາຊົນປົດປ່ອຍຊາດ, ກຳລັງປະກອບອາວຸດ ປະຕິວັດການຂະຫຍາຍຕົວ ແລະເຕີບໃຫຍ່ເຂັ້ມແຂງທັງດ້ານປະລິມານ ແລະ ຄຸນນະພາບ, ຍິ່ງຕີຍິ່ງໄດ້ຊະນະ, ຍິ່ງຕີຍິ່ງມີຄວາມເຂັ້ມແຂງ ແລະ ມີບົດຮຽນໃນການສູ້ຮົບ, ມີຄວາມເດັດດ່ຽວໜຽວແໜ້ນ ແລະ ພິລະອາດຫານ. ພ້ອມນັ້ນເມືອງວຽງໄຊ ແມ່ນບ່ອນກຳເນີດ ຂອງສາທາລະນະລັດ ປະຊາທິປະໄຕ ປະຊາຊົນລາວ ເຊິ່ງການສ້າງເຂດປົດປ່ອຍ ເປັນລັດໜຶ່ງທີ່ມີຄວາມໝາຍຍຸດທະສາດທີ່ສຳຄັນ, ໃນສະເພາະໜ້າກໍເພື່ອເຮັດໃຫ້ແນວຫຼັງຂອງພວກເຮົາແໜ້ນແກ່ນ ເພື່ອເປັນບ່ອນອີງໃຫ້ແກ່ການດຳເນີນສົງຄາມ ຂອງປະຊາຊົນ, ເພີ່ມທະວີສະມັດຕະພາບ ແຫ່ງການສູ້ຮົບໃຫ້ກຳລັງປະກອບອາວຸດຂອງພວກເຮົາ ຕ້ອງໄດ້ຊຸກຍູ້ວຽກງານກໍ່ສ້າງ ເຂດປົດປ່ອຍໃນທຸກດ້ານເຊັ່ນ: ດ້ານການເມືອງ, ການທະຫານ, ເສດຖະກິດ, ວັດທະນະທຳ-ສັງຄົມ ເພື່ອເຮັດໃຫ້ເຂດປົດປ່ອຍ ເປັນຖານທີ່ໝັ້ນອັນແໜ້ນແກ່ນ ຂອງການປະຕິວັດ ເປັນບ່ອນອີງອັນແທ້ຈິງຂອງການຕໍ່ສູ້ຍາວນານ.

ກະຊວງຖະແຫຼງຂ່າວ ຫວນຄືນມູນເຊື້ອວັນສ້າງຕັ້ງເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ຄົບຮອບ 50 ປີ - lattana 1 - ກະຊວງຖະແຫຼງຂ່າວ ຫວນຄືນມູນເຊື້ອວັນສ້າງຕັ້ງເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ຄົບຮອບ 50 ປີ

ໃນເດືອນ ເມສາ 1948 ສູນກາງພັກກອມມູນິດອິນດູຈີນ ຕົກລົງສ້າງກອງຕະລຸມບອນລາວເໜືອ ໂດຍແມ່ນປະທານໄກສອນ ພົມວິຫານ ເປັນຜູ້ບັນຊາ ກອງຕະລຸມບອນນີ້ ມີໜ້າທີ່ກໍ່ສ້າງຮາກຖານ, ຈັດຕັ້ງປະກອບອາວຸດ, ກໍ່ສ້າງຖານທີ່ໝັ້ນຢູ່ເຂດຕາເວັນອອກສ່ຽງເໜືອ. ຢູ່ຖານທີ່ໝັ້ນບ້ານລາວຮຸ່ງ, ເມືອງຊຽງຄໍ້ ແຂວງຫົວພັນ ບ່ອນກອງລາດຊະວົງເຄື່ອນໄຫວ ໂດຍແມ່ນປະທານ ໄກສອນ ພົມວິຫານ ເປັນຜູ້ບັນຊາການນັ້ນ ໄດ້ປະກາດສ້າງຕັ້ງກອງທັບລາວ ອິດສະຫຼະຂຶ້ນຢ່າງເປັນທາງການ ໃນວັນທີ 20 ມັງກອນ 1949 ກຳລັງປະກອບອາວຸດປະຕິວັດໄດ້ຮັບການກໍ່ສ້າງ ຂະຫຍາຍຕົວຢ່າງແຂງແຮງ ຍິ່ງຕີຍິ່ງໄດ້ຮັບໄຊຊະນະອັນໃຫຍ່ຫຼວງ ຢູ່ໃນສະໜາມຮົບຕ່າງໆ.