ສະ​ຖາ​ບັນ​ຂົງຈື​ໃນ​ພາກ​ພື້ນ​ອາຊີ ຖອດ​ຖອນ​ບົດຮຽນ​ຮ່ວມ​ກັນ

ສະ​ຖາ​ບັນ​ຂົງຈື​ໃນ​ພາກ​ພື້ນ​ອາຊີ ຖອດ​ຖອນ​ບົດຮຽນ​ຮ່ວມ​ກັນ - advert banner 728 90 728x90 - ສະ​ຖາ​ບັນ​ຂົງຈື​ໃນ​ພາກ​ພື້ນ​ອາຊີ ຖອດ​ຖອນ​ບົດຮຽນ​ຮ່ວມ​ກັນ

​    ໃນວັນ​ທີ 1 ພະຈິກນີ້, ສະ​ຖາ​ບັນ​ຂົງຈືສໍານັກງານ​ໃຫຍ່​ປະ​ຈໍາ​ປັກ​ກິ່ງ ​ຮ່ວມ​ກັບ ມະຫາ​ວິທະຍາ​ໄລ​ແຫ່ງ​ຊາດ ໄດ້ຈັດກອງ​ປະຊຸມ​ສະຖາ​ບັນ​ຂົງຈື​ໃນ​ເຂດພາກພື້ນ​ອາຊີ​ອາຄະ​​ເນ ​ ຊຶ່ງເປັນຄັ້ງທໍາອິດໃນ​ລາວ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ຮອງ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ, ມີທ່ານ ​ເອກ​ອັກຄະ​ລັດຖະທູດ​ຈີນ ປະ​ຈໍາລາວ, ພ້ອມດ້ວຍຜູ້​ອໍານວຍ​ການ​ສະ​ຖາບັນຂົງຈືຈາກ 33 ​ແຫ່ງ ​ແລະ ຫ້ອງ​ຮຽນ​ພາສາ​ຈີນຈາກ 10 ປະ​ເທດ​ໃນ​ຂົງ​ເຂດ​ພາກ​ພື້ນ​ອາຊີ​ອາ​ຄະ​ເນ​ເຂົ້າ​ຮ່ວມ, ​ເພື່ອ​ແລ​ກປ່ຽນ ​ແລະ ຖອດ​ຖອນ​ບົດຮຽນ​ເຊິ່ງກັນ ​ແລະ ກັນຂອງສະຖາ​ບັນ​ຂົງຈື ​ແລະ ຫ້ອງ​ຮຽນ​ຂົງຈື ໃນ​ຂົງ​ເຂດ​ດັ່ງກ່າວ ໂດຍ​ສະ​ເພາະ​ແມ່ນ​ແຜນ​ພັດທະນາ​ສະ​ຖາ​ບັນຂົງຈື ​​ເປັນ​ໄປ​ໄດ້​ຢ່າງ​ຖືກຕ້ອງ ​ແລະ ​ແທດ​ເໝາະ​ກັບ​ສະ​ຖາ​ບັນ​ຂອງ​ຕົນ​.

ສະ​ຖາ​ບັນ​ຂົງຈື​ໃນ​ພາກ​ພື້ນ​ອາຊີ ຖອດ​ຖອນ​ບົດຮຽນ​ຮ່ວມ​ກັນ - lattana 1 - ສະ​ຖາ​ບັນ​ຂົງຈື​ໃນ​ພາກ​ພື້ນ​ອາຊີ ຖອດ​ຖອນ​ບົດຮຽນ​ຮ່ວມ​ກັນ

​    ໃນໂອກາດ​ດັ່ງກ່າວ, ທ່ານ ກອງ​ສີ ​ແສງ​ມະນີ ຮອງ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ ໄດ້ມີຄໍາເຫັນວ່າ: ​ກອງ​ປະຊຸມ​ໃນ​ຄັ້ງນີ້, ​ມີ​ຄວາມ​ໝາຍ​ຄວາມ​ສໍາຄັນ​ຫຼາຍ ​ໂດຍ​ສະ​ເພາະ​ແມ່ນ​ການ​ຮ່ວມມື​ເຊິ່ງກັນ ​ແລະ ກັນ ​ເປັນ​ຕົ້ນ​ແມ່ນຂົງ​ເຂ​ດການ​ສຶກສາ​ພາສາ, ວັດທະນະ​ທໍາ​ຂອງ​ຈີນ ​ແລະ ຂອງ​ປະ​ເທດ​ຕົນ​ເອງ, ພ້ອມ​ນັ້ນ, ຍັງ​ເປັນ​ການ​ສ້າງ​ໂອກາດ​ໄດ້​ແລກປ່ຽນ​ປະສົບ​ການ​ນໍາ​ກັນ​ວ່າດ້ວຍ​ການ​ພັດທະນາ​ຂອງ​ສະ​ຖາ​ບັນ​ຂົງຈື​ໃນ​ຂົງ​ເຂດ​ພາກ​ພື້ນ​ອາຊີ​ອາຄະ​ເນ​ໃນ​ອະນາຄົ​ດ. ການ​ສ້າງ​ຕັ້ງ​ສະ​ຖາ​ບັນ​ຂົງຈື ​ຫຼາຍ​ຂຶ້ນ, ​ມີ​ມາດຕະຖານ ​ແລະ ປະ​ສິດ​ທິພາ​ຍສູງ​ຂຶ້ນ ​ແຕ່​ກໍພົບ​ກັບ​ອຸປະສັກ ​ແລະ ສິ່ງ​ທ້າ​ທາຍ​​ເຊັ່ນ​ດຽວ​ກັນ ​ແລະ ຫວັງ​ວ່າ​ບັນດາ​ຫົວໜ້າ​ສະ​ຖາ​ບັນ ຈະ​ຖື​ເອົາ​ກອງ​ປະຊຸມ​ຄັ້ງ​ນີ້ ​ເປັນ​ເວທີ​ອັນ​ໜຶ່ງ​ທີ່​ສໍາຄັນ​ໃນ​ການ​ປຶກສາ​ຫາລື ​ແລກປ່ຽນ​ບົດຮຽນ​ໃນ​ການ​ບໍລິຫານ​ຄຸ້ມ​ຄອງ​ສະ​ຖາ​ບັນ​ຂົງຈື ບໍ່​ວ່າ​ຈະ​ເປັນ​ການວາງ​ແຜນ, ການຈັດ​ຕັ້ງ​ປະຕິບັດ ​ແລະ ການ​ບໍລິຫານ​ອື່ນໆ​ພາຍ​ໃຕ້​ກອບ​ນະ​ໂຍບາຍ ​ແລະ ລະບຽບຂອງ​ສະ​ຖາ​ບັນ​ຂົງຈື​ໃຫຍ່​ຂອງ ສປ ຈີນ ທີ່​ວາງ​ອອກ, ເພື່ອ​ຄວາມ​ກ້າວໜ້າ​ໄປ​ພ້ອມໆ​ກັນ.

​    ໃນກອງປະຊຸມ​ຍັງ​ມີ​ການ​ເຊັນ​ສັນຍາ​ສັນຍາ​ວ່າ​ດ້ວຍ​ການ​ມອບ​ທຶນ​ຊ່ວຍ​ເຫຼືອ​ໃຫ້​ແກ່​ນັກ​ສຶກສາ​ສະ​ຖາບັນຂົງຈື ທີ່​ມະຫາວິທະຍາ​ໄລ​ແຫ່ງ​ຊາດ ​ລະຫວ່າງ​ທ່ານ ນາງ ຍອນ​ວິ​ໄລ ​ໄຊ​ຍະ​ເລີດ ຜູ້​ອໍາ​ນວຍການ​ສະ​ຖາ​ບັນ​ຂົງຈື ​ແລະ ທ່ານ ນາງ ​ເຕິ​ງຢູ ຜູ້​ອໍານວຍ​ການ ທະ​ນາຄາ​ນ ລາວ​ຈີນອີກດ້ວຍ. ​​