ລາວມີຜູ້ເສຍຊີວິດປີໜຶ່ງຫລາຍກວ່າ 100 ຄົນ ຍ້ອນອຸປະຕິເຫດແຮງງານ ແລະ ພະຍາດອາຊີບ

ລາວມີຜູ້ເສຍຊີວິດປີໜຶ່ງຫລາຍກວ່າ 100 ຄົນ ຍ້ອນອຸປະຕິເຫດແຮງງານ ແລະ ພະຍາດອາຊີບ - advert banner 728 90 728x90 - ລາວມີຜູ້ເສຍຊີວິດປີໜຶ່ງຫລາຍກວ່າ 100 ຄົນ ຍ້ອນອຸປະຕິເຫດແຮງງານ ແລະ ພະຍາດອາຊີບ

ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ເປີດເຜີຍໃນກອງປະຊຸມໂຄງການຄວາມປອດໄພ ແລະ ສຸຂະພາບແຮງງານ ທີ່ໄດ້ຈັດຂຶ້ນໃນວັນທີ 30 ຕຸລາຜ່ານມານີ້ ຢູ່ນະຄອນຫລວງວຽງຈັນວ່າ: ວຽກງານຄວາມປອດໄພ ແລະ ສຸຂະພາບແຮງງານແມ່ນກິດຈະກຳຮ່ວມລະຫວ່າງຜູ້ໃຊ້ແຮງງານ ແລະ ຜູ້ອອກແຮງງານໃນການຮັບປະກັນດ້ານຄວາມປອດໄພ ແລະ ສຸຂະພາບແຮງງານໃນສະຖານທີ່ເຮັດວຽກ. ການມີຄວາມປອດໄພ ແລະ ສຸຂະພາບທີ່ດີຂອງຜູ້ອອກແຮງງານແມ່ນຄວາມຈຳເປັນທີ່ລັດຖະບານ ແລະ ຜູ້ໃຊ້ແຮງງານ ຫລື ຜູ້ລົງທຶນຕ້ອງໄດ້ຄຳນຶງເຖິງ ແລະ ເອົາໃຈໃສ່ ເຊິ່ງຜ່ານມານີ້ ຢູ່ລາວເຮົາປີໜຶ່ງຈະມີຜູ້ເສຍຊີວິດຍ້ອນອຸປະຕິເຫດແຮງງານ ແລະ ພະຍາດອາຊີບຫລາຍກວ່າ 100 ຄົນ. ພ້ອມນີ້ ອົງການແຮງງານສາກົນ ກໍໄດ້ຄາດຄະເນວ່າ: ປັດຈຸບັນ ຢູ່ທົ່ວໂລກສະເລ່ຍແລ້ວໃນແຕ່ລະມື້ໄດ້ມີຜູ້ເສຍຊີວິດຍ້ອນອຸປະຕິເຫດແຮງງານ ແລະ ພະຍາດອາຊີບປະມານ 5.000 ຄົນ ເຊິ່ງໝາຍຄວາມວ່າມີຜູ້ເສຍຊີວິດປະມານ 2-2,3 ລ້ານຄົນໃນແຕ່ລະປີທີ່ເກີດຈາກການເຮັດວຽກ, ໃນນັ້ນ ເສຍຊີວິດຍ້ອນພະຍາດອາຊີບກໍມີສູງເຖິງ 1,7-2 ລ້ານຄົນໃນແຕ່ລະປີ. ດັ່ງນັ້ນ ການຮ່ວມມືກັນກັບອົງການແຮງງານສາກົນ ກ່ຽວກັບໂຄງການຄວາມປອດໄພ ແລະ ສຸຂະພາບແຮງງານໃນຕ່ອງໂສ້ການຜະລິດຢູ່ ສປປ ລາວ ພາຍໃຕ້ໂຄງການກອງທຶນສະໜັບສະໜູນບໍ່ໃຫ້ເກີດອຸປະຕິເຫດແຮງງານ ແລະ ພະຍາດອາຊີບ ຫລື ໂຄງການກອງທຶນວິເຊີນເຊໂລຟັ້ນ ເຊິ່ງເປັນໂຄງການທຳອິດຕໍ່ກັບວຽກງານຄວາມປອດໄພ ແລະ ສຸຂະພາບແຮງງານຂອງ ສປປ ລາວ ມັນມີຄວາມຈຳເປັນຍິ່ງ ເຊິ່ງໄດ້ຮັບການສະໜັບສະໜູນ ແລະ ມີຜູ້ໃຫ້ທຶນຫລາຍພາກສ່ວນຈາກພາກລັດ ແລະ ເອກະຊົນ; ໂຄງການກອງທຶນດັ່ງກ່າວປັດຈຸບັນນີ້ປະກອບມີ 7 ປະເທດເຊັ່ນ: ມຽນມາ, ມາດາກາດສະກ້າ, ເອທິໂອເປຍ, ສປປ ລາວ, ຕູນີເຊຍ, ໂຄລົມເບຍ ແລະ ແມັກຊິກ. ໃນແຖບອາຊີແມ່ນ ສປປ ລາວ ເປັນປະເທດທີສອງຖັດຈາກປະເທດມຽນມາ ທີ່ໄດ້ຮັບທຶນສະໜັບສະໜູນຈາກກອງທຶນດັ່ງກ່າວ.

ລາວມີຜູ້ເສຍຊີວິດປີໜຶ່ງຫລາຍກວ່າ 100 ຄົນ ຍ້ອນອຸປະຕິເຫດແຮງງານ ແລະ ພະຍາດອາຊີບ - lattana 1 - ລາວມີຜູ້ເສຍຊີວິດປີໜຶ່ງຫລາຍກວ່າ 100 ຄົນ ຍ້ອນອຸປະຕິເຫດແຮງງານ ແລະ ພະຍາດອາຊີບ