ເຜີຍແຜ່, ເຊືອມຊຶມວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ

ເຜີຍແຜ່, ເຊືອມຊຶມວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ - advert banner 728 90 728x90 - ເຜີຍແຜ່, ເຊືອມຊຶມວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ

ກະຊວງກະສິກຳ ແລະ ປ່າໄມ້, ໄດ້ຈັດປາຖະກະຖາ, ເຜີຍແຜ່, ເຊືອມຊຶມ ວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ຂຶ້ນໃນວັນທີ 1 ພະຈິກນີ້, ທີ່ນະຄອນຫລວງວຽງຈັນ.

ເຜີຍແຜ່, ເຊືອມຊຶມວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ - lattana 1 - ເຜີຍແຜ່, ເຊືອມຊຶມວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ

ໃນໂອກາດນີ້, ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ໄດ້ກ່າວວ່າ: ຄວາມທຸກຍາກ ແລະ ໄພອຶດຫິວ ໄດ້ຄຸກຄາມຊີວິດ ແລະ ສະຫວັດດີພາບຂອງມວນມະນຸດມາແຕ່ດົນນານ ເຖິງຈະຢູ່ໃນຍຸກຮຸ່ງເຮືອງຄວາມສີວິໄລ ກໍຍັງມີຄົນທີ່ທຸກຍາກລໍາບາກປາກົດໃຫ້ເຫັນຢູ່, ດັ່ງນັ້ນ, ກ່ອນຊຸມປີ 1960 ຄວາມທຸກຍາກ ໄດ້ຖືວ່າເປັນເລື່ອງທຳມະດາ ຂອງສັງຄົມມະນຸດ, ໃນເວລານັ້ນບໍ່ມີລັດຖະບານປະເທດໃດແກ້ໄຂບັນຫາດັ່ງກ່າວ, ເຊິ່ງໃນເມື່ອກ່ອນຖືວ່າ ຄວາມທຸກຍາກແມ່ນເກີດມີມາພ້ອມມະນຸດປະຊາຊົນເຂົ້າໃຈວ່າ: ຄວາມທຸກເປັນເວນກຳມາແຕ່ຊາດປາງກ່ອນ ທີ່ເທວະດາຟ້າແຖນ ໄດ້ກຳນົດເປັນໂຊກຊະຕາ, ບໍ່ແມ່ນເລື່ອງທີ່ຈະຕ້ອງຕໍ່ສູ້ແກ້ໄຂ ຕໍ່ມາໄດ້ມີຂະບວນມະຫາຊົນຜູ້ກ້າວໜ້າ ລຸກຂຶ້ນຕໍ່ສູ້ ແລະ ເລັ່ງທວງໃຫ້ບັນດາປະເທດຕ່າງໆ ກໍຄື ອົງການລະຫວ່າງປະເທດ ມີມາດຕາການແກ້ໄຂຄວາມທຸກຍາກ ປັບປຸງສະຫວັດດີພາບຂອງຄົນໃຫ້ດີຂຶ້ນ ເຊິ່ງໃນກອງປະຊຸມສະມັດຊາໃຫຍ່ ສະຫະປະຊາຊາດ ຄັ້ງທີ 93 ໄດ້ຕົກລົງຮັບຮອງເອົາວັນທີ 17 ຕຸລາຂອງທຸກປີ ເປັນວັນສາກົນ ເພື່ອລຶບລ້າງຄວາມທຸກຍາກ.

ສໍາລັບ ສປປ ລາວ ໃນຖານະເປັນລັດສະມາຊິກ ຂອງອົງການສະຫະປະຊາຊາດ ໄດ້ຖືເອົາການແກ້ໄຂຄວາມທຸກຍາກ ເປັນບຸລິມະສິດອັນດັບຕົ້ນ ເວລາໃດກໍຍຶດໝັ້ນອຸດົມການ ໃນການນຳເອົາຄວາມສົມ ບູນພູນສຸກ ມາໃຫ້ປະຊາຊົນບັນດາເຜົ່າ ໄດ້ສະແດງອອກເຖິງຄວາມມຸ່ງໝັ້ນ ໃນການຕໍ່ສູ້ລຶບລ້າງຄວາມ ທຸກຍາກຕະຫລອດມາ ກໍຄືເປົ້າໝາຍການພັດທະນາແບບຍືນຍົງ ນຳພາປະເທດຊາດ ອອກຈາກສະຖານະພາບ ປະເທດດ້ອຍພັດທະນາ ໃນປີ 2020 ຫັນເປັນອຸດສາຫະກຳ ແລະ ທັນສະໄໝ, ສ້າງປະຖົມປັດໄຈພື້ນຖານກ້າວຂຶ້ນສັງຄົມນິຍົມຕາມທິດ ປະຊາຊົນຮັ່ງມີຜາສຸກ, ປະເທດມັ່ງຄັ່ງເຂັ້ມແຂງ, ສັງຄົມສາມັກຄີປອງດອງ ມີປະຊາທິປະໄຕ, ຍຸຕິທຳ ແລະ ສີວິໄລ.

ນອກຈາກນີ້, ຍັງໄດ້ຮັບຟັງການເຜີຍແຜ່ ດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ພັດທະນາ ເຊິ່ງດຳລັດສະບັບນີ້, ແມ່ນກຳນົດມາດຕະຖານພົ້ນທຸກ ແລະ ມາດຕະຖານພັດທະນາ ເພື່ອເປັນພື້ນຖານ ໃຫ້້ແກ່ການກຳນົດເປົ້າໝາຍແກ້ໄຂຄວາມທຸກຍາກ ໂດຍເລີ່ມຈາກການສ້າງຄອບຄົວໃຫ້ພົ້ນທຸກ, ສ້າງຄອບຄົວພັດທະນາ, ບ້ານພັດທະນາ, ບ້ານໃຫຍ່ເປັນຕົວເມືອງໃນຊົນນະບົດ, ເມືອງເຂັ້ມແຂງຮອບດ້ານ, ມາດຕະຖານພົ້ນທຸກ ແລະ ມາດຕະຖານພັດທະນາ, ຄວາມໝາຍພັດທະນາ, ຄວາມໝາຍພົ້ນທຸກ ແລະ ອື່ນໆ.