ວິຈິດສິນຜູ້ດີເດັ່ນ

ວິຈິດສິນຜູ້ດີເດັ່ນ - advert banner 728 90 728x90 - ວິຈິດສິນຜູ້ດີເດັ່ນ

 ໂດຍ: ຊາຍພະເນຈອນ. 

ວິຈິດສິນຜູ້ດີເດັ່ນ - lattana 1 - ວິຈິດສິນຜູ້ດີເດັ່ນ

ອາຊີບແຕ້ມຮູບຫຼື ວິຈິດ ສິນແມ່ນອີກອາຊີບໜຶ່ງທີ່ມີ ຄວາມສໍາຄັນຄືກັບອາຊີບ ອື່ນໆ, ເປັນສິລະປະໃນການວາດ ພາບ ຫຼືແຕ້ມອັນໄດ້ສ້າງຄວາມ ປະທັບໃຈໃຫ້ແກ່ສັງຄົມຢ່າງ ກວ້າງຂວາງ, ເຊິ່ງຫຼາຍປີຜ່ານມາ ຢູ່ປະເທດເຮົາກໍໄດ້ມີນັກ ສຶກສາຫຼາຍຮຸ່ນຄົນໄດ້ໄປສຶກ ສາຮໍ່າຮຽນວິຊາແຕ້ມຮູບຈາກ ສສ.ຫວຽດນາມ ແລະ ສປ.ຈີນ, ຫຼັງຈາກກັບມາແລ້ວເປັນອາຈານສອນວິຊາແຕ້ມຮູບຢູ່ ໂຮງຮຽນສິລະປິນແຫ່ງຊາດ ສາຂາວິຈິດສິນອັນໄດ້ສ້າງຊື່ ສຽງມາໃຫ້ສັງຄົມ ແລະ ປະເທດ ຊາດຢ່າງສົມກຽດ.

 

ວິຈິດສິນຜູ້ດີເດັ່ນ - 4751 - ວິຈິດສິນຜູ້ດີເດັ່ນ

ມອບ-ຮັບອາຄານຮຽນ ວົງວິຈິດ ບັນດິດວິທະຍາ2018/

ຈັດແຂ່ງຂັນແຕ້ມຮູບໃນຫົວຂໍ້: ພະລັງງານທີ່ຍືນຍົງ2017/

ດັ່ງທ່ານ ຄໍາສຸກ ແກ້ວມິ່ງ ເມືອງ ປັດຈຸບັນ ຢູ່ບ້ານໜອງ ບົວທອງ, ເມືອງສີໂຄດຕະບອງ, ນະຄອນຫຼວງວຽງຈັນ ກໍແມ່ນ ຜູ້ໜຶ່ງທີ່ມັກຮັກອາຊີບດັ່ງກ່າວ ແລະ ເປັນຄົນລາວຜູ້ທໍາອິດທີ່ ໄດ້ຮັບນາມມະຍົດເປັນນັກສິ ລະປິນຜູ້ດີເດັ່ນ, ເຊິ່ງທ່ານກໍໄດ້ ເປີດເຜີຍໃຫ້ຮູ້ວ່າ: ພາຍຫຼັງ ທີ່ໄດ້ຮຽນຈົບວິຊາການແຕ້ມ ຈາກ ສສ.ຫວຽດນາມ ມາໃນປີ 1977 ກໍໄດ້ມາເປັນອາຈານ ສອນຢູ່ໂຮງຮຽນສິລະປິນ ແຫ່ງຊາດສາຂາ ວິຈິດສິນ, ມາ ຮອດປີ 1983 ໄດ້ເປັນຫົວໜ້າ ອໍານວຍການໂຮງຮຽນດັ່ງກ່າວ ແລະ ມາຮອດປີ 1995 ກໍໄດ້ ອອກພັກຜ່ອນກິນເບ້ຍບໍາ ນານ ຈຶ່ງໄດ້ມີເວລາເຮັດວຽກ ຫຼາຍຂຶ້ນ ແລະ ສາມາດສ້າງ ຜົນງານໄດ້ຫຼາຍຢ່າງໃນການ ແຕ້ມຮູບຈົນກາຍເປັນສິນຄ້າ ຢູ່ທັງພາຍໃນ ແລະ ສົ່ງຂາຍ ອອກຕ່າງປະເທດ, ເຊິ່ງນອກ ນັ້ນ ຍັງໄດ້ປະກອບສ່ວນໄປວາງ ສະແດງຢູ່ພິພິຕະພັນຕ່າງໆ ຂອງ 5 ປະເທດ ໃນໂລກເຊັ່ນ: ລັດເຊຍ, ຍີ່ປຸ່ນ, ຝລັ່ງ, ຫວຽດ ນາມ ແລະ ໄທ ອີກດ້ວຍໄດ້ສ້າງ ໃຫ້ຕົນເອງເລີ່ມມີຊື່ສຽງ ແລະ ບົດບາດ ສໍາຄັນຂຶ້ນໃນເວທີ ວິຈິດສິນ.

ວິຈິດສິນຜູ້ດີເດັ່ນ - 789541114447 - ວິຈິດສິນຜູ້ດີເດັ່ນ

ຈາກຜົນງານດັ່ງກ່າວ, ຕົນເອງ ກໍໄດ້ຮັບຫຼຽນໄຊ ຕ່າງໆ ເຊັ່ນ: ຫຼຽນໄຊແຮງງານຊັ້ນ ໜຶ່ງສອງຄັ້ງ, ຫຼຽນໄຊແຮງ ງານຊັ້ນສາມມີສາມຄັ້ງ ແລະ ໃບຍ້ອງຍໍອີກ ຈໍານວນໜຶ່ງ. ຈາກຜົນງານ ດັ່ງກ່າວ, ມາ ຮອດ ປີ 2012 ຕົນເອງ ຈຶ່ງໄດ້ ຮັບນາມມະຍົດ ເປັນນັກວິຈິດ ສິນຜູ້ດີເດັ່ນແຫ່ງຊາດ ແລະ ໄດ້ຮັບລາງວັນເປັນເງິນສົດ ຈໍານວນໜຶ່ງລ້ານກີບ.

ວິຈິດສິນຜູ້ດີເດັ່ນ - 745114 1 - ວິຈິດສິນຜູ້ດີເດັ່ນ

ທ່ານ ຄໍາສຸກ ແກ້ວມິ່ງ ເມືອງ ໃຫ້ຮູ້ອີກວ່າ: ຕົນເອງມີ ຄວາມພາກພູມໃຈເປັນຢ່າງ ຍິ່ງທີ່ໄດ້ມີອາຊີບນີ້, ເຊິ່ງເປັນ ວິຊາຕົນເອງມັກຮັກມາແຕ່ ອາຍຸໄດ້ ປະມານ7-8 ປີ ໂດຍບໍ່ ມີໂອກາດເຂົ້າຮຽນນໍາໝູ່ຍ້ອນ ສະພາບຄອບຄົວທຸກຍາກ, ເຊິ່ງ ແຕ່ລະມື້ໄດ້ແຕ່ໃຊ້ຖ່ານໄຟ ແລະ ດິນດາກຂີດຂຽນ ແລະ ແຕ້ມຮູບຕ່າງໆນາໆໄປຕາມ ຈິນຕະນາການຂອງຕົນໃສ່ ຕາມຝາເຮືອນ, ກໍາແພງວັດ ແລະ ໜ້າດິນ. ມາຮອດປັດຈຸ ບັນ, ຄວາມໄຝ່ຝັນດັ່ງກ່າວກໍ ໄດ້ປະກົດຜົນເປັນຈິງແລ້ວ ແລະ ດໍາເນີນມາໄດ້ 20 ກວ່າປີແລ້ວ ສາມາດແຕ້ມຮູບໄດ້ທັງໝົດ ປະມານ 3.000 ແຜ່ນ, ເຊິ່ງນັບ ທັງຂາຍອອກ ແລະ ເກັບໄວ້ວາງ ສະແດງ, ສາມາດສ້າງລາຍ ຮັບມາໃຫ້ຄອບຄົວໃນໜຶ່ງ ປີ ຜ່ານມານີ້ລະປະມານ 200ກວ່າລ້ານກີບ ແລະ ຜ່ານມາກໍ ໄດ້ຖ່າຍທອດວິຊາດັ່ງກ່າວໃຫ້ ລູກ ແລະ ເມຍສາມາດແຕ້ມຮູບ ຊ່ວຍຕົນເອງໄດ້ ແລະ ສາມາດ ເປັນມືອາຊີບການແຕ້ມໄດ້ດີ ເຊັ່ນກັນ.

ວິຈິດສິນຜູ້ດີເດັ່ນ - 2574414 - ວິຈິດສິນຜູ້ດີເດັ່ນ

ທ່ານຄໍາສຸກ ແກ້ວມິ່ງ ເມືອງ ໃຫ້ທັດສະນະວ່າ: ວິຊາ ແຕ້ມຮູບຄວນໄດ້ຮັບການ ຊຸກຍູ້ສົ່ງເສີມໃຫ້ລູກຫຼານໄດ້ ສືບທອດເພື່ອອະນຸລັກຮັກ ສາໄວ້ໃຫ້ຍືນຍົງ ເພາະມັນແມ່ນ ສິລະປະອັນໜຶ່ງທີ່ບົ່ງບອກເຖິງ ຄວາມສາມາດຂອງຄົນລາວ ທີ່ມີນໍ້າໃຈຮັກຊາດ, ຮັກບ້ານ ເກີດເມືອງນອນຂອງຕົນ ແລະ ຮູບພາບສາມາດບົ່ງບອກເຖິງ ແນວຄິດຈິດໃຈ ແລະ ຄວາມຮູ້ ສຶກນຶກຄິດຂອງນັກວິຈິດສິນ ໄດ້ຢ່າງແນ່ນອນ.

ວິຈິດສິນຜູ້ດີເດັ່ນ - 7895544447 - ວິຈິດສິນຜູ້ດີເດັ່ນ
(ທ່ານ ຄຳສຸກ ແກ້ວມິງເມືອງ)

ວິຈິດສິນຜູ້ດີເດັ່ນ - 27544 - ວິຈິດສິນຜູ້ດີເດັ່ນ