9 ສັນຍານອັນຕະລາຍຈາກການແພ້ອາຫານທີ່ທ່ານຄວນຮູ້

9 ສັນຍານອັນຕະລາຍຈາກການແພ້ອາຫານທີ່ທ່ານຄວນຮູ້ - advert banner 728 90 728x90 - 9 ສັນຍານອັນຕະລາຍຈາກການແພ້ອາຫານທີ່ທ່ານຄວນຮູ້

ບໍ່ແມ່ນເລື່ອງແປກຫາກເຮົາຈະແພ້ອາຫານຢ່າງໃດຢ່າງໜຶ່ງ ຫລື ອາດຈະຫລາຍຢ່າງ ສ່ວນຫລາຍເປັນອາການແພ້ອາຫານທີ່ ເປັນມາແຕ່ເກີດ, ແຕ່ກໍມີຄົນຈຳນວນບໍ່ໜ້ອຍທີ່ມີອາການແພ້ອາຫານບາງຢ່າງໃນຕອນໃຫຍ່ແລ້ວ ຈາກທີ່ເຄີຍກິນໄດ້ມາຕະຫລອດຊີວິດຢູ່ດີໆກໍເກີດອາການແພ້. ຕໍ່ໄປນີ້ແມ່ນອາການແພ້ອາຫານ ເຜື່ອໃນອະນາຄົດອາດເກີດອາການເຫລົ່ານີ້ຈະໄດ້ບໍ່ຕ້ອງຕົກໃຈ ແລະ ກຽມໂຕໄດ້ທັນ.

9 ສັນຍານອັນຕະລາຍຈາກການແພ້ອາຫານທີ່ທ່ານຄວນຮູ້ - lattana 1 - 9 ສັນຍານອັນຕະລາຍຈາກການແພ້ອາຫານທີ່ທ່ານຄວນຮູ້

     – ອາຫານທີ່ມັກມີອາການແພ້ :

  1. ນົມ.
  2. ຖົ່ວ.
  3. ແປ້ງສາລີ.
  4. ໄຂ່.
  5. ອາຫານທະເລ (ກຸ້ງ, ປາໝຶກ, ຫອຍ ແລະອື່ນໆ).

     – 9 ສັນຍານອັນຕະລາຍຈາກອາການແພ້ອາຫານ :

  1. ຄັນອ້ອມປາກ.
  2. ຮີມສົບບວມໃຄ່, ຊາ.
  3. ລີ້ນບວມໃຄ່, ຊາ.
  4. ເປັນຕຸ່ມຜື່ນຄັນບວມໃຄ່ຂຶ້ນຕາມຮ່າງກາຍ ຫລື ຕຸ່ມຝົດ.
  5. ເນື້ອເຍື່ອລະບົບການຫາຍໃຈບວມໃຄ່.
  6. ແໜ້ນໜ້າເອິກ.
  7. ຫາຍໃຈຕິດຂັດ.
  8. ຄວາມດັນເລືອດຕໍ່າ.
  9. ຖ້າຫາກມີອາການຮຸນແຮງຫລາຍອາດເສຍຊີວິດໄດ້ພາຍໃນເວລາອັນສັ້ນ.

     – ຈະເຮັດແນວໃດເມື່ອແພ້ອາຫານ ?

ຫາກມີອາການຕາມທີ່ກ່າວມາຂ້າງເທິງຫລັງຈາກກິນອາຫານ ຫລື ຢາພາຍໃນເວລາ 1 – 2 ຊົ່ວໂມງ ຄວນຢຸດກິນອາຫານ ຫລື ຢານັ້ນທັນທີ, ເມື່ອຢຸດກິນສິ່ງທີ່ສົງໄສແລ້ວ ອາການອາດຄ່ອຍໆດີຂຶ້ນ ຫາກບໍ່ດີຂຶ້ນສາມາດກິນຢາແກ້ແພ້ໄດ້ (ຊະນິດປິ່ນປົວອາການແພ້ອາຫານໄດ້ ຄວນສອບຖາມແພດກ່ອນຊື້ຢາມາກິນ) ຖ້າບໍ່ແນ່ໃຈວ່າເປັນຍ້ອນອາຫານ ຫລື ຢາບໍ່ ຄວນໄປໂຮງໝໍເພື່ອຮັບການກວດຮ່າງກາຍຢ່າງລະອຽດ. ນອກຈາກນີ້, ຫາກມີອາການແພ້ຮຸນແຮງຈົນຫາຍໃຈບໍ່ອອກ, ແໜ້ນໜ້າເອິກ ຄວນຟ້າວສົ່ງໂຕໄປໂຮງໝໍໂດຍໄວທີ່ສຸດ ເພາະອາການແພ້ອາຫານຢ່າງຮຸນແຮງ ສາມາດເຮັດໃຫ້ເສຍຊີວິດໄດ້ພາຍໃນເວລາອັນສັ້ນໆ.