5 ວິທີທີ່ຄົນສະຫລາດມັກໃຊ້ເພື່ອຊັກນຳຕົນເອງ

5 ວິທີທີ່ຄົນສະຫລາດມັກໃຊ້ເພື່ອຊັກນຳຕົນເອງ - advert banner 728 90 728x90 - 5 ວິທີທີ່ຄົນສະຫລາດມັກໃຊ້ເພື່ອຊັກນຳຕົນເອງ

ສະຖານະຜູ້ກ້າວໜ້າມັກກ່ຽວຂ້ອງກັບອຳນາດຊັກນຳຄົນຢູ່ສະເໝີ ເຊິ່ງມີຄົນໆໜຶ່ງທີ່ສຳຄັນທີ່ສຸດ ແລະ ຕ້ອງຊັກນຳໃຫ້ໄດ້ເລີຍນັ້ນກໍແມ່ນໂຕຂອງທ່ານເອງ ຄຳຖາມກໍຄື ເຮັດແນວໃດເຮົາຈຶ່ງຈະສາມາດຊັກນຳ ຫລື ຈູງໃຈໂຕເອງໃຫ້ເຮັດສິ່ງຕ່າງໆໃຫ້ດີທີ່ສຸດໄດ້ ? ດັ່ງນັ້ນ, ເຮົາມາເບິ່ງ 5 ວິທີທີ່ຄົນສະຫລາດມັກເລືອກໃຊ້ໃນການຊັກນຳຕົນເອງຕໍ່ໄປນີ້ກັນເລີຍ :

5 ວິທີທີ່ຄົນສະຫລາດມັກໃຊ້ເພື່ອຊັກນຳຕົນເອງ - lattana 1 - 5 ວິທີທີ່ຄົນສະຫລາດມັກໃຊ້ເພື່ອຊັກນຳຕົນເອງ
  1. ຝຶກຢູ່ກັບສິ່ງທີ່ຄວບຄຸມບໍ່ໄດ້ : ໂລກນີ້ມີສິ່ງທີ່ທ່ານຢາກຈະປ່ຽນແປງຢູ່ຫລວງຫລາຍ ບາງຢ່າງທ່ານກໍອາດປ່ຽນແປງມັນໄດ້ ແຕ່ຫລາຍເທື່ອທີ່ບໍ່ສາມາດປ່ຽນແປງໄດ້ຄືກັນ. ດັ່ງນັ້ນ, ທ່ານຈຶ່ງຕ້ອງຮຽນຮູ້ທີ່ຈະຢູ່ກັບມັນໃຫ້ໄດ້ ໝາຍຄວາມວ່າທ່ານຕ້ອງປ່ຽນທັດສະນະຄະຕິກ່ຽວກັບເລື່ອງທີ່ທ່ານຄວບຄຸມບໍ່ໄດ້ນັ້ນ ແລ້ວຮຽນຮູ້ທີ່ຈະໃຊ້ຊີວິດຢູ່ຮ່ວມກັບມັນຢ່າງສັນຕິ ເພາະການກັງວົນກ່ຽວກັບບັນຫາທີ່ແກ້ໄຂບໍ່ໄດ້ນັ້ນ ຖືວ່າບໍ່ແມ່ນທາງອອກທີ່ດີ ມັນເຮັດໃຫ້ເຮົາໄດ້ຮັບນັບແຕ່ລະແວງກັບບັນຫາຢ່າງອື່ນທີ່ກຳລັງໂຮມເຂົ້າມາແທນ, ແຕ່ຖ້າທ່ານສາມາດຢູ່ຮ່ວມກັບບັນຫາເຫລົ່ານັ້ນໄດ້ຢ່າງສັນຕິວິທີ ຄວາມກັງວົນຈະຫາຍໄປໃນທັນທີ ແລະ ສິ່ງທຳອິດທີ່ທ່ານຈະປັບປ່ຽນໃຫ້ເຂົ້າກັບມັນໄດ້ນັ້ນກໍແມ່ນ ທັດສະນະຄະຕິ.

ຄວາມກັງວົນກັບບາງຢ່າງທີ່ທ່ານຄວບຄຸມບໍ່ໄດ້ນັ້ນ ກໍປຽບດັ່ງການຕົກຢູ່ໃນຂຸມທີ່ກຳລັງຍຸບລົງໄປເລື້ອຍໆ.

  1. ຢ່າຈົມຢູ່ກັບອະດີດ : ການຕິດຢູ່ກັບສິ່ງທີ່ຜິດພາດໃນອະດີດບໍ່ຊ່ວຍໃຫ້ຊີວິດເຮົາດີຂຶ້ນໄດ້ ເປົ້າໝາຍແມ່ນຈະເຮັດແນວໃດໃຫ້ອະນາຄົດດີຂຶ້ນກ່ວາເກົ່າໄດ້ ແທນການມານັ່ງກັງວົນກັບອະດີດທີ່ບໍ່ດີ ເຮົາຄວນຮຽນຮູ້ຈາກຄວາມຜິດພາດນັ້ນ ແລະ ບໍ່ຍຶດຕິດກັບມັນຈະດີກ່ວາບໍ່.

ອະນາຄົດທີ່ສົດໃສຂຶ້ນຢູ່ກັບສິ່ງທີ່ເຮົາເຮັດໃນມື້ນີ້ ຈົ່ງໃຊ້ຊີວິດໃຫ້ດີທີ່ສຸດໃນທຸກໆມື້, ຮຽນຮູ້ຈາກມື້ວານ ແລະ ຢ່າເຮັດພາດຊຳ້ອີກໃນມື້ນີ້ ແລ້ວມື້ອື່ນຈະເປັນມື້ທີ່ດີກ່ວາເກົ່າ. ເຮົາຮຽນຮູ້ຈາກອະດີດ ແລະ ເຮັດເພື່ອອະນາຄົດໂດຍການໃຊ້ຊີວິດຢູ່ກັບປະຈຸບັນ.

  1. ເນັ້ນເປົ້າໃນເລື່ອງທີ່ສຳຄັນໄວ້ : ຊີວິດເຕັມໄປດ້ວຍເສັ້ນທາງຫລວງຫລາຍ ຢ່າເມົາແຕ່ເສຍກຳລັງ ແລະ ອາລົມໄປກັບເລື່ອງນ້ອຍໆເລີຍ “Vicarious living” ແມ່ນຄຳນິຍາມທີ່ Marshall Goldsmith ໃຊ້ອະທິບາຍພຶດຕິກຳຂອງຄົນທີ່ມັກສົນໃຈແຕ່ເລື່ອງຂອງຄົນອື່ນ ເຮົາມັກເຮັດແບບນີ້ຜ່ານທາງໂທລະພາບ, ຫົວຂໍ້ການຕິສິນນິນທາ ແລະ ກຸ່ມສົນທະນາສ່ວນໂຕຂອງເຮົາ ເພາະມັນເປັນເລື່ອງງ່າຍກ່ວາການທີ່ຈະມາຫາວິທີເຮັດໃຫ້ຊີວິດໂຕເອງດີຂຶ້ນນັ້ນເອງ ແລະ ການເສຍພະລັງ ແລະ ເວລາໄປກັບເລື່ອງໄຮ້ສາລະເຫລົ່ານີ້ນີ້ເອງທີ່ເຮັດໃຫ້ຊີວິດທ່ານບໍ່ກ້າວໄປຈັກເທື່ອ. ດັ່ງນັ້ນ, ຈົ່ງຄົ້ນຫາ ແລະ ເຕືອນຕົນເອງໃຫ້ໄດ້ວ່າ ທ່ານຈະເສຍເວລາໃຫ້ກັບເລື່ອງໄຮ້ສາລະແແບບນີ້ແທ້ບໍ່ ? ແລ້ວທ່ານຈະໄດ້ປະໂຫຍດຫຍັງຈາກມັນແດ່ ຫລື ບໍ່ມີເລີຍ ? ເພາະມີເລື່ອງໄຮ້ສາລະຫລວງຫລາຍໃນຊີວິດປະຈຳວັນຂອງເຮົາ ແລະ ສ່ວນຫລາຍແລ້ວບໍ່ມີຄວາມສຳຄັນເລີຍຈັກໜ້ອຍ.
  2. ລົງທຶນເພື່ອພັດທະນາໂຕທ່ານເອງ : ຖ້າໂຕທ່ານຍັງບໍ່ເກັ່ງພໍໍ ແລ້ວທ່ານຈະໄປເບິ່ງແຍງຄົນອື່ນໄດ້ແນວໃດ ? ການພັດທະນາຕົນເອງເຮັດໃຫ້ທ່ານມີຄວາມສາມາດໃນການຊ່ວຍພັດທະນາຄົນອື່ນໆໄດ້ຄືກັນ. ການລົງທຶນໃນບ່ອນນີ້ອາດໝາຍເຖິງການໃຊ້ເງິນ, ເວລາ ແລະ ກຳລັງທີ່ມີເພື່ອຊ່ວຍໃຫ້ທ່ານເຕີບໃຫຍ່, ຮຽນຮູ້ ແລະ ພັດທະນາຕົນເອງໃຫ້ກ້າວນຳຜູ້ອື່ນ ຈົນສາມາດຖ່າຍທອດສິ່ງຕ່າງໆເພື່ອຜູ້ອື່ນໄດ້ຕໍ່ໄປ, ແຕ່ຖ້າທ່ານບໍ່ມີຄວາມສາມາດໃດໆເລີຍ ທ່ານຈະເອົາຫຍັງໄປສອນ ຫລື ແນະນຳເຂົາໄດ້ ແມ່ນບໍ່ ? ການພັດທະນາຕົນເອງຈະຊ່ວຍໃຫ້ທ່ານສາມາດຊ່ວຍພັດທະນາຄົນອື່ນໄດ້ນຳ.
  3. ປ່ຽນຄຳວິພາກວິຈານໃຫ້ກາຍເປັນໂອກາດໃນການຮຽນຮູ້ : ຄຳວິພາກວິຈານຊ່ວຍໃຫ້ທ່ານສາມາດຮຽນຮູ້ຂໍ້ມູນ ແລະ ທັກສະໃໝ່ໆ ລວມທັງຍັງເຮັດໃຫ້ທ່ານເຂົ້າໃຈໃນໂຕເອງຫລາຍຂຶ້ນໄດ້ ເພາະມັນຊ່ວຍໃຫ້ທ່ານເປີດເຜີຍກັບຕົນເອງຫລາຍຂຶ້ນວ່າທ່ານນັ້ນເປັນແນວໃດ, ມີຂໍ້ໃດແດ່ທີ່ຍັງຂາດຕົກບົກພ່ອງ. ຈື່ໄວ້ວ່າຄຳຕຳໜິຕິຊົມບໍ່ແມ່ນການເຮັດເພື່ອໃຫ້ຜູ້ອື່ນພໍໃຈ, ແຕ່ເປັນການຝຶກໃຫ້ທ່ານຮຽນຮູ້ ແລະ ພັດທະນາໂຕທ່ານເອງ ເພາະການພັດທະນາຕົນເອງໄປພ້ອມໆກັບການຍອມຮັບຄຳຕຳໜິຕ່າງໆຖືວ່າເປັນເລື່ອງທີ່ດີ ຄົນປະເພດນີ້ຈະມີຄວາມໜ້າເຊື່ອຖື, ເບິ່ງໂລກໃນແງ່ດີ, ມີຄວາມຫົດຢືດສູງ ແລະ ມີຄວາມຈິງໃຈໂປ່ງໃສນຳອີກ. ຄົນສົມບູນແບບບໍ່ໄດ້ໜ້າຫລົງໄຫລ ຄົນທີ່ໂປ່ງໃສເທົ່ານັ້ນທີ່ໜ້າຄົບຫາ.

ເຖິງວ່າໂລກນີ້ຈະມີຄົນທີ່ຮັ່ງມີກ່ວາ, ໜ້າຮັກກ່ວາ, ແຂງແຮງກ່ວາ ຫລື ເກັ່ງກ່ວາ ແລະ ສະຫລາດກ່ວາທ່ານຢູ່ຫລວງຫລາຍ, ແຕ່ສິ່ງທີ່ແປກແຕ່ແທ້ກໍແມ່ນ ຍິ່ງເຮົາເປັນໂຕຂອງໂຕເອງຫລາຍເທົ່າໃດ ຜູ້ຄົນຈະໃຫ້ຄວາມສົນໃຈເຮົາຫລາຍຂຶ້ນເທົ່ານັ້ນ ແລະ ມັກ ໃນໂຕຕົນຂອງເຮົານຳ.