ສປປ ເກົາຫລີ ຂູ່ຮື້ຟື້ນໂຄງການນິວເຄຼຍ ຖ້າອາເມລິກາຍັງຂວ້ຳບາດ

ສປປ ເກົາຫລີ ຂູ່ຮື້ຟື້ນໂຄງການນິວເຄຼຍ ຖ້າອາເມລິກາຍັງຂວ້ຳບາດ - advert banner 728 90 728x90 - ສປປ ເກົາຫລີ ຂູ່ຮື້ຟື້ນໂຄງການນິວເຄຼຍ ຖ້າອາເມລິກາຍັງຂວ້ຳບາດ

ທາງ​ການ ສປປ ​ເກົາຫລີ ຖະ​ແຫລ​ງ​ເຕືອນ​ອາ​ເມ​ລິ​ກາ​ວ່າ: ສປປ ​ເກົາຫລີ ຈະ​ພິຈາລະນາ​ຮື້ຟື້ນ​ໂຄງການ​ຂອງ​ລັດ​ຢ່າງ​ຈິງ​ຈັງທີ່​ມີ​ເປົ້າໝາຍ​ເພື່ອ​ພັດທະນາ​ອາວຸດ​ນິວ​ເຄຼຍ, ຖ້າ​ລັດຖະບານ​ອາ​ເມ​ລິ​ກາ​ຍັງ​ບໍ່​ເລີກ​ໃຊ້​ມາດ​ຕະການ​ຂວ້ຳບາດ​ທີ່​ເຂັ້ມງວດ​ຕໍ່ ສປປ ​ເກົາຫລີ.

ສປປ ເກົາຫລີ ຂູ່ຮື້ຟື້ນໂຄງການນິວເຄຼຍ ຖ້າອາເມລິກາຍັງຂວ້ຳບາດ - lattana 1 - ສປປ ເກົາຫລີ ຂູ່ຮື້ຟື້ນໂຄງການນິວເຄຼຍ ຖ້າອາເມລິກາຍັງຂວ້ຳບາດ

ກ່ອນ​ໜ້າ​ນີ້, ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ປະກາດ​ໃນ​ເດືອນ​ເມສາ ​ເຖິງ​ການ​ສ້າງ​ບັນຍາກາດ​ແຫ່ງ​ສັນຕິພາບ​ຢູ່​ແຫລມ​ເກົາຫລີ ​ແລະ ຈະມຸ່ງ​ເນັ້ນການ​ຟື້ນຟູ​ເສດຖະກິດ​ຕາມ​ລະບອບ​ສັງຄົມ​ນິຍົມ. ​ເຖິງ​ຢ່າງ​ໃດ​ກໍ​ຕາມ, ຖະ​ແຫລ​ງການ​ກະຊວງ​ຕ່າງປະ​ເທດ ສປປ ​ເກົາຫລີ ລະບຸ​ວ່າ: ສປປ ​ເກົາຫລີ ອາດ​ກັບ​ໄປ​ສູ່​ນະ​ໂຍບາຍ​ເກົ່າ, ຖ້າ​ອາ​ເມ​ລິ​ກາ​ບໍ່​ປ່ຽນ​ແປງ​ທ່າ​ທີ​ຈາກ​ການ​ຂວ້ຳບາດ ສປປ ​ເກົາຫລີ. ສຳລັບ​ຂ່າວ KCN ຂອງ​ທາງ​ການ ສປປ ​ເກົາຫລີ ລາຍ​ງານ​ວ່າ: ສປປ ​ເກົາຫລີ​ ອາດ​ກັບ​ມາ​ດຳ​ເນີນ​ນະ​ໂຍບາຍ “ບາ​ຢອນ​ຈິນ” ຫລື ນະ​ໂຍບາຍການ​ພັດທະນາ​ເສດຖະກິດ ​ແລະ ການ​ທະຫານ​ຄຽງ​ຄູ່​ກັນ​ອີກ​ເທື່ອ​ໜຶ່ງ ​ໂດຍ​ກຳລັງ​ພິຈາລະນາ​ຢ່າງ​ຈິງ​ຈັງ. ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ແລະ ທ່ານ ກິມ ຈ໋ອງອຸນ ​ໄດ້​ລົງ​ນາມ​ໃນ​ຂໍ້​ຕົກລົງ​ປົດ​ສະ​ນວນ​ອາວຸດ​ນິວ​ເຄຼຍທີ່​ສິງກະ​ໂປ​ໃນ​ເດືອນ​ມິຖຸນາ, ​ແຕ່​ລັດຖະບານ​ອາ​ເມ​ລິ​ກາ​ພັດ​ເບິ່ງ​ວ່າ​ບໍ່​ມີ​ຄວາມ​ຄືບ​ໜ້າ ​ແລະ ຍັງ​ຄົງ​ໃຊ້​ມາດ​ຕະການ​ຂວ້ຳບາດ​ຢ່າງ​ໜັກ ສົ່ງ​ຜົນ​ໃຫ້ ສປປ ​ເກົາຫລີ ບໍ່ພໍ​ໃຈ ​ແລະ ກ່າວ​ວ່າ: ອາ​ເມ​ລິ​ກາ​ໃຊ້​ອິດ​ທິພົນ​ຂົ່ມຂູ່ ​ເຊິ່ງຖະ​ແຫລ​ງການ​ຫລ້າ​ສຸດ​ນີ້​ເປັນ​ສັນຍານ​ວ່າ: ສປປ ​ເກົາຫລີ ບໍ່ພໍ​ໃຈ​ລັດຖະບານ​ອາ​ເມ​ລິ​ກາ​ເພີ່ມ​ຂຶ້ນ.