ອາເມລິກາເລີ່ມໃຊ້ມາດຕະການ ຂວ້ຳບາດນ້ຳມັນອີຣານ

ອາເມລິກາເລີ່ມໃຊ້ມາດຕະການ ຂວ້ຳບາດນ້ຳມັນອີຣານ - advert banner 728 90 728x90 - ອາເມລິກາເລີ່ມໃຊ້ມາດຕະການ ຂວ້ຳບາດນ້ຳມັນອີຣານ

ມາດ​ຕະການ​ກົດ​ດັນ​ທາງ​ເສດຖະກິດຂອງ​ອາ​ເມ​ລິ​ກາ​ຕໍ່​ອີຣານ ທີ່​ເປັນ​ການ​ຈຳກັດ​ການ​ຊື້-ຂາຍ​ນ້ຳມັນ ​ແລະ ການ​ເຮັດ​ທຸລະ​ກຳ​ລະຫວ່າງ​ປະ​ເທດ ມີ​ຜົນ​ແລ້ວ​ຢ່າງ​ເປັນ​ທາງ​ການ, ສ່ວນຣັດ​ເຊຍ​ຢືນຢັນ​ການ​ຄ້າຂາຍ​ນ້ຳມັນ​ຮ່ວມ​ກັບ​ລັດຖະບານ​ເຕຮາ​ລານ​ຕໍ່​ໄປ.

ອາເມລິກາເລີ່ມໃຊ້ມາດຕະການ ຂວ້ຳບາດນ້ຳມັນອີຣານ - lattana 1 - ອາເມລິກາເລີ່ມໃຊ້ມາດຕະການ ຂວ້ຳບາດນ້ຳມັນອີຣານ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ມາດ​ຕະການ​ກົດ​ດັນ​ທາງ​ເສດຖະກິດ​ຂອງ​ອາ​ເມ​ລິ​ກາ​ຕໍ່​ອີຣານ “ຮອບ​ສອງ” ຫລັງ​ຖອນ​ຕົວ​ອອກ​ຈາກ​ຂໍ້​ຕົກລົງ​ນິວ​ເຄຼຍສະບັບ​ປີ 2015 ​ໃນ​ເດືອນ​ພຶດສະພາ​ຜ່ານ​ມາ ມີ​ຜົນ​ບັງຄັບ​ໃຊ້​ແລ້ວ​ຢ່າງ​ເປັນ​ທາງ​ການ ​ໂດຍ​ວ່າ​ກັນ​ວ່າ​ເປັນ​ມາດ​ຕະການ “ໜັກໜ່ວງ​ທີ່​ສຸດ” ​ເນື່ອງ​ຈາກ​ມຸ່ງ​ເປົ້າ​ໃສ່​ອຸດສາຫະກຳ​ພະລັງງານ ​ແລະ ຂະ​ແໜງ​ທະນາຄານ​ຂອງ​ອີຣານຢ່າງ​ຈະ​ແຈ້ງ.

ທັງ​ນີ້, ລັດຖະບານ​ວໍ​ຊິງ​ຕັນ​ໄດ້​ເພີ່​ມລາຍ​ຊື່​ບຸກຄົນ ​ແລະ ນິຕິບຸ​ກຄົນ​ລວມປະມານ 700 ລາຍ​ຊື່​ເຂົ້າສູ່​ບັນຊີ​ດຳ​ຄັ້ງນີ້ ​ແລະ ​ແຈ້ງ​ໃຫ້​ສະມາຄົມ​ລະບົບ​ສື່ສານ​ໂທລະ​ຄົມມະນາຄົມ​ດ້ານ​ການ​ເງິນລະຫວ່າງ​ສະ​ຖາ​ບັນ​ການ​ເງິນ​ທົ່ວ​​ໂລກ ຫລື SWIFT ​ເຊິ່ງມີ​ສຳນັກງານ​ໃຫຍ່​ຢູ່​ແບນ​ຊິກ ​ແລະ ມີ​ສະ​ຖາບ​ັນການ​ເງິນ​ຫລາຍ​ກວ່າ 3.000 ​ແຫ່ງ​ທົ່ວ​ໂລກ​ຮ່ວມ​ເປັນ​ສະມາຊິກ ​ໃນ​ການ​ລົບ​ອີຣານອອກ​ຈາກ​ເຄືອ​ຂ່າຍ.

ຂະນະ​ທີ່​ປະທານາທິບໍດີ ຮັສຊັນ ​ໂຣຮາ​ນີ ປະກາດ​ວ່າ: ອີຣານຈະ​ເດີນ​ໜ້າ​ສົ່ງ​ອອກ​ນ້ຳມັນ​ດິບ​ຕໍ່​ໄປ ​ເພາະ​ມາດ​ຕະການ​ຂວ້ຳບາດ​ຂອງ​ອາ​ເມ​ລິ​ກາ​ເປັນ​ການລະ​ເມີດ​ກົດໝາຍ​ສາກົນ​ຢ່າງ​ຈະ​ແຈ້ງ, ສ່ວນ​ທ່ານ ອາ​ເລັກ​ຊານ​ເດີ ​ໂນ​ວັກ ລັດຖະມົນຕີ​ກະຊວງ​ພະລັງງານຂອງຣັດ​ເຊຍ ກ່າວ​ວ່າ: ຂໍ້​ຕົກລົງ​ຊື້ຂາຍ​ນ້ຳມັນ​ດິບ​ລະຫວ່າງ​ລັດຖະບານ​ມົດ​ສະ​ກູ​ກັບ​ອີຣານ ​ເຊິ່ງກ່ຽວ​ກັບ​ການ​ຮ່ວມ​ມື​ດ້ານ​ອື່ນໆ ລວມທັງຣັດ​ເຊຍ​ເຮັດ​ໜ້າ​ທີ່​ຄົນ​ກາງ​ໃນ​ເລື່ອງ​ນີ້ ຈະ​ດຳ​ເນີນ​ຕໍ່​ໄປ. ​ເຖິງ​ຢ່າງ​ໃດ​ກໍ​ຕາມ, ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ຢືນຢັນ​ວ່າ: ຈະ​ມີ “8 ປະ​ເທດ” ​ໄດ້​ຮັບ​ການ​ຫລຸດຜ່ອນ​ສູງ​ສຸດ 180 ວັນ ​ໃນ​ການ​ຊື້ຂາຍ​ນ້ຳມັນ ​ແລະ ​ເຮັດ​ທຸລະ​ກຳ​ຮ່ວມ​ກັບ​ອີຣານ ​ເຊິ່ງຫລາຍ​ຝ່າຍ​ຄາດ​ວ່າ​ຢ່າງ​ໜ້ອຍ​ຈະ​ມີ​ຍີ່ປຸ່ນ, ສ.​ເກົາຫລີ ​ແລະ ອິນ​ເດຍ.