ວິກິດການເມືອງຢູ່ສີລັງກາເຮັດໃຫ້ ນັກທ່ອງທ່ຽວຫາຍ-ກະທົບລາຍໄດ້ ເສດຖະກິດ

ວິກິດການເມືອງຢູ່ສີລັງກາເຮັດໃຫ້ ນັກທ່ອງທ່ຽວຫາຍ-ກະທົບລາຍໄດ້ ເສດຖະກິດ - advert banner 728 90 728x90 - ວິກິດການເມືອງຢູ່ສີລັງກາເຮັດໃຫ້ ນັກທ່ອງທ່ຽວຫາຍ-ກະທົບລາຍໄດ້ ເສດຖະກິດ

ວິ​ກິດ​ການ​ເມືອງ​ຢູ່​ສີ​ລັງກາ ​ເຊິ່ງມີນາ​ຍົກ​ລັດຖະມົນຕີ​ສອງ​ຄົນ​ຍາດ​ຊີງ​ອຳນາດ​ກັນ ​ເຮັດ​ໃຫ້​ນັກ​ທ່ອງ​ທ່ຽວ​ຫລຸດ​ລົງ ​ແລະ ສົ່ງ​ຜົນ​ຕໍ່​ການ​ຊ່ວຍ​ເຫລືອ​ຈາກ​ຕ່າງປະ​ເທດ ລວມທັງ​ສັນຍານ​ເຕືອນ​ໄປ​ຮອດ​ສະພາບ​ເສດຖະກິດ ​ເຊິ່ງກຳລັງ​ຜະ​ເຊີນ​ບັນຫາ​ຄ່າ​ເງິນ​ຫລຸດ​ລົງ​ເປັນ​ປະຫວັດສາດ.

ວິກິດການເມືອງຢູ່ສີລັງກາເຮັດໃຫ້ ນັກທ່ອງທ່ຽວຫາຍ-ກະທົບລາຍໄດ້ ເສດຖະກິດ - lattana 1 - ວິກິດການເມືອງຢູ່ສີລັງກາເຮັດໃຫ້ ນັກທ່ອງທ່ຽວຫາຍ-ກະທົບລາຍໄດ້ ເສດຖະກິດ

ສະຖານະ​ການ​ຢູ່​ສີ​ລັງກາ​ປະສົບ​ສະພາບ​ຢຸດ​ສະ​ງັກ ​ເມື່ອນາຍົກລັດຖະມົນຕີທີ່ຖືກ​ປົດ​ອອກ​ຈາກ​ຕຳ​ແໜ່​ງບໍ່​ຍອມ​ລົງ​ຈາກ​ອຳນາດ, ຂະນະ​ທີ່​ມີ​ການ​ແຕ່ງຕັ້ງນາຍົກລັດຖະມົນຕີຄົນ​ໃໝ່ ​ແລະ ຄວາມ​ຂັດ​ແຍ່ງ​ໃນ​ສະພາ ​ເຮັດ​ໃຫ້​ສີ​ລັງກາ​ບໍ່​ສາມາດ​ຂັບ​ເຄື່ອນ​ຕໍ່​ໄດ້ ທ່າມກາງ​ການ​ເຕືອນ​ໄພ​ວ່າ: ສະຖານະ​ການ​ອາດ​ເຖິງ​ຂັ້ນນອງ​ເລືອດ ຖ້າ​ຄວາມ​ຂັດ​ແຍ່ງ​ຮຸນ​ແຮງ​ຂຶ້ນ ​ເຮັດ​ໃຫ້​ນັກ​ທ່ອງ​ທ່ຽວ​ຍົກ​ເລີກ​ການ​ຈອງ​ຫ້ອງ​ພັກ​ໂຮງ​ແຮມ ລວມທັງ​ການທ່ອງທ່ຽວ​ຕາມ​ສະຖານ​ທີ່​ສຳຄັນ ທັງ​ທີ່​ເປັນ​ໄລຍະ​ເຂົ້າສູ່​ລະດູ​ທ່ອງ​ທ່ຽວ. ການທ່ອງທ່ຽວ​ເປັນ​ທຸລະ​ກິດ​ທີ່​ສ້າງ​ລາຍ​ໄດ້​ຕົ້ນຕໍ​ໃຫ້​ແກ່​ເສດຖະກິດ​ສີ​ລັງກາ ​ໂດຍ​ມີ​ນັກ​ທ່ອງ​ທ່ຽວ​ຕ່າງປະ​ເທດ​ມາ​ທ່ຽວ​ຫລາຍ​ກວ່າ 2,4 ລ້ານ​ຄົນ​ໃນ​ປີຜ່ານມາ ​ແລະ ​ໃຊ້​ຈ່າຍ​ເງິນ​ໄປ 3.200 ລ້ານ​ໂດ​ລາ. ທະນາຄານ​ເພື່ອ​ການ​ພັດທະນາ​ອາຊີ (ADB) ຄາດ​ຄະ​ເນ​ໄວ້​ວ່າ: ​ເສດຖະກິດ​ສີ​ລັງ​ກາ​ຈະ​ເຕີບ​ໃຫຍ່ 3,8% ປີ​ນີ້ ​ແລະ 4,5% ​ໃນ​ປີ 2019, ​ແຕ່​ມາ​ຮອດ​ປັດຈຸບັນ ອາດ​ຈະ​ບໍ່​ເປັນ​ໄປ​ຕາມ​ຄາດ​ແລ້ວ. ສະພາບ​ສູນຍາກາດ​ທາງ​ການ​ເມືອງ​ຢູ່​ສີ​ລັງ​ກາ ສົ່ງ​ຜົນ​ໃຫ້​ເກີດ​ຂໍ້​ກັງວົນ​ເຖິງ​ໂຄງການ​ລົດ​ໄຟ​ລາງ​ເບົາ​ທີ່​ຍີ່ປຸ່ນ​ໃຫ້​ທຶນ​ສະໜັບສະໜູນ​ມູນ​ຄ່າ​ຫລາຍ​ກວ່າ 1.500 ລ້ານ​ໂດ​ລາ ​ແລະ ​ໂຄງການ​ຄວາມ​ຊ່ວຍ​ເຫລືອ​ທາງ​ການ​ເງິນ​ດ້ານ​ການ​ຄົມມະນາຄົມ ​ແລະ ສາທາລະນະ​ສຸກ​ຂອງ​ອາ​ເມ​ລິ​ກາ​ອີກ 480 ລ້ານ​ໂດ​ລາ, ກອງ​ທຶນ​ການ​ເງິນ​ສາກົນ (IMF) ​ເຊິ່ງມີ​ກຳນົດ​ຖະ​ແຫລ​ງຂໍ້​ຕົກລົງ​ການ​ປ່ອຍ​ເງິນ​ກູ້​ງວດ​ໃໝ່ 1.500 ລ້ານ​ໂດ​ລາ ​ໄລຍະ​ທີ່​ປະທານາທິບໍດີ​ສັ່ງ​ປົດ​ນາຍົກລັດຖະມົນຕີ ​ໃນ​ວັນ​ທີ 26 ຕຸລາ​ຜ່ານ​ມາ ລະບຸ​ວ່າ: ກຳລັງ​ຕິດຕາມ​ສະຖານະ​ການ​ຢູ່​ສີ​ລັງກາ​ຢ່າງ​ໃກ້ຊິດ.