ລາວ-ໄທ ສືບຕໍ່ຮ່ວມມືດ້ານທະນາຄານ

ລາວ-ໄທ ສືບຕໍ່ຮ່ວມມືດ້ານທະນາຄານ - advert banner 728 90 728x90 - ລາວ-ໄທ ສືບຕໍ່ຮ່ວມມືດ້ານທະນາຄານ

ທະນາຄານແຫ່ງ ສປປ ລາວ ແລະ ທະນາຄານແຫ່ງປະເທດໄທ ໄດ້ຈັດກອງປະຊຸມຂຶ້ນໃນວັນທີ 2 ພະຈິກ 2018 ທີ່ນະຄອນປາກເຊ ແຂວງ ຈໍາປາສັກ ເຊິ່ງຝ່າຍລາວນໍາໂດຍທ່ານ ສອນໄຊ ສິດພະໄຊ ຮັກສາການຜູ້ວ່າການທະນາຄານແຫ່ງ ສປປ ລາວ ພ້ອມຄະນະ; ຝ່າຍໄທນໍາໂດຍທ່ານ ດຣ. ວິຣະໄທ ສັນຕິປຣະພົບ ຜູ້ວ່າການທະນາຄານແຫ່ງ ປະເທດໄທ ພ້ອມຄະນະ.

ລາວ-ໄທ ສືບຕໍ່ຮ່ວມມືດ້ານທະນາຄານ - lattana 1 - ລາວ-ໄທ ສືບຕໍ່ຮ່ວມມືດ້ານທະນາຄານ

ກອງປະຊຸມທະວິພາຄີຮ່ວມມື 2 ຝ່າຍໃນຄັ້ງນີ້ ແມ່ນຈັດຂຶ້ນເປັນ ຄັ້ງທີ 7 ເຊິ່ງທັງ 2 ຝ່າຍໄດ້ປຶກ ສາຫາລືຫຼາຍບັນຫາທີ່ຕ່າງຝ່າຍມີຄວາມສົນໃຈຮ່ວມກັນ, ໃນກອງປະຊຸມ ຄະນະຜູ້ແທນທະນາຄານກາງ ຂອງ 2 ປະເທດ ໄດ້ແລກປ່ຽນບົດຮຽນກ່ຽວກັບສະພາບເສດຖະກິດມະຫາພາກ ແລະ ການຈັດຕັ້ງປະຕິ ບັດນະໂຍບາຍເງິນຕາ; ລາຍງານວຽກງານຄຸ້ມຄອງທະນາຄານທຸລະກິດ; ວຽກງານຊໍາລະສະສາງ; ລາຍງານຄວາມຄືບໜ້າວຽກງານການສົ່ງເສີມສະກຸນເງິນທ້ອງຖິ່ນ ກີບ-ບາດ ເຂົ້າໃນການສົ່ງເສີມການຄ້າ ແລະ ການລົງທຶນ ເພື່ອອໍານວຍຄວາມສະດວກໃນການຊໍາລະສະສາງຕາມຊາຍແດນລະຫວ່າງ ລາວ ແລະ ໄທ; ລາຍງານການຮ່ວມມືທາງດ້ານວິຊາການໃນການສ້າງຄວາມອາດສາມາດ ແລະ ແຜນການຮ່ວມມືໃນຕໍ່ໜ້າ.

ກອງປະຊຸມໃນຄັ້ງນີ້ ໄດ້ເປັນຂີດໝາຍໃຫ້ແກ່ການສົ່ງເສີມການຮ່ວມມືລະຫວ່າງສອງທະນາຄານ ເພື່ອເປັນການະກອບສ່ວນເຂົ້າໃນການຊຸກຍູ້ການຄ້າຂາຍ, ການລົງທຶນ ໃຫ້ມີການເຕີບໃຫຍ່ຂະຫຍາຍຕົວ ເຊິ່ງເປັນການປະກອບສ່ວນນໍາເອົາຜົນປະໂຫຍດ ມາໃຫ້ປະຊາຊົນຂອງທັງ 2 ຊາດ ລາວ ແລະ ໄທ.

 

# ຂ່າວ-ພາບ: ຣັດສະໝີ ດວງສັດຈະ