ທ່ານນາຍົກລັດຖະມົນຕີ ທອງລຸນ ສີສຸລິດ ພົບປະທ່ານປະທານປະເທດ ສີ ຈິ້ນຜີງ

ທ່ານນາຍົກລັດຖະມົນຕີ ທອງລຸນ ສີສຸລິດ ພົບປະທ່ານປະທານປະເທດ ສີ ຈິ້ນຜີງ - advert banner 728 90 728x90 - ທ່ານນາຍົກລັດຖະມົນຕີ ທອງລຸນ ສີສຸລິດ ພົບປະທ່ານປະທານປະເທດ ສີ ຈິ້ນຜີງ

ໂດຍຕອບສະໜອງຕາມການເຊື້ອເຊີນຂອງທ່ານ ສີ ຈິ້ນຜິງ ປະທານປະເທດແຫ່ງສາທາລະນະລັດ ປະຊາຊົນຈີນ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະ, ໄດ້ເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີ 1 (China International Import – Expo) ຊຶ່ງຈັດຂຶ້ນໃນລະຫວ່າງວັນທີ 5-10 ພະຈິກນີ້, ທີ່ນະຄອນຊຽງໄຮ້ ແລະ ໃນວັນທີ 4 ທ່ານ ທອງລຸນ ສີສຸລິດ ໄດ້ພົບປະກັບທ່ານ ສີ ຈິ້ນຜິງ, ເຊິ່ງທ່ານນາຍົກລັດຖະມົນຕີ ໄດ້ສະແດງຄວາມຂອບໃຈຕໍ່ການຕ້ອນຮັບ ແລະ ຮູ້ສຶກເປັນກຽດຢ່າງສູງຕໍ່ການເຊື້ອເຊີນຄະນະຜູແທນ ສປປ ລາວ ມາຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີນີ້. ພ້ອມກັນນັ້ນ, ທ່ານ ນາຍົກລັດຖະມົນຕີ ຍັງໄດ້ນໍາເອົາຄວາມຢື້ຢາມຖາມຂ່າວອັນອົບອຸ່ນຂອງທ່ານເລຂາທິການໃຫຍ່, ປະທານປະເທດ ບຸນຍັງ ວໍລະຈິດ, ເຖິງທ່ານ ສີ ຈິ້ນຜິງ, ເລຂາທິການໃຫຍ່, ປະທານປະເທດ ແຫ່ງ ສປ ຈີນ ແລະ ຝາກສະແດງຄວາມຂອບໃຈຢ່າງສູງຕໍ່ການຕ້ອນຮັບຢ່າງອົບອຸ່ນ ມາຍັງທ່ານ ສີ ຈິ້ນຜິງ ໃນໂອກາດທີ່ ທ່ານ ບຸນຍັງ ວໍລະຈິດ, ປະທານປະເທດແຫ່ງ ສປປ ລາວ ໄດ້ມາຢ້ຽມຢາມເຮັດວຽກ ຢູ່ ສປ ຈີນ ໃນເດືອນ ພຶດສະພາ 2018 ທີ່ຜ່ານມາ. ການພົບປະໃນຄັ້ງນີ້, ສອງຝ່າຍໄດ້ຕີລາຄືນ ການຈັດຕັ້ງປະຕິບັດຂອບການຮ່ວມມືຂອງສອງຝ່າຍ ໂດຍສະເພາະການຈັດຕັ້ງຜັນຂະຫຍາຍ ຜົນຂອງການຢ້ຽມຢາມທາງລັດຖະກິດ ຢູ່ ສປປ ລາວ ຂອງ ທ່ານ ສີ ຈິ້ນຜິງ ໃນຕົ້ນເດືອນ ພະຈິກ  2017  ທີ່ຜ່ານມາ, ເຊິ່ງໄດ້ກາຍເປັນເຫດການທີ່ສໍາຄັນຍິ່ງຕໍ່ການເສີມຂະຫຍາຍສາຍພົວພັນຮ່ວມມືຮອບດ້ານ, ໝັ້ນຄົງ ແລະ ຍາວນານ ລະຫວ່າງສອງປະເທດ ຕາມທິດ 4 ດີ, ແລະ ການເປັນຄູ່ຮ່ວມຊາຕາກໍາສັງຄົມນິຍົມຂອງສອງພັກ, ສອງລັດ ກໍຄືປະຊາຊົນສອງຊາດລາວ-ຈີນ.

ທ່ານນາຍົກລັດຖະມົນຕີ ທອງລຸນ ສີສຸລິດ ພົບປະທ່ານປະທານປະເທດ ສີ ຈິ້ນຜີງ - lattana 1 - ທ່ານນາຍົກລັດຖະມົນຕີ ທອງລຸນ ສີສຸລິດ ພົບປະທ່ານປະທານປະເທດ ສີ ຈິ້ນຜີງ

ພ້ອມດຽວນີ້, ສປປ ລາວ ກໍໄດ້ແຈ້ງຄວາມຄືບໜ້າໃນການປະຕິບັດບັນດາໂຄງການຊ່ວຍເຫລືອຕ່າງໆຂອງລັດຖະບານ ສປ ຈີນ ຢູ່ ສປປ ລາວ ເຊິ່ງເຫັນວ່າມີຄວາມຄືບໜ້າດີ ເປັນຕົ້ນ ແມ່ນໂຄງການກໍ່ສ້າງເສັ້ນທາງລົດໄຟຄວາມໄວສູງ ລາວ-ຈີນ ທີ່ດຳເນີນການກໍ່ສ້າງມາໄດ້ກ່ວາ 41% ແລ້ວ ແລະໂຄງການກໍ່ສ້າງໂຮງຮຽນເຕັກນິກທາງລົດໄຟ ເພື່ອສະໜອງບຸກຄະລາກອນຮັບໃຊ້ທາງລົດໄຟຢູ່ ສປປ ລາວ, ໂຄງການກໍ່ສ້າງໂຮງໝໍມະໂຫສົດຫຼັງໃໝ່ ແລະ ໂຄງການອື່ນໆ.  ນອກນັ້ນ, ສອງຝ່າຍ ຍັງໄດ້ເປັນເອກະພາບກັນກໍານົດເອົາປີ 2019 ເປັນປີທ່ອງທ່ຽວ ລາວ-ຈີນ.

ສປປ ລາວ ຢືນຢັນສືບຕໍ່ສະແດງການສະໜັບສະໜູນຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຂອງ ສປ ຈີນ ເຊິ່ງມີນະໂຍບາຍເສີມຂະຫຍາຍ ແລະ ຮັດແໜ້ນການເຊື່ອມຈອດໃນພາກພື້ນກໍ່ຄືສາກົນ. ສອງຝ່າຍຕົກລົງສືບຕໍ່ເອົາໃຈໃສ່ປະສານສົມທົບກັນໃຫ້ລະອຽດເລິກເຊິ່ງ ແລະ ທັນການຂຶ້ນກ່ວາເກົ່າ ເພື່ອຮັບປະກັນການຈັດຕັ້ງປະຕິບັດໂຄງການຮ່ວມມືກໍ່ສ້າງເສັ້ນທາງລົດໄຟ ລາວ-ຈີນ ໃຫ້ສຳເລັດຕາມຄາດໝາຍທີ່ວາງໄວ້. ສືບຕໍ່ຮ່ວມມືຢ່າງແໜ້ນແຟ້ນໃນການເປັນປະທານຮ່ວມ ຂອງ ສປປ ລາວ ແລະ ສປ ຈີນ ໃນຂອບ ແມ່ນ້ຳຂອງ-ແມ່ນ້ຳລ້ານຊ້າງ ໃຫ້ໄດ້ຮັບຜົນດີ, ຊຶ່ງ ສປປ ລາວ ຈະໄດ້ເປັນເຈົ້າພາບຈັດກອງປະຊູມລະດັບລັດຖະມົນຕີ ໃນເດືອນ ທັນວາ 2018 ທີ່ນະຄອນຫຼວງພະບາງ.

ໃນໂອກາດນີ້, ຝ່າຍລາວ ກໍໄດ້ຂໍສະເໜີໃຫ້ ສປ ຈີນ ສືບຕໍ່ຊຸກຍູ້ນັກລົງທຶນຈີນ ໄປລົງທຶນຢູ່ ສປປ ລາວ ໃຫ້ຫລາຍຂຶ້ນ ໂດຍສະເພາະໃນຂະແໜງຕ່າງໆໃຫ້ຂະແໜງການທີ່ທັງສອງຝ່າຍມີທ່າແຮງ ເປັນຕົ້ນ: ກໍ່ສ້າງພື້ນຖານໂຄງລ່າງ, ຄົມມະນາຄົມຂົນສົ່ງ, ພະລັງງານ, ການທ່ອງທ່ຽວ, ອຸດສະຫະກໍາປຸງແຕ່ງ, ກະສິກໍາສະອາດ ແລະ ອື່ນໆ.

ນອກນັ້ນ, ທ່ານນາຍົກລັດຖະມົນຕີ ແລະ ຄະນະ ກໍໄດ້ໄປຢ້ຽມຢາມຫົວຫນ່ວຍການຜະລິດເສດຖະກິດສຳຄັນຂອງນະຄອນຊຽງໄຮ້ ແລະ  ໄດ້ຕ້ອນຮັບການເຂົ້າຢ້ຽມຂໍ່ານັບຂອງນັກລົງທຶນຈາກ ສປ ຈີນ ທີ່ໄປລົງທຶນຢູ່ ສປປ ລາວ ຈໍານວນໜຶ່ງ.