ລາວ​ສະ​ເຫ​ນີ​ແຫ​ລ່ງທ່ອງ​ທ່ຽວ 3 ​ແຫ່ງ​ຢູ່​ແຂວງຈຳປາ​ສັກຂຶ້ນຮັບ​ລາງວັນ​ຫ້ອງ​ນ້ຳສາທາລະນະ​ອາຊຽນ

ລາວ​ສະ​ເຫ​ນີ​ແຫ​ລ່ງທ່ອງ​ທ່ຽວ 3 ​ແຫ່ງ​ຢູ່​ແຂວງຈຳປາ​ສັກຂຶ້ນຮັບ​ລາງວັນ​ຫ້ອງ​ນ້ຳສາທາລະນະ​ອາຊຽນ - advert banner 728 90 728x90 - ລາວ​ສະ​ເຫ​ນີ​ແຫ​ລ່ງທ່ອງ​ທ່ຽວ 3 ​ແຫ່ງ​ຢູ່​ແຂວງຈຳປາ​ສັກຂຶ້ນຮັບ​ລາງວັນ​ຫ້ອງ​ນ້ຳສາທາລະນະ​ອາຊຽນ

ລາວ ກະກຽມລົງປະເມີນ 3 ແຫຼ່ງທ່ອງທ່ຽວສຳຄັນພາຍໃນແຂວງຈຳປາສັກ ເພື່ອຮັບລາງວັນຫ້ອງນ້ຳສາທາລະນະອາຊຽນ ແລະ ນຳສະເໜີຂໍຮັບລາງວັນ ຮ່ວມກັບມາດຕະຖານອື່ນໆຢູ່ໃນງານມະຫະກຳທ່ອງທ່ຽວອາຊຽນ ທີ່ ສສ ຫວຽດນາມ ເປັນເຈົ້າພາບໃນຕົ້ນ​ປີ 2019.
​ໃນ​ກ​ອງປະຊຸມເຜີຍແຜ່ມາດຕະຖານຫ້ອງນ້ຳສາທາລະນະອາຊຽນ, ​ໂດຍກົມພັດທະນາການທ່ອງທ່ຽວ ສົມທົບກັບ ພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງຈຳປາສັກ ​ເມື່ອ​ບໍ່ດົນ​ມານີ້, ໄດ້ເຊີນເອົາຂະແໜງການທີ່ກ່ຽວຂ້ອງ​ເພື່ອ​ພັດທະນາ​ວຽກງານ​ທ່ອງ​ທ່ຽວ​ໃຫ້​ມີ​ຄຸນ​ນະພາ​ບ, ຫົວໜ້າກົມພັດທະນາການທ່ອງທ່ຽວ ກະຊວງ ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ໃຫ້​ຮູ້​ວ່າ: ມາດຕະຖານຫ້ອງນ້ຳສາທາລະນະອາຊຽນ ເປັນ 1 ໃນ 7 ມາດຕະຖານການທ່ອງທ່ຽວອາຊຽນ ແນໃສ່ເພື່ອຮັບປະກັນຄຸນນະພາບ, ຄວາມສະດວກ, ຄວາມປອດໄພ ແລະ ການຈັດການສິ່ງເສດເຫຼືອທີ່ເໝາະສົມຂອງຫ້ອງນ້ຳສາທາລະນະ ຢູ່ໃນຈຸດໝາຍປາຍທາງການທ່ອງທ່ຽວພາຍໃນພາກພື້ນ ໄລຍະຜ່ານມາໄດ້ສຳເລັດການແປເອກະສານມາດຕະຖານຫ້ອງນ້ຳອາຊຽນ ແລະ ໄດ້ເຜີຍແຜ່ຢູ່ແຂວງ ຫຼວງພະບາງ ແລະ ສືບຕໍ່ລົງມາເຜີຍແຜ່ຢູ່ແຂວງ ຈຳປາສັກ ເພື່ອໃຫ້ຄະນະຮັບຜິດຊອບຂັ້ນແຂວງ ແລະ ກະຊວງ ສາມາດປະເມີນມາດຕະຖານຫ້ອງນ້ຳສາທາລະນະອາຊຽນ ເຊິ່ງຢູ່ແຂວງຈຳປາສັກໄດ້ຄັດເລືອກເອົາ 3 ສະຖານທີ່ທ່ອງທ່ຽວຄື: ຕາດເຍືອງ, ນ້ຳຕົກຕາດຄອນພະເພັງ ແລະ ມໍລະດົກໂລກວັດພູຈຳປາສັກ ເຊິ່ງເຫັນວ່າຈະໄດ້ມາດຕະຖານຫ້ອງນ້ຳສາທາລະນະອາຊຽນ ຊຶ່ງມີຢູ່ 4 ເງື່ອນໄຂຕົ້ນຕໍ ເປັນຕົວແທນຂອງອົງປະກອບການປະເມີນຄື: 1 ການອອກແບບ ແລະ ລະບົບການຄຸ້ມຄອງສະພາບແວດລ້ອມຂອງຫ້ອງນ້ຳ. 2 ອຸປະກອນ ແລະ ສິ່ງອຳນວຍຄວາມສະດວກຢູ່ໃນຫ້ອງນ້ຳ. 3 ຄວາມສະອາດຂອງຫ້ອງນ້ຳ ແລະ 4 ຄວາມປອດໄພ. ໂດຍ ການປະເມີນຕ່າງ​ບັນລຸ 70% ຫຼື 63 ຄະແນນຂຶ້ນໄປແມ່ນຜ່ານມາດຕະຖານ​ນີ້ ​ແລະ ຈະໄດ້ຮັບໃບຢັ້ງຢືນກໍານົດເວລາ 2 ປີ ແລ້ວປະເມີນໃໝ່ຕໍ່ໆ​ໄປ.

ລາວ​ສະ​ເຫ​ນີ​ແຫ​ລ່ງທ່ອງ​ທ່ຽວ 3 ​ແຫ່ງ​ຢູ່​ແຂວງຈຳປາ​ສັກຂຶ້ນຮັບ​ລາງວັນ​ຫ້ອງ​ນ້ຳສາທາລະນະ​ອາຊຽນ - lattana 1 - ລາວ​ສະ​ເຫ​ນີ​ແຫ​ລ່ງທ່ອງ​ທ່ຽວ 3 ​ແຫ່ງ​ຢູ່​ແຂວງຈຳປາ​ສັກຂຶ້ນຮັບ​ລາງວັນ​ຫ້ອງ​ນ້ຳສາທາລະນະ​ອາຊຽນ