ສ້າງຄວາມເຂັ້ມແຂງດ້ານເຕັກນິກວິຊາການກະສິກໍາ ແລະ ປ່າໄມ້ ໃຫ້ວິຊາການຂັ້ນແຂວງ ແລະ ຂັ້ນເມືອງ

ສ້າງຄວາມເຂັ້ມແຂງດ້ານເຕັກນິກວິຊາການກະສິກໍາ ແລະ ປ່າໄມ້ ໃຫ້ວິຊາການຂັ້ນແຂວງ ແລະ ຂັ້ນເມືອງ - advert banner 728 90 728x90 - ສ້າງຄວາມເຂັ້ມແຂງດ້ານເຕັກນິກວິຊາການກະສິກໍາ ແລະ ປ່າໄມ້ ໃຫ້ວິຊາການຂັ້ນແຂວງ ແລະ ຂັ້ນເມືອງ

ໃນວັນທີ 5-15 ພະຈິກນີ້, ກະຊວງກະສິກໍາ ແລະ ປ່າໄມ້ ໄດ້ຈັດຊຸດຝຶກອົບຮົມ ສ້າງຄູຝຶກດ້ານເຕັກນິກວິຊາການກະສິກໍາ ແລະ ປ່າໄມ້ ໃຫ້ພະນັກງານວິຊາການ ສູນສົ່ງເສີມເຕັກນິກກະສິກໍາ ແລະ ປ່າໄມ້ຂັ້ນແຂວງ ແລະ ສະຖານີບໍລິການເຕັກນິກກະສິກໍາ ແລະ ປ່າໄມ້ຂັ້ນເມືອງ ໃນຂອບເຂດທົ່ວປະເທດ, ຂຶ້ນທີ່ສູນພັດທະນາ ແລະ ບໍລິການດ້ານການກະເສດຫ້ວຍຊອນ-ຫ້ວຍຊົ້ວ ເມືອງນາຊາຍທອງ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ ແລະ ປ່າໄມ້ ແລະ ນັກສຳມານກອນເຂົ້າຮ່ວມ ຈໍານວນ 40 ທ່ານ. ເພື່ອແນໃສ່ສ້າງນັກພັດທະນາກະສິກໍາຂັ້ນບ້ານໃຫ້ມີຄວາມຮູ້ຄວາມສາມາດທາງດ້ານວິຊາການສູງຂຶ້ນ ນັບທັງດ້ານນິຕິກໍາຂອງຂະແໜງການກະສິກໍາ-ປ່າໄມ້ ແລະ ພັດທະນາຊົນນະບົດ, ການປັບປຸງດິນ, ມາດຕະຖານກະສິກໍາສະອາດ, ການຂະຫຍາຍແນວພັນສັດ, ການລ້ຽງສັດ, ການຈັດຕັ້ງກຸ່ມຜູ້ຊົມໃຊ້ນໍ້າ ແລະ ກຸ່ມການຜະລິດກະສິກໍາຕົວຈິງ.

ສ້າງຄວາມເຂັ້ມແຂງດ້ານເຕັກນິກວິຊາການກະສິກໍາ ແລະ ປ່າໄມ້ ໃຫ້ວິຊາການຂັ້ນແຂວງ ແລະ ຂັ້ນເມືອງ - lattana 1 - ສ້າງຄວາມເຂັ້ມແຂງດ້ານເຕັກນິກວິຊາການກະສິກໍາ ແລະ ປ່າໄມ້ ໃຫ້ວິຊາການຂັ້ນແຂວງ ແລະ ຂັ້ນເມືອງ

ໃນໂອກາດດັ່ງກ່າວ, ທ່ານ ລັດຖະມົນຕີ ກະຊວງ ກະສິກໍາ ແລະ ປ່າໄມ້ ໄດ້ຮຽກຮ້ອງໃຫ້ບັນດານັກສໍາມະນາກອນ ຕະຫຼອດຮອດຄະນະຮັບຜິດຊອບ ຈົ່ງພ້ອມກັນສຸມຈິດສຸມໃຈໃສ່ເຮັດໃຫ້ການຝຶກອົບຮົມຄັ້ງນີ້ໄດ້ຮັບຜົນຕາມແຜນການທີ່ວາງໄວ້.