ຜົນຮ້າຍຈາກການຂາດວິຕາມິນເບ 12

ຜົນຮ້າຍຈາກການຂາດວິຕາມິນເບ 12 - advert banner 728 90 728x90 - ຜົນຮ້າຍຈາກການຂາດວິຕາມິນເບ 12

     – ຄຸນປະໂຫຍດຂອງວິຕາມິນເບ 12 : ວິຕາມິນເບມີສ່ວນຊ່ວຍໃນການສ້າງແຊນເມັດເລືອດແດງ, ບຳລຸງປະສາດ ແລະ ສະໝອງ, ເສີມ້ສາງຂະບວນການສ້າງດີເອັນເອ ແລະ ຊ່ວຍເສີມການເຮັດວຽກຂອງລະບົບຕ່າງໆໃນຮ່າງກາຍ ໂດຍສະເລ່ຍແລ້ວໃນໄວເຮັດວຽກຄວນໄດ້ຮັບວິຕາມິນເບ 12 ມື້ລະ 2,4 ໄມໂຄຣກຣາມ ແລະ ວິຕາມິນເບ 12 ກໍຄືກັບວິຕາມິນຊະນິດອື່ນໆທົ່ວໄປທີ່ຮ່າງກາຍບໍ່ສາມາດສ້າງເອງໄດ້, ແຕ່ຕ້ອງໄດ້ຮັບຈາກອາຫານທີ່ກິນເທົ່ານັ້ນ.

ຜົນຮ້າຍຈາກການຂາດວິຕາມິນເບ 12 - lattana 1 - ຜົນຮ້າຍຈາກການຂາດວິຕາມິນເບ 12

     – ປັດໄຈສ່ຽງທີ່ອາດເຮັດໃຫ້ຮ່າງກາຍໄດ້ຮັບວິຕາມິນເບ 12 ໜ້ອຍເກີນໄປ. ຫາກທ່ານມີພຶດຕິກຳຕໍ່ໄປນີ້ ທ່ານອາດສ່ຽງໄດ້ຮັບວິຕາມິນເບ 12 ໜ້ອຍເກີນໄປ :

  1. ກິນແຕ່ພືດ ຫລື ກິນອາຫານເຈເປັນເວລາດົນ ແລະ ບໍ່ໄດ້ກິນວິຕາມິນເສີມ ເພາະວິຕາມິນເບ 12 ບໍ່ໄດ້ຢູ່ໃນຜັກ, ແຕ່ມີຢູ່ໃນຊີ້ນສັດ, ໄຂ່, ສັດປີກ, ອາຫານປະເພດນົມ ແລະ ອາຫານອື່ນໆທີ່ມາຈາກສັດ.
  2. ເຄີຍເຂົ້າຮັບການຜ່າຕັດເພື່ອຫລຸດນຳ້ໜັກ ເຊັ່ນ : ຜ່າຕັດຫລຸດຂະໜາດກະເພາະອາຫານ ເພາະຜົນຂ້າງຄຽງຈາກຜ່າຕັດໃນລັກສະນະນີ້ຈະເຮັດໃຫ້ການດູດຊຶມວິຕາມິນເບ 12 ຈາກອາຫານຫລຸດໜ້ອຍລົງ.
  3. ຄົນປ່ວຍພະຍາດໂຄລນ (Crohn’s Disease ຄວາມຜິດປົກກະຕິຊຳ້ເຮື້ອຂອງລຳໄສ້ໃຫຍ່ເຮັດໃຫ້ເກີດການລະຄາຍເຄືອງ  ແລະ ທາງເດີນອາຫານໃຄ່ບວມ) ແລະ ພະຍາດເຊລິແອກ (ລຳໄສ້ນ້ອຍອັກເສບ ບໍ່ສາມາດດູດຊຶມວິຕາມິນ ແລະ ເກືອແຮ່ໄດ້ເຕັມທີ່) ແລະ ຜູ້ທີ່ຕ້ອງກິນຢາຫລຸດກົດໃນກະເພາະອາຫານເປັນປະຈຳ ອາດເຮັດໃຫ້ຮ່າງກາຍດູດຊຶມວິຕາມິນເບ 12 ໄດ້ໜ້ອຍລົງ ເພາະວິຕາ ມິນເບ 12 ຈະດູດຊຶມໄດ້ຕ້ອງມີກົດໃນລະບົບທາງເດີນອາຫານນຳ.
  4. ອາຍຸທີ່ຫລາຍຂຶ້ນ ເຮັດໃຫ້ການຜະລິດນຳ້ຍ່ອຍ (ກົດ) ໃນກະເພາະອາຫານໜ້ອຍລົງໄປຕາມອາຍຸ ສ່ຽງຕໍ່ການດູດຊຶມວິຕາມິນເບ 12 ໜ້ອຍລົງໄປນຳ.

     – ອັນຕະລາຍຕໍ່ສຸຂະພາບຈາກການຂາດວິຕາມິນນເບ 12 :

  1. ລະບົບການຮັບຮູ້ຄວາມຮູ້ສຶກເຮັດວຽກຜິດປົກກະຕິ ເຊັ່ນ : ການຮັບຮູ້ລົດຊາດ ລື ການຮັບຮູ້ກິ່ນປ່ຽນໄປ.
  2. ມີອາການຊາ ຫລື ເປັນຈັງຊາ, ຂາປັ້ນ, ມື – ຕີນຊາ.
  3. ຍ່າງລຳບາກ, ຂາດການຄ່ອງແຄ້ວ (ຍ່າງເຊ ຂາທັງສອງເບື້ອງຍ່າງໄດ້ບໍ່ດຸ່ນດ່ຽງກັນ).
  4. ສ່ຽງເປັນພະຍາດເລືອດຈາງ.
  5. ລີ້ນບວມໃຄ່ ຫລື ອັກເສບ.
  6. ຄິດ ຫລື ວິເຄາະສິ່ງຕ່າງໆເພື່ອຫາເຫດຜົນບໍ່ຄ່ອຍໄດ້ ຫລື ຄວາມຊົງຈຳຫາຍໄປບາງສ່ວນ.
  7. ອົດກັ້ນການຂັບຖ່າຍບໍ່ຢູ່.
  8. ສຸຂະພາບໂດຍລວມອ່ອນແອ.
  9. ອ່ອນເພຍງ່າຍ.
  10. ວິຕົກກັງວົນ, ເຄັ່ງຄຽດງ່າຍ.
  11. ຊຶມເສົ້າ ຫລື ເຫັນພາບຫລອນ.
  12. ສ່ຽງຕໍ່ພະຍາດທີ່ກ່ຽວກັບລະບົບປະສາດ, ສະໝອງ ແລະ ເລືອດ.

     – ວິທີເພີ່ມປະລິມານວິຕາມິນເບ 12 ໃນຮ່າງກາຍ :

  1. ກິນວິຕາມິນເບ 12 ເສີມ ຈາກຄາບເຂົ້າປົກກະຕິ (ຄວນຮັບຄຳປຶກສາ ແລະ ກວດສຸຂະພາບຈາກແພດກ່ອນຊື້ມາກິນເອງ).
  2. ກິນອາຫານທີ່ມີວິຕາມິນເບ 12 ຫລາຍຂຶ້ນ ເຊັ່ນ : ຊີ້ນສັດ, ຊີ້ນປາ, ອາຫານທະເລ, ຜະລິດຕະພັນຈາກນົມຕ່າງໆ.

ວິຕາມິນເບ 12 ມີຄວາມສຳຄັນຕໍ່ຮ່າງກາຍໃນລະດັບທີ່ເຮົາບໍ່ຄວນຖືເບົາ ດັ່ງນັ້ນ ຫາກບໍ່ໝັ້ນໃຈວ່າໂຕເອງກຳລັງມີວິຕາມິນເບ12 ລວມເຖິງວິຕາມິນອື່ນໆພຽງພໍຫລືບໍ່ ຄວນປຶກສາແພດເພື່ອຮັບການ ກວດຮ່າງກາຍ ແລະ ຮັບຄຳແນະນຳໃນການກິນອາຫານ ຫລື ອາຫານເສີມຢ່າງຖືກຕ້ອງ.