ກິລາໂວວີນາມລາວ ຄວ້າອີກ 1 ຫລຽນຄຳ ຊີງແຊ້ມອາຊີ ຄັ້ງທີ 4 ທີ່ປະເທດອິນໂດເນເຊຍ

ກິລາໂວວີນາມລາວ ຄວ້າອີກ 1 ຫລຽນຄຳ ຊີງແຊ້ມອາຊີ ຄັ້ງທີ 4 ທີ່ປະເທດອິນໂດເນເຊຍ - advert banner 728 90 728x90 - ກິລາໂວວີນາມລາວ ຄວ້າອີກ 1 ຫລຽນຄຳ ຊີງແຊ້ມອາຊີ ຄັ້ງທີ 4 ທີ່ປະເທດອິນໂດເນເຊຍ

ໃນວັນ​ທີ 5 ພະຈິກນີ້, ຄະນະນັກກິລາໂວວີນາມ (Vovinam) ທີມຊາດລາວ ສູ້ຊົນຄວ້າໄດ້ອີກ 1 ຫລຽນຄຳ 1 ຫລຽນເງິນ 1 ຫລຽນທອງ ​ໃນການແຂ່ງຂັນໂວວີນາມ ຊີງແຊ້ມອາຊີ ຄັ້ງທີ 4 ທີ່ເກາະບາຫລີ ປະເທດອິນໂດເນເຊຍ ໂດຍຫລຽນຄຳໄດ້ຈາກປະເພດຟ້ອນຄູ່ຍິງປະກອບອາວຸດດາບຄູ່ ນາງ ມາລາ ຈັນທະລັກສາ ຄູ່ກັບ ນາງ ພິກສະໄຫມ ອິນສຸມັງ. ຫລຽນເງິນ​ໄດ້ຈາກນາງ ພິກສະໄຫມ ສີສຸມັງ ປະເພດຕໍ່ສູ້ ລຸ້ນນໍ້າໜັກ 42 ກິໂລ ແລະ ຫລຽນທອງຈາກນາງ ມາລາ ຈັນທະລັກສາ ປະເພດຕໍ່ສູ້ ລຸ້ນນໍ້າໜັກ 45 ກິໂລ .

ກິລາໂວວີນາມລາວ ຄວ້າອີກ 1 ຫລຽນຄຳ ຊີງແຊ້ມອາຊີ ຄັ້ງທີ 4 ທີ່ປະເທດອິນໂດເນເຊຍ - lattana 1 - ກິລາໂວວີນາມລາວ ຄວ້າອີກ 1 ຫລຽນຄຳ ຊີງແຊ້ມອາຊີ ຄັ້ງທີ 4 ທີ່ປະເທດອິນໂດເນເຊຍ

ກ່ອນໜ້ານີ້ ໄດ້ມາ 1 ຫລຽນຄຳ 1 ຫລຽນເງິນ ຈາກທ້າວ ໄພລັດ ທຳມະວົງສາ 1 ຫລຽນຄຳ ໄດ້ຈາກປະເພດຟ້ອນປະກອບອາວຸດກະບອງ ມີ 7 ປະເທດເຂົ້າຮ່ວມ ໄພລັດ ໄດ້ອັນດັບ 1, ທີ 2 ຫລຽນເງິນ ເປັນຂອງນັກກິລາຈາກຫວຽດນາມເຈົ້າຂອງກິລານີ້, ທີ 3 ຮ່ວມເປັນນັກກິລາຈາກກຳປູເຈຍ ແລະ ມຽນມາ.

ສ່ວນອີກ 1 ຫລຽນເງິນ ໄດ້ຈາກປະເພດຕໍ່ສູ້ ລຸ້ນນໍ້າໜັກ 64 ກິໂລ ມີ 6 ປະເທດເຂົ້າຮ່ວມ ຮອບຊີງເສຍໃຫ້ນັກກິລາຈາກອີຣານ ໄດ້ຫລຽນເງິນ, ຫລຽນທອງຮ່ວມນັກກິລາຈາກຈີນ ແລະ ອັບການິດສະຖານ.

ການແຂ່ງຂັນຄັ້ງນີ້ ມີນັກກິລາມາຈາກ 17 ປະເທດໃນອາຊີເຂົ້າຮ່ວມຊີງໄຊ, ລາວເຮົາສົ່ງຄະນະນັກກິລາເຂົ້າຮ່ວມ 5 ຄົນ ໃນນີ້ເປັນນັກກິລາ 3 ຄົນ. ແຂ່ງຂັນໃນວັນທີ 2-7 ພະຈິກນີ້.

ລາຍການຕໍ່ໄປຈະເຂົ້າຮ່ວມງານກິລາມະຫາວິທະຍາໄລອາຊຽນ 2018 ທີ່ມຽນມາ ໃນເດືອນທັນວາ ແລະ ແຂ່ງຂັນຢູ່ປະເທດບັງກະລາເດັດ.