ປາກຽວ ເຜີຍອາດເຈລະຈາຊົກກັບ ຟລອຍ ອີກປີໜ້າ

ປາກຽວ ເຜີຍອາດເຈລະຈາຊົກກັບ ຟລອຍ ອີກປີໜ້າ - advert banner 728 90 728x90 - ປາກຽວ ເຜີຍອາດເຈລະຈາຊົກກັບ ຟລອຍ ອີກປີໜ້າ

​ແມນ​ນີ ປາ​ກຽວ ລະບຸ​ເອງ ມີ​ໂອກາດ​ສູງ​ທີ່​ປີໜ້າ​ຕົນ​ກັບ ຟລອຍ ​ເມ​ເວດ​ເທີ​ ຈູ​ເນຍ ຈະ​ຫາລື​ກັນ​ເລື່ອງ​ກັບ​ມາ​ຊົກ ພ້ອມ​ກ່າວ​ວ່າ ການ​ຊົກກ່ອນ​ໜ້າ​ນີ້ ຕົນ​ບໍ່​ສົມຄວນ​ເສຍ.

ປາກຽວ ເຜີຍອາດເຈລະຈາຊົກກັບ ຟລອຍ ອີກປີໜ້າ - lattana 1 - ປາກຽວ ເຜີຍອາດເຈລະຈາຊົກກັບ ຟລອຍ ອີກປີໜ້າ

​ແມນ​ນີ ປາ​ກຽວ ນັກ​ມວຍ​ຊື່​ດັງ​ຊາວ​ຟີ​ລິບ​ປິນ ​ເປີດ​ເຜີຍ​ວ່າ: ມີ​ຄວາມ​ເປັນ​ໄປ​ໄດ້​ສູງ​ທີ່​ຕົນ​ກັບ ຟລອຍ ​ເມ​ເວດ​ເທີ ຈູ​ເນຍ ຈະ​ເຈລະຈາ​ເຖິງ​ເລື່ອງ​ການ​ກັບ​ມາ​ຊົກ​ກັນ​ໃນ​ປີໜ້າ.

ຫລາຍ​ຄົນ​ເຄີຍ​ຢາກ​ເຫັນ ປາ​ກຽວ ກັບ ​ເມ​ເວດ​ເທີ ຈູ​ເນຍ ມາ​ຊົກ​ກັນ​ຫລາຍ ຫລັງ​ຈາກ​ທັງ​ສອງ​ຕ່າງ​ເປັນ​ຍອດ​ນັກຊົກ​ແຫ່ງ​ຍຸກ ຈົນ​ໃນ​ທີ່​ສຸດ​ພວກ​ເຂົາ​ມາ​ຊົກ​ກັນ​ເມື່ອ​ປະມານ 3 ປີ​ກ່ອນ ​ໂດຍ​ຄັ້ງນີ້​ນັກຊົກ​ຊາວ​ອາ​ເມ​ລິ​ກາ​ຊະນະ​ຄະ​ແນນ​ໄປ​ແບບ​ເອກະສັນ.

​ເຖິງ​ຢ່າງ​ໃດ​ກໍ​ຕາມ, ປາ​ກຽວ ບໍ່ພໍ​ໃຈ​ຕໍ່​ຄຳ​ຕັດສິນ​ດັ່ງກ່າວ ​ເພາະ​ເບິ່ງ​ວ່າ ​ເມ​ເວດ​ເທີ ຈູ​ເນຍ ບໍ່​ໄດ້​ອອກ​ມັດ​ຫລາຍ ​ແລະ ​ແລ່ນ​​ໄປ​ແລ່ນ​ມາ​ອ້ອມ​ເວທີ​ຫລາຍ​ກວ່າ ​ເຊິ່ງນັ້ນ​ເຮັດ​ໃຫ້​ຜ່ານ​ມາ​ມີ​ກະ​ແສ​ກ່ຽວ​ກັບ​ການ​ກັບ​ຄືນ​ຊົກ​ຂອງ​ພວກ​ເຂົາ​ເລື້ອຍໆ.