ຜູ້ນຳອີຣານປະກາດຝ່າຝືນຂວ້ຳບາດ ອາເມລິກາ ແລະ ຂາຍນ້ຳມັນຕໍ່ໄປ

ຜູ້ນຳອີຣານປະກາດຝ່າຝືນຂວ້ຳບາດ ອາເມລິກາ ແລະ ຂາຍນ້ຳມັນຕໍ່ໄປ - advert banner 728 90 728x90 - ຜູ້ນຳອີຣານປະກາດຝ່າຝືນຂວ້ຳບາດ ອາເມລິກາ ແລະ ຂາຍນ້ຳມັນຕໍ່ໄປ

ທາງ​ການ​ອີຣານຕອບ​ໂຕ້​ອາ​ເມ​ລິ​ກາ​ທີ່​ຮື້ຟື້ນມາດ​ຕະການ​ຂວ້ຳບາດ​ຕໍ່​ອີຣານ ​ເຊິ່ງມີ​ຜົນ​ບັງຄັບ​ໃຊ້​ນັບ​ແຕ່​ວັນ​ທີ 5 ພະຈິກ ດ້ວຍ​ການ​ຊ້ອມ​ຮົບ​ທາງ​ອາກາດ. ປະທານາທິບໍດີ ຮັສຊັນ ​ໂຣຮາ​ນີ ກ່າວ​ວ່າ: ອີຣານກຳລັງ​ຜະ​ເຊີນ​ສົງຄາມ​ທາງ​ເສດຖະກິດ ​ແລະ ຍິ່ງ​ເພີ່ມ​ຄວາມ​ເຄັ່ງ​ຕຶງ​ໃນ​ຕາ​ເວັນ​ອອກ​ກາງ​ຫລາຍ​ຂຶ້ນ.

ຜູ້ນຳອີຣານປະກາດຝ່າຝືນຂວ້ຳບາດ ອາເມລິກາ ແລະ ຂາຍນ້ຳມັນຕໍ່ໄປ - lattana 1 - ຜູ້ນຳອີຣານປະກາດຝ່າຝືນຂວ້ຳບາດ ອາເມລິກາ ແລະ ຂາຍນ້ຳມັນຕໍ່ໄປ

ອາ​ເມ​ລິ​ກາ​ຮື້ຟື້ນມາດ​ຕະການ​ຂວ້ຳບາດ ​ແລະ ຢຸດ​ການ​ໃຫ້​ຜົນ​ປະ​ໂຫຍ​ດທາງ​ເສດຖະກິດ​ຕໍ່​ອີຣານຕາມ​ຂໍ້​ຕົກລົງ​ນິວ​ເຄຼຍປີ 2015 ທີ່​ຮ່ວມ​ລົງ​ນາມ​ໄວ້​ກັບປະ​ເທດ​ມະຫາ​ອຳນາດ, ​ແລກປ່ຽນ​ກັບ​ການ​ທີ່​ອີຣານຕ້ອງ​ປະຕິບັດ​ຕາມ​ຂໍ້​ຕົກລົງ​ຈຳກັດ​ການ​ເພີ່ມ​ສະມັດ​ຖະພາບ​ຢູ​​ເຣນຽມ. ​ແຜນ​ຂວ້ຳບາດ​ໃໝ່​ຂອງ​ອາ​ເມ​ລິ​ກາ​ມີ​ຈຸດ​ມຸ່ງ​ໝາຍ​​ໃສ່​ທຸລະ​ກິດ​ນ້ຳມັນ ​ເຊິ່ງ​ເປັນ​ລາຍ​ໄດ້​ສຳຄັນ​ຂອງ​ອີຣານ. ນອກຈາກ​ນີ້ ການ​ທີ່​ຄ່າ​ເງິນ​ອີຣານຫລຸດ​ລົງ​ໃນ​ປີຜ່ານມາ ຍິ່ງ​ເຮັດ​ໃຫ້​ລາຄາ​ສິນຄ້າ, ​ເຄື່ອງ​ໃຊ້, ​ໂທລະສັບ​ມື​ຖື ​ແລະ ຢາ ​​ເພີ່ມ​ຂຶ້ນ. ປະທານາທິບໍດີ ​ໂຣຮາ​ນີ ປະກາດ​ໃນ​ວັນ​ທີ 5 ພະຈິກ ​ເຊິ່ງມາດ​ຕະການ​ຂວ້ຳບາດ​ຂອງ​ອາ​ເມ​ລິ​ກາ​ເລີ່​ມມີ​ຜົນ​ບັງຄັບ​ໃຊ້​ວ່າ: ອີຣານຈະ​ຂາຍ​ນ້ຳມັນ​ຄື​ເກົ່າ ​ແລະ ກ່າວ​ຕໍ່​ຄະນະ​ລັດຖະບານ​ລະຫວ່າງ​ອອກ​ອາກາດ​ທາງ​ສະ​ຖາ​ນີ​ໂທລະພາບ​ທາງ​ການ​ວ່າ: ອີຣານຈະ​ເອົາ​ຊະນະ​ມາດ​ຕະການ​ຂວ້ຳບາດ​ໄດ້.