ລັດຖະມົນຕີ ຖວທ ເນັ້ນໃຫ້ພາກ​ລັດ-ເອກະຊົນເພີ່ມທະວີປັບປຸງບັນຍາກາດການທ່ອງ​ທ່ຽວໃຫ້ດີຂຶ້ນ

ລັດຖະມົນຕີ ຖວທ ເນັ້ນໃຫ້ພາກ​ລັດ-ເອກະຊົນເພີ່ມທະວີປັບປຸງບັນຍາກາດການທ່ອງ​ທ່ຽວໃຫ້ດີຂຶ້ນ - advert banner 728 90 728x90 - ລັດຖະມົນຕີ ຖວທ ເນັ້ນໃຫ້ພາກ​ລັດ-ເອກະຊົນເພີ່ມທະວີປັບປຸງບັນຍາກາດການທ່ອງ​ທ່ຽວໃຫ້ດີຂຶ້ນ

ໃນໂອກາດມີຄໍາເຫັນຕໍ່ກອງປະຊຸມປຶກສາ​ຫາລື​ກ່ຽວ​ກັບ​ການ​ແກ້​ໄຂ​ອຸປະສັກ​ໃນ​ຂົງ​ເຂດ​ວຽກ​ງານ​ທ່ອງ​ທ່ຽວລະຫວ່າ​ງພາກ​ລັດ ​ແລະ ພາກ​ທຸລະ​ກິດເມື່ອບໍ່ດົນມານີ້, ທ່ານລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ບໍ່ແສງຄໍາ ວົງດາລາ ໄດ້ເນັ້ນໃຫ້ສອງພາກສ່ວນເພີ່ມທະວີການຮ່ວມມື ແລະ ປະສານສົມທົບໃຫ້ແໜ້ນແຟ້ນກັນຫລາຍກວ່າເກົ່າ, ເພື່ອພ້ອມກັນແກ້ໄຂຂອດອັດຕັນ ແລະ ສິ່ງຫຍຸ້ງຍາກຕ່າງໆຕໍ່ຂະແໜງການທ່ອງທ່ຽວ, ແນໃສ່ເຮັດໃຫ້ບັນຍາກາດການທ່ອງທ່ຽວນັບມື້ດີຂຶ້ນ ແລະ ສາມາດດຶງດູດນັກທ່ອງທ່ຽວໃຫ້ເຂົ້າມາທ່ຽວປະເທດເຮົາຫລາຍຂຶ້ນ.

ລັດຖະມົນຕີ ຖວທ ເນັ້ນໃຫ້ພາກ​ລັດ-ເອກະຊົນເພີ່ມທະວີປັບປຸງບັນຍາກາດການທ່ອງ​ທ່ຽວໃຫ້ດີຂຶ້ນ - lattana 1 - ລັດຖະມົນຕີ ຖວທ ເນັ້ນໃຫ້ພາກ​ລັດ-ເອກະຊົນເພີ່ມທະວີປັບປຸງບັນຍາກາດການທ່ອງ​ທ່ຽວໃຫ້ດີຂຶ້ນ

ທ່ານ ບໍ່ແສງຄໍາ ວົງດາລາ ກ່າວວ່າ: ພາຍຫລັງປະເທດເຮົາ ​ໄດ້​ຈັດ​ພິທີ​ເປີດ​ປີ​ທ່ອງ​ທ່ຽວ 2018 ​ຂຶ້ນຢ່າງ​ເປັນ​ທາງ​ການຕິດພັນ​ກັບ​ພິທີ​ເປີດ​ງານ​ບຸນ​ນະມັດສະການ​ພະທາດ​ຫລວງ​ວຽງ​ຈັນ​ໃນ​ວັນ​ທີ 24 ຕຸລາ 2017 ​ຜ່ານ​ມາ, ແມ່ນກິດຈະກຳ​​ສຳຄັນເພື່ອ​ສົ່ງ​ເສີມ​ການທ່ອງທ່ຽວ​, ເສີມຂະຫຍາຍ​ການ​ອະນຸລັກ​ວັດທະນະທຳ​ທີ່​ເປັນ​ເອກະລັກ ​ແລະ ຮີດຄອງ​ປະ​ເພນີ​ອັນ​ດີງາມ​ຂອງຊາດ, ພ້ອມທັງສ້າງເງື່ອນໄຂກະຕຸກຊຸກຍູ້ລະບົບ​ເສດຖະກິດຂອງຊາດໃນ​ທາງ​ກົງ ​ແລະ ທາງ​ອ້ອມ, ​ໂດຍ​ສະ​ເພາະ​ແມ່ນ​ຫົວໜ່ວຍ​ທຸລະ​ກິດບໍລິການຕ່າງໆ​ທີ່​ປິ່ນ​ອ້ອມ​ຂະ​ແໜງການທ່ອງທ່ຽວໃຫ້ມີບັນຍາກາດຄຶກຄື້ນ ແລະ ຂະຫຍາຍຕົວເທື່ອລະກ້າວ, ຕາມເປົ້າໝາຍຂອງລັດຖະບານໃນປີທ່ອງທ່ຽວລາວ 2018 ນີ້ຄື: ຕ້ອງສູ້ຊົນດຶງດູດນັກທ່ອງທ່ຽວໃຫ້ເຂົ້າມາທ່ອງທ່ຽວພາຍໃນປະເທດບັນລຸ 5 ລ້ານເທື່ອຄົນ ແລະ ສ້າງລາຍຮັບເປັນເງິນຕາເຂົ້າປະເທດໃຫ້ໄດ້ຫລາຍກວ່າ 900 ລ້ານໂດລາສະຫະລັດ, ແຕ່ມາຮອດປັດຈຸບັນ ເຫັນວ່າມີນັກທ່ອງທ່ຽວເຂົ້າມາຍັງບໍ່ທັນຮອດ 3 ລ້ານເທື່ອຄົນ, ຊຶ່ງຍັງຢູ່ຫ່າງຕົວເລກທີ່ຄາດໝາຍໄວ້ຫລາຍສົມຄວນ. ສະນັ້ນ, ​ເພື່ອ​ຊຸກຍູ້ໃຫ້ວຽກງານທ່ອງທ່ຽວມີບັນຍາກາດຄືກຄື້ນຫລາຍຂຶ້ນ ແລະ ສາມາດຮອງຮັບການຂະຫຍາຍຕົວຂອງຂະແໜງການດັ່ງກ່າວ, ໃນຕໍ່ໜ້ານີ້, ພາກລັດ ແລະ ພາກເອກະຊົນ ຕ້ອງໄດ້ຈິງໃຈຮ່ວມມືກັນຊອກ​ຫາ​ຊ່ອງ​ທາງ​ແກ້​ໄຂ​ບັນດາອຸປະສັກ​ຕ່າງໆທີ່ຂັດໜ່ວງທ່ວງດຶງໃນ​ວຽກ​ງານ​ທ່ອງ​ທ່ຽວໃຫ້ຕົກໄປຢ່າງຂາດຕົວ, ​ເອົາໃຈ​ໃສ່​ປັບປຸງ​ຄຸນ​ນະພາ​ບ ​ແລະ ມາດຕະຖານ​ການທ່ອງທ່ຽວ​ໃຫ້​ສູງ​ຂຶ້ນ ເພື່ອ​ສ້າງ​ສິ່ງອໍານວຍຄວາມສະດວກ ແລະ ຄວາມ​ປະ​ທັບ​ໃຈ​ໃຫ້​ແກ່​ນັກ​ທ່ອງ​ທ່ຽວ​ທີ່​ຈະ​ເຂົ້າມາ​ຢ້ຽມຢາມປະເທດເຮົາໃຫ້ຫລາຍຂຶ້ນ.