11 ທັກສະທີ່ຄົນອາຍຸ 24 ປີຄວນຮູ້

11 ທັກສະທີ່ຄົນອາຍຸ 24 ປີຄວນຮູ້ - advert banner 728 90 728x90 - 11 ທັກສະທີ່ຄົນອາຍຸ 24 ປີຄວນຮູ້

ອາຍຸ 24 ປີ ເປັນຊ່ວງເວລາທີ່ມ່ວນທີ່ສຸດຂອງຊີວິດ ເພາະເປັນຊ່ວງທີ່ທ່ານຫາກໍຈະຮຽນຈົບຈາກມະຫາວິທະຍາໄລມາໄດ້ພຽງບໍ່ເທົ່າໃດປີ, ໄດ້ຮູ້ຈັກຄົນໃໝ່ໆ ແລະ ໄດ້ໂດດເຂົາສູ່ໂລກທີ່ແທ້ຈິງ. ໃນຂະນະດຽວກັນມັນກໍເປັນຊ່ວງເວລາທີ່ສຳຄັນ ເພາະໃນໄວ 24 ປີນັ້ນ ທ່ານກຳລັງຈະກາຍເປັນຜູ້ໃຫຍ່ຢ່າງແທ້ຈິງ ແລະ ການຕັດສິນໃຈໃດໆກໍອາດສົ່ງຜົນກັບທ່ານໄປທັງຊີວິດໄດ້.

11 ທັກສະທີ່ຄົນອາຍຸ 24 ປີຄວນຮູ້ - lattana 1 - 11 ທັກສະທີ່ຄົນອາຍຸ 24 ປີຄວນຮູ້
  1. ເປັນສຸດຍອດນັກຂາຍ : ການຂາຍແມ່ນຫລັກການພື້ນຖານຂອງຄວາມສຳເລັດໃນທຸລະກິດ ເຖິງວ່າການຂາຍຈະບໍ່ໄດ້ເປັນໜ້າທີ່ໂດຍກົງຂອງທ່ານ, ແຕ່ທ່ານກໍຍ່ອມກ່ຽວຂ້ອງກັບການຂາຍຢູ່ຕະຫລອດເວລາ ບໍ່ວ່າຈະເປັນການຂາຍຂະນະທີ່ເຮັດການຕະຫລາດລະຫ່ວາງວາງແຜນກັບທີມ, ການບໍລິການລູກຄ້າ, ການດູແລຈັດການຜະລິດຕະພັນ, ການປະຊຸມ, ການພັດທະນາທຸລະກິດແລະອື່ນໆ ການມີພື້ນຖານການຂາຍທີ່ດີຈະເຮັດໃຫ້ທ່ານໄດ້ປຽບເພື່ອນຮ່ວມງານຄົນອື່ນໆ.
  2. ກ້າວອອກມາຈາກຂອບເຂດຄວາມສະບາຍ : ອອກໄປສ້າງປະສົບການຈິງຂ້າງນອກແດ່ ລອງເຮັດທຸລະກິດ, ໂອ້ລົມກັບຜູ້ ຄົນ ຫລື ບໍ່ກໍຊວນໝູ່ອອກໄປເຮັດກິດຈະກຳທ້າທາຍຢູ່ນອກເມືອງ, ຝຶກສົນທະນາກັບຄົນກຸ່ມໃໝ່ຈົນຊ່ຽວຊານ ແລະ ແນ່ນອນວ່າຢ່າຈິງຈັງຫລາຍເກີນໄປຈົນເຮັດໃຫ້ໂຕເອງຮູ້ສຶກບໍ່ດີ.
  3. ເອົາດີໃຫ້ສຸດຈັກທາງໜຶ່ງ : ບໍ່ວ່າຈະແມ່ນທັກສະການຕັດຕໍ່ຮູບພາບ, ຮ້ອງເພງ, ເຕັ້ນລຳ, ຫລິ້ນດົນຕີ ເພາະຢ່າງໜ້ອຍຫາກມື້ໃດມື້ໜຶ່ງທ່ານຕົກຢູ່ໃນສະຖານະວ່າງງານ, ບໍ່ມີເຮືອນ, ບໍ່ມີໃຜຊ່ວຍເຫລືອ ທ່ານກໍຈະພໍປະທັງຊີວິດໂຕເອງໄປໄດ້ໂດຍການເປັນຄົນຮັບວຽກເສີມຈາກຄວາມສາມາດພິເສດເຫລົ່ານີ້.
  4. ສ້າງເຄືອຂ່າຍສັງຄົມທີ່ຄອຍສະໜັບສະໜູນທ່ານ : ເຮົາທຸກຄົນລ້ວນແຕ່ຕ້ອງການຄົນທີ່ຄອຍຊ່ວຍເຫລືອ ແລະ ສົ່ງເສີມ ເຮົາໃຫ້ໄດ້ພົບສິ່ງໃໝ່ໆ ບໍ່ວ່າຈະເປັນໂອກາດ, ໝູ່ເພື່ອນ, ໄອເດຍ ຫລື ແມ່ນແຕ່ວຽກ ລອງເອົາໃຈໃສ່ເລື່ອງການໃຫ້ຄຸນຄ່າກັບພວກ ເຂົາຫລາຍກ່ວາພຽງແຕ່ມາພົບກັນເທົ່ານັ້ນ ເພາະກົດສຳຄັນຂອງການສ້າງເຄືອຂ່າຍສັງຄົມບໍ່ໄດ້ຢູ່ບ່ອນວ່າທ່ານຮູ້ຈັກພວກເຂົາຈັກ ຄົນ, ແຕ່ແມ່ນການທີ່ທ່ານໄດ້ຊ່ວຍເຫລືອຄົນສຳຄັນເຫລົ່ານັ້ນຫລາຍປານໃດ.
  5. ຮຽນຮູ້ການຂຽນໂຄ໊ດໂປຣແກຣມ : ຮຽນຮູ້ການຂຽນ ແລະ ອ່ານໂຄ໊ດໂປຣແກຣມເປັນທັກສະທີ່ສຳຄັນສຳລັບໄວໜຸ່ມອາຍຸ 24 ປີ ເຖິງວ່າສິ່ງທີ່ທ່ານຮຽນມາຈະບໍ່ໄດ້ກ່ຽວຂ້ອງກັບເຕັກໂນໂລຊີກໍຕາມ ແຕ່ຢ່າງໜ້ອຍລຸ້ນຂອງພວກທ່ານກໍລຶ້ງເຄີຍກັບການໃຊ້ອຸປະກອນເອເລັກໂຕຣນິກເຫລົ່ານີ້ກັນດີກ່ວາຜູ້ໃຫຍ່ຢູ່ແລ້ວ ເພາະລຶ້ງເຄີຍກັບການໃຊ້ແທັບເລັດ, ສະມາດໂຟນ ຫລື ອຸປະກອນເຕັກໂນໂລຊີຕ່າງໆນາໆ ການຮຽນໂຄ໊ດໂປຣແກຣມເປັນເຄື່ອງມືສຳຄັນທີ່ມີປະໂຫຍດຕໍ່ອະນາຄົດຂອງທ່ານບໍ່ຕ່າງຈາກການຮຽນພາສາ.
  6. ຕົກຂຸມຮັກ : ແມ່ນແລ້ວ ຕົກຂຸມຮັກ ເພາະຄວາມຮັກແມ່ນຄວາມຮູ້ສຶກບໍລິສຸດທີ່ສຸດໃນບັນດາອາລົມທັງໝົດທັງປວງ ແລ້ວ ແມ່ນຫຍັງຈະງົດງາມໄປກ່ວາຄວາມຮັກອີກ ? ຫາກທ່ານບໍ່ເຄີຍຕົກຂຸມຮັກເລີຍ ສະແດງວ່າທ່ານໄດ້ພາດອີກໜຶ່ງຄວາມຮູ້ສຶກລຳ້ ເລິກຂອງມະນຸດໄປແລ້ວ.

     7.​ ຝຶກສະມາທິ : ໃນໂລກທີ່ເຕັມໄປດ້ວຍຄວາມສັບສົນວຸ້ນວາຍແບບນີ້ ການຝຶກສະມາທິເປັນເຄື່ອງມືດຽວທີ່ຈະເຮັດໃຫ້ທ່ານ ຈົດຈໍ່ກັບສິ່ງຕ່າງໆໄດ້ດີຂຶ້ນ. ການວິໄຈພົບວ່າການຝຶກສະມາທິພຽງ 20 ນາທີ ມີຜົນທຽບເທົ່າກັບການເຊືອບຫລັບ 2 ຊົ່ວໂມງ ມັນແມ່ນການບຳບັດຈິດທີ່ເຖິງວ່າຈະເສຍເວລາພຽງເລັກນ້ອຍ ແຕ່ສົ່ງຜົນດີໃນໄລຍະຍາວ. ການຝຶກສະມາທິອາດຕ້ອງໃຊ້ຄວາມຕັ້ງໃຈ ເພາະມັນບໍ່ແມ່ນເລື່ອງທີ່ຈະເຮັດໄດ້ງ່າຍພໍປານໃດ.

  1. ທ່ອງທ່ຽວໃຫ້ຫລາຍຂຶ້ນ : ລອງສ້າງແຮງບັນດານໃຈໃຫ້ຕົນເອງໂດຍວິທີການອອກໄປທ່ອງທ່ຽວ ເພາະການທ່ອງທ່ຽວຈະສອນໃຫ້ທ່ານໄດ້ພົບເລື່ອງລາວໃໝ່ໆໃນຊີວິດ ຫາກທ່ານອາໄສຢູ່ເຂດພາກໃຕ້ກໍລອງໄປທ່ອງທ່ຽວທາງພາກເໜືອ ຫລື ຖ້າທ່ານຢູ່ໃນເຂດຮ້ອນກໍລອງໄປທ່ອງທ່ຽວໃນເຂດໜາວ ຈະພາຍໃນ ຫລື ຕ່າງປະເທດກໍດີ ແລ້ວທ່ານຈະໄດ້ສຳຜັດໂລກມຸມໃໝ່, ໝູ່ໃໝ່ ແລະ ໄດ້ຝຶກທີ່ຈະມອບຄວາມຮັກໃຫ້ສິ່ງອ້ອມໂຕ.
  2. ໝັ່ນຫາຄວາມຮູ້ເປັນຕົ້ນທຶນຊີວິດ : ຢ່າເມົາແຕ່ນັ່ງເບິ່ງໂທລະພາບ ຫລື ທ່ຽວຫລິ້ນໄປແຕ່ລະມື້ ລອງອ່ານໜັງສືໃຫ້ຫລາຍຂຶ້ນ ຫລື ບໍ່ກໍເຂົ້າຮ່ວມງານສຳມະນາຕ່າງໆ ເພາະມັນຈະຊ່ວຍເພີ່ມຄຸນຄ່າໃຫ້ຊີວິດທ່ານ ແລະ ສ້າງຜົນກຳໄລຕໍ່ໂຕທ່ານເອງເມື່ອໄດ້ເຮັດວຽກ ຍິ່ງທ່ານລົງທຶນກັບຄວາມຮູ້ຫລາຍເທົ່າໃດ ທ່ານກໍຈະຍິ່ງໄດ້ລາຍຮັບຕອບແທນຫລາຍຂຶ້ນເທົ່ານັ້ນ.
  3. ເຊົາກັງວົນຢູ່ຕະຫລອດເວລາ : ຄວາມກັງວົນເປັນການດູດພະລັງງານໂດຍບໍ່ເກີດປະໂຫຍດ ເພາະວ່າຄວາມກັງວົນບໍ່ສາມາດປ່ຽນແປງຊີວິດ ຫລື ສະຖານະການຕ່າງໆໄດ້. ການວາງແຜນ ແລະ ລົງມືເຮັດຕ່າງຫາກທີ່ຈະນຳພາທ່ານໄປຍັງຈຸດທີ່ທ່ານຕ້ອງການໃນຊີວິດ. ລອງໃຊ້ຊີວິດແບບບໍ່ກັງວົນເບິ່ງ, ປັບທັດສະນະຄະຕິຕົນເອງໃໝ່ ແລະ ເບິ່ງແຍງສຸຂະພາບ, ເພີ່ມອາຫານສະໝອງດ້ວຍຄວາມຮູ້ ເຊິ່ງເຫລົ່ານີ້ຈະເປັນປະໂຫຍດກັບອະນາຄົດຂອງທ່ານ, ມີຄວາມສຸກກັບປະຈຸບັນ ແລ້ວເຝົ້າເບິ່ງຄວາມປ່ຽນແປງດີໆທີ່ຈະເກີດຂຶ້ນ.
  4. ເລີ່ມທ້ອນເງິນ : ບໍ່ວ່າທ່ານຈະເຮັດວຽກເພື່ອຄົນອື່ນ ຫລື ເພື່ອຕົນເອງ ທ່ານຄວນຝຶກທ້ອນເງິນຕັ້ງແຕ່ຕອນນີ້ ເງິນທ້ອນເທື່ອລະເລັກລະໜ້ອຍໃນແຕ່ລະເດືອນສາມາດປ່ຽນທ່ານເປັນຄົນຮັ່ງມີໄດ້ໃນ 20 ປີຂ້າງໜ້າ ແລະ ຍິ່ງທ່ານທ້ອນໄດ້ຫລາຍເທົ່າໃດຍ່ອມເຮັດໃຫ້ທ່ານຮັ່ງມີໄວຂຶ້ນເທົ່ານັ້ນ.