4 ວິທີເບິ່ງແຍງສຸຂະພາບຜິວໃນຍາມໜາວສຳລັບທ່ານຊາຍ

4 ວິທີເບິ່ງແຍງສຸຂະພາບຜິວໃນຍາມໜາວສຳລັບທ່ານຊາຍ - advert banner 728 90 728x90 - 4 ວິທີເບິ່ງແຍງສຸຂະພາບຜິວໃນຍາມໜາວສຳລັບທ່ານຊາຍ
  1. ຫລີກເວັ້ນການອາບນຳ້ອຸ່ນ : ເພາະຂໍ້ເສຍຂອງການອາບນຳ້ອຸ່ນໃນຍາມໜາວນັ້ນຈະເຮັດໃຫ້ຜິວໜັງສູນເສຍຄວາມຊຸ່ມຊື່ນຫລາຍຂຶ້ນ ສະນັ້ນ ຈຶ່ງຄວນຫລີກເວັ້ນການອາບນຳ້ອຸ່ນ ແລະ ຫັນມາອາບນຳ້ໃນອຸນຫະພູມທຳມະດາແທນ, ແຕ່ໃນກໍລະນີທີ່ມັກອາບນຳ້ອຸ່ນຢູ່ແລ້ວ ຫລື ອາກາດໃນຍາມນັ້ນໜາວຫລາຍເປັນພິເສດແທ້ໆ ແລະ ຫລີກເວັ້ນການອາບນຳ້ອຸ່ນບໍ່ໄດ້ ແນະນຳວ່າໃຫ້ໃຊ້ເວລາໃນການອາບນຳ້ອຸ່ນພຽງແຕ່ 5 – 10 ນາທີ ແລ້ວຮີບຟ້າວທາໂລຊັ່ນທີ່ມີມອຍເຈີໄຣເຊີເຂັ້ມຂຸ້ນທັນທີ ເພື່ອຊ່ວຍຮັກສາຄວາມຊຸ່ມຂອງຜິວຫລັງຈາກອາບນຳ້ແລ້ວທຸກເທື່ອ.
  2. ເບິ່ງແຍງຜິວໜ້າ ແລະ ຜິວກາຍໂດຍການທາໂລຊັ່ນທີ່ໃຫ້ຄວາມຊຸ່ມຊື່ນ : ໃນຍາມໜາວ ຜິວຈະມີຄວາມບອກບາງຫລາຍກ່ວາປົກກະຕິ ດັ່ງນັ້ນຈຶ່ງຕ້ອງເອົາໃຈໃສ່ໃນການເລືອກໂລຊັ່ນມາບຳລຸງຜິວໃຫ້ເໝາະສົມກັບຜິວ ແລະ ສະພາບອາກາດ ໂດຍຄວນເລືອກຜະລິດຕະພັນທີ່ເປັນສູດອ່ອນໂຍນ ແລະ ຊ່ວຍໃຫ້ຜິວຮັກສາຄວາມຊຸ່ມຊື່ນໄວ້ໄດ້ດົນຂຶ້ນ ເຊິ່ງແນະນຳວ່າຢ່າເລືອກຜະລິດຕະພັນມາບຳລຸງຜິວຫລາຍຊະນິດເກີນໄປ ເພາະອາດເຮັດໃຫ້ຜິວເກີດການລະຄາຍເຄືອງຈາກສານເຄມີໄດ້ ລວມເຖິງຍິ່ງເຮັດໃຫ້ຜິວຖືກທຳຮ້າຍຫລາຍຍິ່ງຂຶ້ນຕື່ມອີກ.
  3. ໝັ່ນທາຮີມສົບດ້ວຍລິບສະຕິກມັນ ຫລື ລິບບາມ : ໃນຍາມໜາວທີ່ມີລົມເຢັນພັດຜ່ານ ຄວາມຊຸ່ມຈາກຮີມສົບຈະຖືກອາກາດດູດອອກໄປ ກາຍເປັນໂຕທຳລາຍຄວາມຫົດຢືດຂອງແຊນ ຈຶ່ງມີຜົນເຮັດໃຫ້ຮີມສົບຂາດຄວາມຊຸ່ມຊື່ນ ເຮັດໃຫ້ຜິວບໍລິເວນຮີມສົບແຫ້ງ ແລະ ລອກໄດ້. ດັ່ງນັ້ນ ວິທີທີ່ງ່າຍສຸດຂອງການເບິ່ງແຍງຮີມສົບໃນຍາມໜາວກໍແມ່ນການທາລິບສະຕິກມັນ ຫລື ລິບບາມເພື່ອເພີ່ມຄວາມຊຸ່ມຊື່ນໃຫ້ກັບຮີມສົບ ແລະ ປ້ອງກັນບໍ່ໃຫ້ຮີມສົບແຫ້ງລອກ.
  4. ດື່ມນຳ້ໃຫ້ພຽງພໍ : ການດື່ມນຳ້ໃຫ້ພຽງພໍຢ່າງໜ້ອຍສຸດແມ່ນ 8 ຈອກຕໍ່ມື້ ຈະຊ່ວຍຕື່ມຄວາມຊຸ່ມຊື່ນໃຫ້ແກ່ຮ່າງກາຍ ແລະ ຜິວໄດ້ ດັ່ງນັ້ນ ວິທີປ້ອງກັນຜິວແຫ້ງແບບງ່າຍໆກໍແມ່ນການໝັ່ນດື່ມນຳ້ເທື່ອລະໜ້ອຍ ເພື່ອບໍ່ໃຫ້ເກີດອາການຂາດນຳ້ ແລະ ເພື່ອຜິວທີ່ຊຸ່ມຂຶ້ນ ປະໂຫຍດຂອງນຳ້ຍັງມີສ່ວນຊ່ວຍໃນການລຳລຽງສານໄປຍັງພາກສ່ວນຕ່າງໆຂອງຮ່າງກາຍ ຊ່ວຍໃນການຂັບຖ່າຍຂອງເສຍອອກຈາກຮ່າງກາຍ ບໍ່ວ່າຈະແມ່ນເຫື່ອ ຫລື ນຳ້ຍ່ຽວ ຍັງຊ່ວຍໃຫ້ອາຈົມບໍ່ແຂງຈົນເກີນໄປ. ນອກຈາກນີ້, ນຳ້ຍັງຊ່ວຍໃນການປັບຄວາມດຸ່ນດ່ຽງພາຍໃນຮ່າງກາຍນຳອີກ.
4 ວິທີເບິ່ງແຍງສຸຂະພາບຜິວໃນຍາມໜາວສຳລັບທ່ານຊາຍ - lattana 1 - 4 ວິທີເບິ່ງແຍງສຸຂະພາບຜິວໃນຍາມໜາວສຳລັບທ່ານຊາຍ