ປ໊ອກບາ ປະກາດຍັງມີຄວາມສຸກກັບ ແມນຢູ

ປ໊ອກບາ ປະກາດຍັງມີຄວາມສຸກກັບ ແມນຢູ - advert banner 728 90 728x90 - ປ໊ອກບາ ປະກາດຍັງມີຄວາມສຸກກັບ ແມນຢູ

ປໍ ປ໊ອກບາ ມິດ​ຟິລ ​ແມນ​ເຊັສ​ເຕີ ຢູ​ໄນ​ເຕັດ ປະກາດ​ແຈ້ງ ຍັງ​ມີ​ຄວາມສຸກ​ກັບ​ການ​ຫລິ້ນ​ໃຫ້​ທີ​ມຄື​ເກົ່າ ພ້ອມ​ກ່າວ​ວ່າ: ບໍ່​ໄດ້​ຄຽດ​ທີ່​ຖືກ ​ໂຊ​​ເຊ ມູຣິນ​ໂຢ ປົດ​ຈາ​ກການ​ເປັນ​ຮອງ​ກັບຕັນ​ທີ​ມ.

ປ໊ອກບາ ປະກາດຍັງມີຄວາມສຸກກັບ ແມນຢູ - lattana 1 - ປ໊ອກບາ ປະກາດຍັງມີຄວາມສຸກກັບ ແມນຢູ

ປໍ ປ໊ອກບາ ກອງ​ກາງຄົນ​ດັງ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ອັງກິດ ກ່າວ​ວ່າ​ຕົນ​ເອງ​ຍັງ​ມີ​ຄວາມສຸກ​ກັບ​ທີ​ມຢູ່ ຫລັງ​ຈາກ​ກ່ອນ​ໜ້າ​ນີ້​ມີ​ຂ່າວ​ລື​ວ່າ ລາວ​ຢາກ​ບອກ​ລາ ​ແມນ​ຢູ​ໄນ​ເຕັດ ​ແລ້ວ.

ຫລາຍ​ເດືອນ​ຜ່ານ​ມາ ມີ​ຂ່າວ​ລື​ອອກ​ມາ​ເລື້ອຍໆ​ວ່າ ປ໊ອກບາ ມີ​ການ​ພົວພັນ​ທີ່​ບໍ່​ຄ່ອຍ​ດີ​ກັບ ​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມຊາວ​ໂປຣຕຸ​​​ເກສ ຈົນ​ເຮັດ​ໃຫ້​ອະນາຄົດ​ຂອງ​ລາວ​ໃນ​ຖິ່ນ ​ໂອລ ​ແທຣັບຟອດ ອາດ​ຈະ​ຈົບ​ລົງ​ໃນ​ອະນາຄົດ​ອັນ​ໃກ້​ນີ້ ​ໂດຍ​ມີ​ລາຍ​ງານ​ວ່າ ບາ​ເຊ​ໂລ​ນາ ສົນ​ໃຈ​ຈະ​ດຶງ​ລາວ​ໄປ​ຮ່ວມ​ທີ​ມ.

ປ໊ອກບາ ກ່າວ​ກ່ອນ​ເກ​ມ ຢູຟາ ​ແຊມ​ປ້ຽນລີກ ຮອບ​ແບ່ງ​ກຸ່ມ ກຸ່ມ H ນັດ​ພົບ​ກັບ ຢູ​ເວນ​ຕຸ​ສ ວ່າ: ຂ້ອຍ​ເປັນ​ພຽງ​ນັກ​ແຕ່​ຄົນ​ໜຶ່ງ ຂ້ອຍ​ເຮັດ​ໃນ​ສິ່ງ​ທີ່​ເຂົາ​ບອກ​ໃຫ້​ເຮັດ ​ເພາະ​ເຂົາ​ເປັນ​ເຈົ້ານາຍ ​ເຂົາ​ເປັນ​ຜູ້​ຈັດການ​ທີ​ມ ຂ້ອຍ​ຮັບ​ຟັງ​ສິ່ງ​ທີ່​ເຂົາ​ເວົ້າດ້ວຍ​ດີ ຂ້ອຍ​ພໍ​ໃຈ​ຕໍ່​ເລື່ອງ​ນັ້ນ ຂ້ອຍ​ຮັບ​ຟັງ ​ແລະ ​ເຮັດ​ມັນ​ໃນ​ແບບ​ທີ່​ມີ​ຄວາມສຸກ​ເຕັມທີ່.

ດາວ​ເຕະ​ຊາວ​ຝຣັ່ງ ກ່າວ​ອີກ​ວ່າ ບໍ່​ຮູ້ສຶກ​ຄຽດ​ທີ່​ຖືກ ມູຣິນ​ໂຢ ປົດ​ອອກ​ຈາກ​ການ​ເປັນ​ຮອງ​ກັບຕັນ​ທີ​ມ.