ຜູ້ສົ່ງອອກສົນໃຈຈີນຫລັງອາເມລິກາ ບໍ່ເຂົ້າຮ່ວມໃນເວທີການຄ້າໂລກ

ຜູ້ສົ່ງອອກສົນໃຈຈີນຫລັງອາເມລິກາ ບໍ່ເຂົ້າຮ່ວມໃນເວທີການຄ້າໂລກ - advert banner 728 90 728x90 - ຜູ້ສົ່ງອອກສົນໃຈຈີນຫລັງອາເມລິກາ ບໍ່ເຂົ້າຮ່ວມໃນເວທີການຄ້າໂລກ

ການ​ທີ່​ອາ​ເມ​ລິ​ກາບໍ່​ຍອມ​ເຂົ້າຮ່ວມ​ງານ​ສະ​ແດງ​ສິນຄ້າ​ທີ່​ຈັດ​ຂຶ້ນຢ່າງ​ຍິ່ງ​ໃຫຍ່​ໃນ​ນະຄອນ​ຊຽງ​ໄຮ ​ເຮັດ​ໃຫ້​ກຸ່ມ​ຜູ້​ສົ່ງ​ອອກ​ຕ່າງປະ​ເທດ​ກ່າວ​ວ່າ: ຍິ່ງ​ເຮັດ​ໃຫ້​ພວກ​ເຂົາ​ຕິດ​ຕໍ່​ໃກ້ຊິດ​ກັບ​ຈີນ​ຫລາຍ​ຂຶ້ນ.

ຜູ້ສົ່ງອອກສົນໃຈຈີນຫລັງອາເມລິກາ ບໍ່ເຂົ້າຮ່ວມໃນເວທີການຄ້າໂລກ - lattana 1 - ຜູ້ສົ່ງອອກສົນໃຈຈີນຫລັງອາເມລິກາ ບໍ່ເຂົ້າຮ່ວມໃນເວທີການຄ້າໂລກ

ມະຫາ​ກຳ​ສະ​ແດງ​ສິນຄ້າ​ນຳ​ເຂົ້າ​ໄຊ​ນາ ອິນ​ເຕີ​ເນ​ຊັນ​ແນ​ລ ອິມພອດ ​ເອັກ​ໂປ ທີ່​ເລີ່​ມມາ​ແຕ່​ວັນ​ທີ 5 ພະຈິກ ​ໂດຍ​ມີ​ບໍລິສັດ​ຕ່າງປະ​ເທດ​ຫລາຍ​ພັນ​ແຫ່ງ​ນຳ​ສິນຄ້າ​ມາ​ຮ່ວມ​ວາງສະ​ແດງ​ສຳລັບ​ຜູ້​ຊື້​ໃນ​ຈີນ ປະກອບ​ມີ​ເຮ​ລິ​ກອບ​ແຕອີ​ຕາລີ, ຂົນ​ສັດ​ກາ​ນາ​ດາ, ຊິ​ກາ​ໂດ​ມິ​ນິກັນ ​ແລະ ປາສົດ​ຈາກ​ຍີ່ປຸ່ນ. ຈີນ​ຫວັງ​ວ່າການ​ຈັດ​ງານ​ສະ​ແດງ​ສິນຄ້າ​ນຳ​ເຂົ້າປະຈຳ​ປີ​​ເທື່ອ​ທຳ​ອິດ​ຈະ​ເປັນ​ການ​ປູ​ທາງ​ໄປ​ສູ່​ເສັ້ນທາງ​ເສດຖະກິດ​ໂລກ. ປະທານ​ປະ​ເທດ ສີ​ຈິ້ນຜິ​ງ ກ່າວ​ໃນ​ພິທີ​ເປີດ​ວ່າ: ຈະ​ນຳ​ເຂົ້າສິນຄ້າ ​ແລະ ບໍລິການ​ຈາກ​ຕ່າງປະ​ເທດ​ຄິດ​ເປັນ​ມູນ​ຄ່າ 30 ຕື້​ໂດ​ລາ​ ​ໃນ​ໄລຍະ 15 ປີ​ຕໍ່ໜ້າ. ຂະນະ​ທີ່​ອາ​ເມ​ລິ​ກາ​ບໍ່​ເຂົ້າຮ່ວມ​ງານ ທ່າມກາງ​ຄວາມ​ຂັດ​ແຍ່ງ​ທີ່​ເພີ່ມ​ຂຶ້ນຈາກ​ການ​ໃຊ້​ມາດ​ຕະການ​ພາສີ​ຕອບ​ໂຕ້​ກັນ​ກັບ​ຈີນ ​ໂດຍ​ປະທານາທິບໍດີ ​ໂດ​ນັລ ທຣຳ ກ່າວ​ຫາ​ວ່າການ​ຄ້າ​ກັບ​ຈີນ​ບໍ່​ເປັນ​ທຳ. ສ່ວນ​ເຈົ້າໜ້າ​ທີ່ ​ແລະ ຜູ້​ປະກອບ​ການ​ທຸ​ລະ​ກິດ​ຕ່າງໆ​ທີ່​ມາ​ຮ່ວມ​ງານ​ໃນ​ນະຄອນ​ຊຽງ​ໄຮ ກ່າວ​ວ່າ: ນະ​ໂຍບາຍ​ທາງ​ການ​ຄ້າ​ຂອງ​ປະທານາທິບໍດີ​ອາ​ເມ​ລິ​ກາ​ຍິ່ງ​ເຮັດ​ໃຫ້​ພວກ​ເຂົາ​ສົນ​ໃຈ​ເຂົ້າຮ່ວມ​ທຸລະ​ກິດ​ກັບ​ຈີນ​ຫລາຍ​ຂຶ້ນ.