ການເຕີບໃຫຍ່ ກໍຈົ່ງໃຫ້ເທົ່າທຽມ

ການເຕີບໃຫຍ່ ກໍຈົ່ງໃຫ້ເທົ່າທຽມ - advert banner 728 90 728x90 - ການເຕີບໃຫຍ່ ກໍຈົ່ງໃຫ້ເທົ່າທຽມ

ການພັດທະນາເສດຖະກິດ-ສັງຄົມນັ້ນ ສ່ວນໃຫຍ່ໃຜໆກໍແລ່ນນຳແຕ່ຕົວເລກ ເພື່ອເຮັດໃຫ້ພໍໃຈວ່າ ປີນີ້ ການຈະເລີນເຕີບໂຕ ເທົ່ານັ້ນ ເທົ່ານີ້ ສ່ວນຮ້ອຍ ແຕ່ອີກເບື້ອງໜຶ່ງທີ່ຍັງບໍ່ທັນເອົາຫົວໃສ່ໃຈຊາເທົ່າທີ່ຄວນ ກໍແມ່ນ ຄວາມເທົ່າທຽມໃນສັງຄົມ.

ການເຕີບໃຫຍ່ ກໍຈົ່ງໃຫ້ເທົ່າທຽມ - lattana 1 - ການເຕີບໃຫຍ່ ກໍຈົ່ງໃຫ້ເທົ່າທຽມ

ການເຕີບໃຫຍ່ ກໍຈົ່ງໃຫ້ເທົ່າທຽມ - 40612704 534025943685575 1118676514880094208 n - ການເຕີບໃຫຍ່ ກໍຈົ່ງໃຫ້ເທົ່າທຽມການເຕີບໃຫຍ່ ກໍຈົ່ງໃຫ້ເທົ່າທຽມ - 40612704 534025943685575 1118676514880094208 n - ການເຕີບໃຫຍ່ ກໍຈົ່ງໃຫ້ເທົ່າທຽມ

ສປປລາວ ເປັນປະເທດທີ່ມີເສດຖະກິດຂະຫຍາຍຕົວຢ່າງຕໍ່ເນື່ອງມາໄດ້ຫຼາຍປີ, ບັນດາປະເທດອື່ນໆ ທັງໃກ້ ແລະໄກໃຜກໍສະອອນ ຍ້ອນສາມາດດຶງດູດຄວາມສົນໃຈ ຈາກນັກລົງທຶນຕ່າງປະເທດເຂົ້າມາລົງທຶນ ຫຼາກຫຼາຍໂຄງການ ເພາະເຫັນທ່າແຮງອັນຫຼາກຫຼາຍ ໃນການພັດທະນາ ໂດຍສະເພາະມຸ່ງເນັ້ນໃສ່ຂະແໜງການທີ່ກ່ຽວຂ້ອງກັບຊັບພະຍາກອນທຳມະຊາດ ອັນອຸດົມສົມບູນຂອງປະເທດເຮົາ ເຮັດໃຫ້ລາຍໄດ້ລວມແຫ່ງຊາດສະເລ່ຍໃສ່ຫົວຄົນ ປີ 2018​ ໄດ້ຮອດ 1,996 ໂດລາສະຫະລັດ.

ເພາະສະນັ້ນ, ຈຶ່ງເຮັດໃຫ້ບັນດາຕົວຊີ້ວັດທາງດ້ານສັງຄົມກໍດີຂຶ້ນຕາມລຳດັບ, ຕົວຢ່າງ ອາຍຸຍືນສະເລ່ຍ ເພີ່ມຂຶ້ນ ເປັນ 67 ປີ ໃນປີ 2017, ພ້ອມນັ້ນ ດັດສະນີ ການພັດທະນາມະນຸດກໍເພີ່ມ 50% ຕັ້ງແຕ່ 1990. ອັນນີ້ສະແດງໃຫ້ເຫັນວ່າ ການພັດທະນາເຮົາບໍ່ສະເພາະແຕ່ເລື່ອງລາຍຮັບທີ່ສະເລ່ຍໃສ່ກັນ ແຕ່ຍັງຊ່ວຍໃຫ້ຄົນເຮົາມີຊີວິດທີ່ດີຂຶ້ນ ຈຶ່ງເຮັດໃຫ້ອາຍຸຍືນຍາວຂຶ້ນກວ່າເກົ່າ.

ແຕ່ແນວໃດກໍຕາມ, ອີງຕາມການລາຍງານຫຼັກສຸດຂອງອົງການສະຫະປະຊາຊາດ ເພື່ອການພັດທະນາໃຫ້ຮູ້ວ່າ ຄວາມບໍ່ເທົ່າທຽມໃນສັງຄົມ ຍັງເປັນສິ່ງທ້າທ້າຍທີ່ສຳຄັນຂອງ ສປປ ລາວ, ໃນເມື່ອຄ່າຂອງດັດສະນີການພັດທະນາມະນຸດ ດັດປັບເປັນຄວາມບໍ່ເທົ່າທຽມແລ້ວຫຼຸດລົງຮອດ 26% ເຊິ່ງສະແດງວ່າ ຄວາມບໍ່ເທົ່າທຽມໃນສັງຄົມລາວເຮົາຍັງສູງສົມຄວນຖ້າທຽບໃສ່ປະເທດອື່ນໆ ໃນພາກພື້ນແມ່ນຫຼຸດລົງພຽງແຕ່ປະມານ 15%.

ຄວາມບໍ່ເທົ່າທຽມຂອງ ສປປລາວ ຍັງສະທ້ອນໃຫ້ເຫັນຈະແຈ້ງຂຶ້ນ ເມື່ອເກີດວິກິດ ແລະໄພພິບັດຕ່າງໆ ເພາະປະຊາຊົນໃນເຂດຊົນນະບົດ ທີ່ລາຍຮັບຕໍ່າຢູ່ແລ້ວ ແລະທັງຫຍຸ້ງຍາກ ໃນການເຂົ້າເຖິງການບໍລິການ ຕ່າງໆນັ້ນ ເມື່ອຖືກຜົນກະທົບ ທີ່ໜັກໜ່ວງທີ່ບໍ່ຄາດຝັນ ແມ່ນມີຄວາມຫຍຸ້ງຍາກ ໃນການຟື້ນຟູ ຊີວິດການເປັນຢູ່ຂອງຕົນເອງໃຫ້ກັບຄືນສູ່ປົກກະຕິ ຫຼື ດີຂຶ້ນກວ່າເກົ່າ.

ໃນທ້າຍປີ 2015 ຜູ້ນຳຂອງ ສປປລາວ ແລະ ບັນດາປະເທດສະມາຊິກອົງການສະຫະປະຊາຊາດ ໄດ້ຮັບຮອງເອົາເປົ້າໝາຍການພັດທະນາຍືນຍົງ ທີ່ມີວາລະການຈັດຕັ້ງປະຕິບັດຮອດປີ 2030, ໃນນັ້ນມີທັງໝົດ 17 ເປົ້າໝາຍ ແຕ່ສຳລັບ ສປປລາວ ມີ 18 ເປົ້າໝາຍ ເພາະພວກເຮົາເອົາ ວຽກງານການເກັບກູ້ລະເບີດຍັງບໍ່ທັນແຕກຕຶ່ມໃສ່, ເປົ້າໝາຍທີ 10 ແມ່ນເວົ້າສະເພາະການຫຼຸດຜ່ອນ ຄວາມບໍ່ເທົ່າທຽມໃຫ້ໄດ້ ຮອດປີ 2030.

ພ້ອມນັ້ນ, ສປປລາວເຮົາ ກຳນົດໃຫ້ 2024 ເປັນປີແຫ່ງ ການປະກາດປະເທດ ໃຫ້ຫຼຸດພົ້ນຈາກ ສະຖານະພາບປະເທດດ້ອຍພັດທະນາ ເຊິ່ງກໍເຊື່ອໝັ້ນວ່າ ລັດຖະບານ ໄດ້ຖືເອົາການພັດທະນາທີ່ມີສ່ວນຮ່ວມ ເຊິ່ງໝາຍເຖິງປະຊາຊົນ ທຸກຊົນເຜົ່າໄດ້ຮັບຜົນປະໂຫຍດຢ່າງເທົ່າທຽມກັນ ຈາກການພັດທະນາ, ບໍ່ປ່ອຍປະ ໃຫ້ໃຜຢູ່ຕາມຫຼັງໝຼ່, ທຸກຜູ້ທຸກນາມ ສາມາດເຂົ້າເຖິງການບໍລິການສາທາລະນະສຸກ, ການສຶກສາ ແລະການບໍລິການອື່ນໆ ຢ່າງເທົ່າທຽມກັນ.