10 ອາຫານກິນແລ້ວເຮັດໃຫ້ໜ້າອ່ອນຄືເດັກນ້ອຍ

10 ອາຫານກິນແລ້ວເຮັດໃຫ້ໜ້າອ່ອນຄືເດັກນ້ອຍ - advert banner 728 90 728x90 -  10 ອາຫານກິນແລ້ວເຮັດໃຫ້ໜ້າອ່ອນຄືເດັກນ້ອຍ
  1. ໝາກແຕງແຄນຕາລູບ : ມີເບຕ້າແຄໂຣທີນ ແລະ ວິຕາມິນ A ຊ່ວຍຄວບຄຸມການເຕີບໃຫຍ່ຂອງແຊນຜິວຢູ່ໜັງຫົວ ແລະ ໄຂມັນຢູ່ຜິວໜັງຊັ້ນນອກ ໂດຍຈະຂັດຂວາງບໍ່ໃຫ້ຮູຂຸມຂົນອັດຕັນ ແລະ ຜິວແຫ້ງລອກ.
  2. ໝາກອະໂວກາໂດ້ : ມີກົດໂອເລອິກ ແລະ ໄຂມັນໂອເມກ້າ 9 ຊ່ວຍໃຫ້ຜິວຮັກສາຄວາມຫົດຢືດຊຸ່ມຊື່ນ ແລະ ອ່ອນນຸ້ມ.
  3. ຖົ່ວວອນນັດ : ມີໄຂມັນໂອເມກ້າ 3 ເຮັດໃຫ້ຜິວບໍ່ແຫ້ງ ແລະ ມີວິຕາມິນ E ຟື້ນຟູ ແລະ ເຮັດໃຫ້ຮູຂຸມຂົນນ້ອຍລົງ. ຖົ່ວວອນນັດມີທອງແດງຊ່ວຍໃຫ້ສີຜົມຂອງທ່ານສຸຂະພາບດີ ເຊິ່ງການຂາດແຮ່ທາດຈະເຮັດໃຫ້ຜົມຫງອກໄວ.
  4. ໄຂ່ : ເລັບມື – ເຕັບຕີນຂອງທ່ານມີໂຄງສ້າງມາຈາກໂປຣຕິນ ດັ່ງນັ້ນ ໂປຣຕິນຈຶ່ງສຳຄັນ ໂດຍການໝັ່ນກິນໄຂ່ເປັນປະຈຳ ເພາະມີໄບໂອຕິນ ໜຶ່ງໃນສານອາຫານກຸ່ມວິຕາມິນ B ທີ່ຊ່ວຍສ້າງກົດອະມິໂນ ເຊິ່ງເປັນໂຄງສ້າງໜຶ່ງຂອງໂປຣຕິນ.
  5. ຜັກກາດນາ : ມີສານອາຫານຫລວງຫລາຍ ເຊິ່ງລວມໄປເຖິງວິຕາມິນ K ຊ່ວຍຫ້າມເລືອດປ້ອງກັນບັນຫາເລືອດອອກພາຍ ໃນ ແລະ ເລືອດໄຫລບໍ່ຢຸດ. ມີທາດເຫລັກຊ່ວຍບຳລຸງຜິວ, ປ້ອງກັນບັນຫາຜິວເປັນຈຳ້ເລືອດ.
  6. ກຸ້ງລັອບສະເຕີ : ມີແຮ່ທາດສັງກະສີຊ່ວຍຂັດຂວາງອາການອັກເສບທີ່ຈະຊ່ວຍດູແລຜິວທີ່ບໍ່ສະໝໍ່າສະເໝີ ລວມທັງບັນຫາສິວ ທາດສັງກະສີຊ່ວຍເລັ່ງການປັບສະພາບແຊນຜິວ ຄົນທີ່ໄດ້ຮັບແຮ່ທາດສັງກະສີຫລາຍຈະບໍ່ຄ່ອຍມີສິວ.
  7. ໝາກບລູເບີຣີ : ຊ່ວຍໃຫ້ຜິວສົດໃສດ້ວຍວິຕາມິນ C ແລະ E, ມີສານຕ້ານອະນຸມູນອິດສະລະ ເຮັດໃຫ້ຜິວຂາວໃສ, ສີຜິວສະເໝີກັນເປັນທຳມະຊາດ.
  8. ໝາກພິລາ : ມີສານຕ້ານອະນຸມູນອິດສະລະ, ວິຕາມິນ C ຊ່ວຍປ້ອງກັນຮອຍຫ່ຽວຍານ, ຄວາມແຫ້ງລອກຂອງຜິວ, ມີສານແອນໂທໄຊຍານີນຊ່ວຍເພີ່ມການຜະລິດຄໍລາເຈັນ ເຮັດໃຫ້ຜິວເບິ່ງຄືຜິວເດັກນ້ອຍ ແລະ ມີສານແອລລາຈິກ ຊ່ວຍຫລຸດຜິວທີ່ອັກເສບຈາກແສງແດດທຳຮ້າຍ.
  9. ໝາກໂມ : ມີໄລໂຄປີນ ເປັນສານຕ້ານອະນຸມູນອິດສະລະທີ່ພົບໃນຜັກ ແລະ ໝາກໄມ້ສີແດງ ເຊັ່ນ : ໝາກໂມ, ໝາກເລັ່ນ ເຊິ່ງຊ່ວຍກຳຈັດແຊນຜິວທີ່ຖືກແສງແດດທຳລາຍ.
  10. ກາເຟ : ການດື່ມກາເຟຈັກຈອກໃນຕອນເຊົ້າບໍ່ພຽງແຕ່ຊ່ວຍເລີ່ມມື້ດີໆຂອງທ່ານ ແຕ່ກາເຟມີສານອອກລິດທາງຊີວະພາບ ທີ່ຊ່ວຍປ້ອງກັນຜິວໜັງຂອງທ່ານຈາກຄວາມສ່ຽງການເກີດຊີ້ນປົ່ງໄດ້ໜ້ອຍລົງ ແລະ ຄົນທີ່ດື່ມກາເຟມື້ລະ 4 ຈອກທຸກມື້ ມີຄວາມສ່ຽງໜ້ອຍລົງ 20% ທີ່ຈະເປັນມະເຮັງຜິວໜັງຮ້າຍແຮງ.
10 ອາຫານກິນແລ້ວເຮັດໃຫ້ໜ້າອ່ອນຄືເດັກນ້ອຍ - lattana 1 -  10 ອາຫານກິນແລ້ວເຮັດໃຫ້ໜ້າອ່ອນຄືເດັກນ້ອຍ