ຫລິ້ນບຸນນະມັດສະການພະທາດຫລວງບົນຈິດໃຈປະຢັດ

ຫລິ້ນບຸນນະມັດສະການພະທາດຫລວງບົນຈິດໃຈປະຢັດ - advert banner 728 90 728x90 - ຫລິ້ນບຸນນະມັດສະການພະທາດຫລວງບົນຈິດໃຈປະຢັດ

ໂດຍ: ທ່ຽງທຳ  

ຫລິ້ນບຸນນະມັດສະການພະທາດຫລວງບົນຈິດໃຈປະຢັດ - lattana 1 - ຫລິ້ນບຸນນະມັດສະການພະທາດຫລວງບົນຈິດໃຈປະຢັດ

ສະບາຍດີ, ເພື່ອນຜູ້ອ່ານ ທີ່ຮັກແພງ, ຍັງອີກພຽງສິບ ກວ່າມື້ງານບຸນນະມັດສະການ ພະທາດຫລວງກໍຈະມາຮອດ ແລ້ວ, ກໍຄືມື້ເພັງ 15 ຄ່ຳ ເດືອນ 12 ລາວ, ກົງກັບວັນທີ 22 ພະຈິກ 2018, ແຕ່ໃນຕົວຈິງ ຂອງບຸນທາດຫລວງປີນີ້ ແມ່ນ ຈະມີການຄົບງັນ ແລະ ເປີດ ງານວາງສະແດງສິນຄ້າໄປ ແຕ່ວັນທີ 16 ພະຈິກ, ທັງຢູ່ ກະ ໂຕເດີນທາດຫລວງ ແລະ ສູນການຄ້າລາວໄອເຕັກ, ນອກຈາກເປັນການຄົບງັນ ຕາມປະເພນີແລ້ວ, ງານບຸນ ປີນີ້ຍັງຕິດພັນກັບການສົ່ງ ເສີມປີທ່ອງທ່ຽວລາວໃຫ້ ຟົດຟື້ນຕື່ມອີກຄັ້ງໜຶ່ງ ແລະ ໃນງານຍັງຈະມີກິດຈະກຳ ອື່ນໆອີກຫລາຍຢ່າງຄືການ ສະແດງສິລະປະວັນນະຄະດີ ທັງພື້ນເມືອງ ແລະ ຄອນເສີດ ທີ່ທັນສະໄໝຂອງຄະນະ ດົນຕີ ແລະ ສິນລະປິນທີ່ມີ ຊື່ ສຽງຕ່າງໆ.

ພ້ອມນັ້ນພວກເຮົາກໍຈະ ໄດ້ສຳພັດ ແລະ ຊີມລົດຊາດ ຂອງອາຫານນາໆຊະນິດທີ່ ເຂົ້າມາບໍລິການຮັບໃຊ້ມວນ ຊົນຜູ້ມາທ່ຽວຊົມງານບຸນ ດັ່ງກ່າວໃຫ້ມີບັນຍາກາດຟົດ ຟື້ນຍິ່ງຂຶ້ນ.

ແຕ່ໃນຂະນະດຽວກັນ ທ່ຽງທຳກໍຂໍເຕືອນໃຫ້ພວກ ເຮົາຄຳນຶງເຖິງການປະຢັດ ມັດທະຍັດ ແລະ ຕ້ານການ ຟຸມເຟືອຍ, ໂດຍສະເພາະ ແມ່ນການກິນການດື່ມແນວ ໃດໃຫ້ພໍດີພໍມ່ວນ, ບໍ່ຟຸມເຟືອຍ ສິນເປືອງ ແບບກິນແບບດື່ມ ຢ່າງບໍ່ເລີກ ບໍ່ລາ.
ນອກຈາກຈະເປັນການ ສູນເສຍວັດຖຸເງິນຄຳແລ້ວຍັງ ສົ່ງຜົນໃຫ້ມີຄວາມສ່ຽງດ້ານ ອຸປະຕິເຫດຕື່ມອີກ.
ກໍດັ່ງໂອກາດບຸນອອກ ພັນສາ ແລະ ຊ່ວງເຮືອທ່າ ວັດຈັນຜ່ານມານັ້ນເຖິງວ່າບໍ່ ມີຫຍັງຮ້າຍແຮງເກີນເຫດ ແຕ່ກໍຍັງເກີດມີອຸປະຕິເຫດ ແລະ ມີຜູ້ເສຍຊີວິດບໍ່ໜ້ອຍ.

ຖ້າເວົ້າໃນບ່ວງມະຫາ ພາກປີນີ້ກໍເປັນປີທີ່ປະເທດ ເຮົາປະສົບກັບຄວາມຫຍຸ້ງຍາກຫລາຍຢ່າງເນື່ອງຈາກ ໄພທຳມະຊາດ, ປະຊາຊົນ ແຕ່ເໜືອຮອດໃຕ້ປະສົບກັບ ໄພນ້ຳຖ້ວມຢ່າງຮ້າຍແຮງ ສົ່ງຜົນໃຫ້ມີຄວາມສູນເສຍ ຢ່າງຫລວງຫລາຍທັງຊີວິດ ແລະ ຊັບສິນ, ເຊິ່ງຍັງມີຫລາຍ ຢ່າງທີ່ພວກເຮົາຈະຕ້ອງ ໄດ້ສຸມໃສ່ຟື້ນຟູປົວແປງ, ໂດຍສະເພາະພື້ນຖານໂຄງ ລ່າງຖະໜົນຫົນທາງ, ເງື່ອນໄຂການຜະລິດຕ່າງ ເພື່ອທົດ ແທນຜົນເສຍຫລາຍຈາກໄພ ພິບັດດັ່ງກ່າວ.

ດັ່ງນັ້ນການປະຢັດວັດ ຖຸ ເງິນຄຳ ແລະ ການເວລາຈິ່ງ ເປັນບັນຫາເລັ່ງດ່ວນຂອງປະ ເທດເຮົາໃນປັດຈຸບັນເຮັດແນວ ໃດການຫລິ້ນການກິນກໍໃຫ້ ພໍດີພໍງານໄດ້ທັງບັນຍາກາດ ແລະ ຕ້ານການຟຸມເຟືອຍໃຫ້ ມີປະສິດທິຜົນ./.

 

ບຸນທາດຫລວງຢ່າໃຫ້ມີການສວຍໂອກາດເກັບຄ່າຝາກລົດເກີນກຳນົດ2018/

ບຸນຊ່ວງເຮືອທ່າວັດຈັນ ປີນີ້ມີຄວາມສະຫງົບຮຽບຮ້ອຍດີ2018/

ຫລິ້ນບຸນນະມັດສະການພະທາດຫລວງບົນຈິດໃຈປະຢັດ - 2584774 - ຫລິ້ນບຸນນະມັດສະການພະທາດຫລວງບົນຈິດໃຈປະຢັດ
(ພາບປະກອບ)