ລາວຈະທົດລອງພັດທະນາເຂື່ອນໄຟຟ້າພະລັງງານນໍ້າແບບດີຈີຕອນ

ລາວຈະທົດລອງພັດທະນາເຂື່ອນໄຟຟ້າພະລັງງານນໍ້າແບບດີຈີຕອນ - advert banner 728 90 728x90 - ລາວຈະທົດລອງພັດທະນາເຂື່ອນໄຟຟ້າພະລັງງານນໍ້າແບບດີຈີຕອນ

ພິທີລົງນາມບົດບັນທຶກຄວາມເຂົ້າໃຈໃນໂຄງການທົດລອງພັດທະນາເຂື່ອນໄຟຟ້າພະລັງງານນໍ້າແບບດີຈີຕານໃນລາວລະຫວ່າງບໍລິສັດ ຜະລິດໄຟຟ້າລາວ ມະຫາຊົນ (EDL-GEN) ແລະ ບໍລິສັດ ຈີອີ (GE) ຈາກສະຫະລັດອາເມລິກາ ໄດ້ຈັດຂື້ນໃນວັນທີ 8 ພະຈິກນີ້ທີ່ນະຄອນຫລວງວຽງຈັນ, ໂດຍມີທ່ານ ເຣນາ ບິດເຕີ ເອກອັກຄະລັດຖະທູດສະຫະລັດອາເມລິກາປະຈໍາລາວ, ທ່ານອໍານວຍການໃຫຍ່ບໍລິສັດ GE ອາຊີ-ປາຊີຟີກ, ທ່ານຫົວໜ້າຫ້ອງການກະຊວງພະລັງງານ ແລະ ບໍ່ແຮ່ ແລະ ພາກສ່ວນກ່ຽວຂ້ອງເຂົ້າຮ່ວມນໍາດ້ວຍ.

ລາວຈະທົດລອງພັດທະນາເຂື່ອນໄຟຟ້າພະລັງງານນໍ້າແບບດີຈີຕອນ - lattana 1 - ລາວຈະທົດລອງພັດທະນາເຂື່ອນໄຟຟ້າພະລັງງານນໍ້າແບບດີຈີຕອນ

ໂຄງການທົດລອງດັ່ງກ່າວຈະລວມມີໜ້າວຽກສໍາຄັນຄື: ການປະເມີນດ້ານເຕັກນິກຂອງການພັດທະນາໄຟຟ້ານໍ້າຕົກຂອງ EDL-GEN ເພື່ອວາງພື້ນຖານລະບົບການວິເຄາະການນໍາໃຊ້ພະລັງງານ ຕະຫລອດຮອດການບໍາລຸງຮັກສາເຂື່ອນພະລັງງານໄຟຟ້ານໍ້າຕົກດ້ວຍລະບົບດີຈີຕານ ແລະ ໂຄງການທົດລອງນີ້ມີປະສິດທິຜົນສູງ ແມ່ນຈະໄດ້ຂະຫຍາຍການຈັດຕັ້ງປະຕິບັດຕື່ມອີກໃນເຂື່ອນ 9 ແຫ່ງ.

ທ່ານທູດສະຫະລັດອາເມລິກາ ກ່າວວ່າ: GE ແມ່ນບໍລິສັດແຖວໜ້າດ້ານການພັດທະນາພະລັງງານແບບຍືນຍົງໃນໂລກ ແລະ ສປປ ລາວ ຈະໄດ້ຮັບປະໂຫຍດໃຫຍ່ຫລວງຈາກໂຄງການຮ່ວມມືນີ້, ໃນດ້ານການພັດທະນາບຸກຄະລາກອນ ແລະ ສົ່ງເສີມຊຸມຊົນມີສ່ວນຮ່ວມໃນວຽກງານພະລັງງານແບບຍືນຍົງ.

ໃນໂອກາດດັ່ງກ່າວ, ກໍໄດ້ມີສໍາມະນາແລກປ່ຽນບົດຮຽນກັບຊ່ຽວຊານສາກົນ ກ່ຽວກັບການຜະລິດພະລັງງານໃນ ສປປ ລາວ, ນະວັດຕະກໍາ, ເຕັກໂນໂລຊີການຜະລິດ, ການນໍາສົ່ງກະແສໄຟໃນຮູບແບບດີຈີຕານ ລວມເຖິງການພັດທະນາພະລັງງານຈາກລົມ, ແສງຕາເວັນ, ຖ່ານຫີນ ແລະ ພະລັງງານທົດແທນອື່ນໆ.